İstifadəçi müzakirəsi:Gadir

Sizin üçün bir ulduz!

	Xüsusi ulduz
	Azvikiyə verdiyiniz töhfələrə görə- Wikipediya M (müzakirə) 16:42, 29 aprel 2023 (UTC)

Fəaliyyətimi qiymətləndirdiyiniz üçün minnətdaram! Gadir (müzakirə) 16:48, 29 aprel 2023 (UTC)

Tayyibə Mervə Çakar səhifəsinin silinməyə namizəd göstərilməsi

Tayyibə Mervə Çakar səhifəsinin Vikipediyada saxlanıb-saxlanılmaması ilə bağlı müzakirə aparılır.

Konsensus əldə olunanadək səhifə Vikipediya:Silinməyə namizəd səhifələr#Tayyibə Mervə Çakar səhifəsində müzakirə olunacaqdır. Hər kəs, o cümlədən siz müzakirəyə qatıla, fikirlərinizi bölüşə bilərsiniz.

İstifadəçilər müzakirə zamanı səhifəni redaktə edə, eləcə də müzakirə zamanı bildirilən problemləri həll etmək üçün səhifəni təkmilləşdirə bilərlər. Bununla belə, səhifənin yuxarı hissəsində yerləşdirilmiş silinmə şablonunu götürməyin.

Dr.Wiki54 (müzakirə) 17:46, 29 aprel 2023 (UTC)

Arxivləşdirmənin doğru aparılmaması

Salam, müzakirə səhifənizdəki arxivləşdirmələrin bəzilərini silərək heç yerə arxivləşdirmədiyinizi gördüm. Bunu etmək qaydalara ziddir. Qərarsız heç bir viki mətnin silinməsi doğru deyil. Qısa zamanda sildiyiniz müzakirələri bərpa etməlisiniz əks halda fəaliyyətiniz məhdudlaşdırıla bilər. Hörmətlə — eldarado(müzakirə | fəaliyyət | meta səhifəsi) 13:53, 3 may 2023 (UTC)

Bunu etməyə haqqım var və başqa istifadəçilər də bunu edir. Mənə əhəmiyyətli olmayan hissələri silməkdə azadam. @White Demon da belə olduğunu bilir. Gadir (müzakirə) 14:04, 3 may 2023 (UTC)

Zəhmət olmasa, hansı başqa istifadəçilər bunu edibsə keçidlə göstərin baxaq. — eldarado(müzakirə | fəaliyyət | meta səhifəsi) 21:07, 3 may 2023 (UTC)

Ümumiyyətlə, istəsəm heç arxivləşdirməyə də bilərəm. Bu, sadəcə tövsiyədir, bu barədə konkret qayda yoxdur. Bir misal. WD-da eyni mövqedədir. Ümumiyyətlə, siz istəyirsiz deyə arxivləşdirmək də doğru deyil. Qaydalarda belə tələb yoxdur. Bir inzibatçı kimi bunu bilməməyiniz qəribə gəldi. Hörmətlə, Gadir (müzakirə) 22:04, 3 may 2023 (UTC)

Hörmətli istifadəçi bu danışıq tərzidir? WD nədir? Sizin istifadəçi adınızı GD yazsam necə olar sizcə? Bundan əlavə yanılırsız və fəaliyyətiniz qəbuledilməzdir. Qaydaları bilməməyiniz bir yana bunu öyrənməkdən qaçınır və kobud şəkildə müzakirələrdə etiraz edib özünüzü haqlı sayırsınız. Bununla belə vikipediyanın Bloklama qaydalarının Vikipediyada saxtakarlıq başlığının ilk bəndinə əsasən (yəni Müzakirələr zamanı başqalarının yazılarının silinməsi, dəyişdirilməsi;), fəaliyyətiniz 1 ay müddətinə tərəfimdən məhdudlaşdırılır. Orada yalnız sizin yazılarınız deyil və başqalarının yazılarını da silmiş sayılrsınız. Bu blok müddəti daha öncəki blokları və fəaliyyətinizi nəzərə aldıqda daha çox olmalıdır, lakin bundan sonra fəaliyyətinizə fikir verəcəyinizə inandığım üçün az müddət tətbiq etdim. Etirazınız varsa istənilən inzibatçını müzakirəyə dəvət edə bilərsiniz istifadəçi səhifəniz açıqdır. Hörmətlə — eldarado(müzakirə | fəaliyyət | meta səhifəsi) 05:48, 4 may 2023 (UTC)

