9 dəqiqə (film, 1999)

Vikipediya, açıq ensiklopediya
Jump to navigation Jump to search
9 dəqiqə
9 dəqiqə (film, 1999)(kollaj).jpg
Janr sənədli
qısametrajlı
Rejissor Xamiz Muradov
Tofiq Məmmədov
Ssenari müəllifi Aydın Dadaşov
Operator Rəfael Salamzadə
İstehsalçı "Salnamə" sənədli filmlər studiyası
Filmin növü qısametrajlı sənədli film
Rəng ağ-qara
Vaxt 9 dəq.
Ölkə Azərbaycan Azərbaycan
Dil azərbaycanca
İl 1999
Texniki məlumat 1 hissə
265 metr[1]

9 dəqiqə filmi rejissorlar Xamiz MuradovTofiq Məmmədov tərəfindən 1999-cu ildə çəkilmişdir. Film "Azərkinovideo" istehsalat birliyinin sifarişilə "Salnamə" sənədli filmlər studiyasında[1] istehsal edilmişdir. Film ağır həyat şəraitinə məruz qalan qaçqınlardan bəhs edir. Burada doğma ocaqlarından didərgin düşmüş Azərbaycan qaçqınlarının çətin güzəranı canlandırılıb.[2] Film 2000-ci ildə film "Humay" Mükafatına, 2003-cü ildə isə "Ən yaxşı sənədli film" nominasiyası üzrə “Qızıl Çıraq” Milli Kino Mükafatına layiq görülüb.

Məzmun[redaktə | əsas redaktə]

Film uzun illər vaqonlarda yaşamağa məcbur olan Azərbaycan qaçqınlarının həyat və məişətinə həsr edilmişdir.[1]

Burada həyat davam edir. Xəstə qoca radionu qoşur və radioda gedən verilişlər fonunda qapı ağzından görünən qatar vaqonlarının şütüyərək keçməsilə müəlliflər tamaşaçıya zamanın ötüb keçməsini izah edir. Ana uşağını doydurur, ayağını itirmiş müharibə veteranı nisgilli halda protezini taxır, nənə ip əyirir, uşaqlı ana xalça toxuyur. Burada şad günlər də olur, bəd günlər də. Şad günləri müəlliflər xudmani toy səhnəsilə, bəd günləri isə xəstə qocanın ölümü ilə göstərirlər. Zaman yenə ötüb-keçir, həyat öz axarıyla davam edir və filmin sonunda dünyaya yeni uşaq-yeni nəsil gəlir...

Mükafatlar[redaktə | əsas redaktə]

  • 2000-ci ildə film "Humay" Mükafatına layiq görülmüşdür.[1]
  • 2003-cü ildə film "Ən yaxşı sənədli film" nominasiyası üzrə “Qızıl Çıraq” Milli Kino Mükafatına layiq görülüb.[3]
  • 2008-ci ildə "I Beynəlxalq anım filmləri" tədbirində film “Ən emosional film“ nominasiyasında mükafata layiq görülüb. [4]

Filmin üzərində işləyənlər[redaktə | əsas redaktə]

Rejissor: Xamiz Muradov, Tofiq Məmmədov
Operator: Rəfael Salamzadə

İstinadlar[redaktə | əsas redaktə]

  1. 1,0 1,1 1,2 1,3 Aydın Kazımzadə. Azərbaycan kinosu - 2 (filmlərin izahlı kataloqu (1898-2002)). Bakı: 2003, səh.314.
  2. 20 Yanvar hadisələri sənədli ekran əsərlərində
  3. “Azərbaycanfilm”in keçmiş direktoru əməliyyat olunub
  4. “I Beynəlxalq anım filmləri“ yekunlaşdı

Mənbə[redaktə | əsas redaktə]

  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 5.
  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 351; 377.

Həmçinin bax[redaktə | əsas redaktə]

Azərbaycan filmlərinin siyahısı
1999-cu ilin Azərbaycan filmləri
1990-cı illər Azərbaycan filmlərinin siyahısı