Əvvala istifadəçinin bununla bağlı heç bir etirazı olmayıb. Əgər narazıçılıq olsa idi davam etməzdim. Deməli problem yoxdur və siz narahat olmalı deyilsiniz. Siz haqlısız? Nümunə dediniz, göstərdim. Problem və qayda pozuntusu yoxdur. Mənim üçün əhəmiyyətsizdir, silirəm. Və bunu müzakirə davam edəndə yox, bitəndə edirəm, arxivləmək yerinə. Çünki mənim üçün əhəmiyyətsizdir, məcbur deyiləm arxivləməyə. Arxivləmək sadəcə tövsiyədir, qayda deyil. Burada qayda pozuntusu yoxdur və əvvəlki blokların da bloklanmaya aiddiyatı yoxdur. Bir çoxu süni şəkildə sizin tərəfinizdən edilib, ki, onları da doğru hesab etmirəm. O qeyd etdiyiniz qayda aktiv müzakirələrdə başqalarının yazıları dəyişdirib silməyə aiddir ki, mənim elə fəaliyyətim yoxdur. Son olaraq siz mənə qarşı şəxsi qərəz güdürsünüz və fəaliyyətimə qəsdən mane olursunuz. Mən qaydaları çox gözəl bilirəm və mənim Vikipediyaya zərər verən fəaliyyətim yoxdur. Əlimdən gələni edirəm, ki, əgər mane olmasanız. @White Demon, fikir bildirə bilərsiniz? Gadir (müzakirə) 06:02, 4 may 2023 (UTC)

Və siz əsassız, sübut olmadan mənə saxtakarlıqla böhtan ataraq qaydaları pozursunuz. Saxtakarlıq hardadır? Gadir (müzakirə) 06:04, 4 may 2023 (UTC)

Dəfələrlə yalan yerə hesabımı bloklamısınız, ki, belə hallarda şəffaflıq üçün siz blok tətbiq etməli deyilsiniz. Belə mübahisələrdə bloklanacaq bir hal varsa da bu qərarı başqa 3-cü tərəf tərəfsiz bir inzibatçı verməlidir. Açıq-aşkar sizə verilən səlahiyyətdən üstünlük qazanmaq üçün sui-istifadə edirsiniz. Gadir (müzakirə) 06:17, 4 may 2023 (UTC)

Siz bir sıra istifadəçilərin yazılarını silmisiniz bu sizin üçün önəmli olmaya bilər. Misal üçün sizin müzakirə səhifənizə yazdığım yazıları tapa bilmədim və bunun fərqinə vardım ki, arxivləşdirmə etmirsiniz. Bu şərtdi heç bir müzakirə silinməməlidir. Saxtakarlığın harda olduğunu dedim və qaydalarla əsaslandırdım. İstənilən inzibatçını müzakirəyə dəvət edə bilərsiniz. Uğurlar. — eldarado(müzakirə | fəaliyyət | meta səhifəsi) 07:20, 4 may 2023 (UTC)

@Eldarado

• White Demon da yanlış məlumat verdiyinə görə bloklanmalıdır?
• Bloklama qaydalarının Vikipediyada saxtakarlıq başlığı və Vikipediya:Saxtakarlıq səhifələri eyni məzmundan ibarət deyil. Birinin rəsmi prinsip olmadığını deyə bilərsiz amma hər ikisi şablonda öz yerini tutur. Rəsmi prinsipə tam uyğun olmayan təlimatın olması məzh bu cür problemlərə gətirib çıxarır. Sizdən uyğun təlimatda düzəlişlər etməyinizi, lazım gələrsə rəsmi prinsip kimi qəbul olunması üçün səsverməyə çıxarılmasını xahiş və tələb edirəm. Bikar Orxan (müzakirə) 07:54, 4 may 2023 (UTC)

Bikar Orxan, White Demon-un müzakirələrini arxivləşdirmədən sildiyini görməmişəm. Açığı bunu edəcəyinə də inanmıram. Bundan əlavə qaydaları bilməmək problem deyil, əsas odur ki, bilmədiyini qəbul etsin və qaydalara uyğun fəaliyyət göstərməyə davam etsin. Gadir qaydaları pozur və özünü haqlı sayır. Bu da vikipediyanın normal işini pozur. Təklif edirəm ki, qaydaları kobud şəkildə pozan istifadəçinin tərəfini saxlamayın bu sizin tərəfli istifadəçi olduğunuzu icmaya yansıdır. Qaydalara gəldikdə isə on dənə qayda ola bilər əsas rəsmi olaraq qəbul olunandır. Qeyd etdiyiniz qayda 3-4 cümlədən ibarətdir, tam deyil və istəyən istifadəçini onu tamamlayıb ilk öncə əlavələr və dəyişikliklər üçün daha sonra isə səsvermədən öncə səsverməyə çıxarılması üçün son müzakirəyə çıxara bilər. Mən bunu etməyə borclu deyiləm ki, məndən tələb edirsiniz. Hörmətlə — eldarado(müzakirə | fəaliyyət | meta səhifəsi) 08:24, 4 may 2023 (UTC)

• Sual White Demon-un müzakirəni arxivləşdirməsi yox, onun bu barədə verdiyi izah barədə idi.
• Onsuz "10 nəfər" aktiv istifadəçi var, bu halda belə məni tərəfli adlandırmağınız üzücü haldır.
• Normalda bunu etməyə məcbur deyilsiz, lakin təlimatlarda bu ür toqquşma halı baş verdikdə nə isə tədbir görmək lazımdır. Mən həmin təlimatın məzmununu tamamilə silsəm və ya şablondan kənarlaşdırsan haqqımda tədibr görülməyəcək? Bikar Orxan (müzakirə) 08:42, 4 may 2023 (UTC)

• Yanlış izaha görə heç kəs bloklanmır :)
• Vikipediya könüllü layihə olduğu üçün istifadəçilərin tərəfsiz, bir məqsədə yəni azvikinin inkişafına töhfə verən fəal istifadəçilərdən ibarət olması daha məqsədəuyğundur. Buna görə də hər kəs vikipediyanın normal işini pozan istifadəçiləri layihədən uzaqlanşdırmağa həvəsləndirməlidir.
• Rəsmi qaydalar mühafizə olunur, yəni silə bilməyəcəksiniz. Qəbul olunmamış qaydalar isə açıqdır. Məmununun səbəbsiz silinməsi bloklanma səbəbidir. Hörmətlə — eldarado(müzakirə | fəaliyyət | meta səhifəsi) 08:51, 4 may 2023 (UTC)

  Səbəbsiz silməmişəm. Dediyim kimi, mənim üçün əhəmiyyətsiz hissələri silmişəm, silirəm. Gadir (müzakirə) 16:21, 4 may 2023 (UTC)

İstifadəçilərin müzakirə səhifələri ilə bağlı heç bir qaydamız yoxdur. Ona görə də konkret olaraq istifadəçilərin öz müzakirə səhifələrinin məzmununu silmələrinin doğru olub-olmadığını deyə bilmərik. Amma fakt odur ki, EnVikidə belə qayda var ki, istifadəçilər öz müzakirə səhifələrinin məzmununu silə bilərlər, yəni EnVikidə arxivləşdirmə aparmaq məcburi deyil, preferred seçim kimi göstərilir. Qaydamız da olmadığı üçün hansısa istifadəçinin öz müzakirə səhifəsinin məzmununu silməsində bir problem görmürəm. WhiteDem✪n 11:52, 4 may 2023 (UTC)

@White Demon, açıqlama üçün təşəkkürlər. İndi bunları da nəzərə alanda mən blokda qalmalıyam ya onlar da bloklanmalıdır? Xeyalı da saxtakarlıq adı ilə bloklayıb.. [1], [2], [3], [4], [5], [6], [7], [8]. Hər kəs müzakirə səhifəsindəki istədiyi məzmunu çıxarmaqda azaddır, bu, saxtakarlıq deyil. Sabah, o biri gün texniki bir düzəliş aparanda ya da hansısa bir səbəbə görə öz doğrularına əsaslanıb yenə məni bloklayacaq? Sizcə, mən Vikipediyanın normal işini pozuram, ziyan vururam? Bu şəxs isə, günahsızdır? Etdiyi yanlışa görə qarşı çıxanları da tərəfli adlandırır. Bu durumda özü qərəzli olmur? Siz bilirsiniz, əvvəlki bloku da 1 il öncə etdiyim bir redaktəyə görə etmişdi, həm də yazmışdı ki, istifadəçi o redaktəyə görə cəzalandırılmayıb və cəzalandırmaq lazımdır. Ondan əvvəldə bloklayıb istifadəçi hüquqlarımı almışdı. Blok bir yana, Az Vikidə ümumiyyətlə, elə bir mexanizm yoxdur və olmadığı halda bunu etmişdi. O zaman da başqa bir digər inzibatçı müdaxilə edib hüquqlarımı bərpa etmişdi. Bütün bunları başqa cür necə başa düşək? Fəal vikipediyaçıları fikir bildirməyə, bu haqsızlığa qarşı çıxmağa çağırıram. Götürüb sabah, o biri gün sizi də bloklayacaq. Gadir (müzakirə) 13:44, 4 may 2023 (UTC)

Salam White Demon, yuxarıda qeyd etdiyim rəsmi prinsipi necə izah edərsiz bəs? Açıq aydın yazılıb ki, "Müzakirələr zamanı başqalarının yazılarının silinməsi, dəyişdirilməsi" saxtakarlıqdı. Misal üçün orada mənim müzakirəm var və mən onun silinməsini istəmirəm, mənim yazdığım silinəcəksə mən niyə yazıram onu? Qeyd etdiyiniz kimi olsa, hər kəs özünə sərf etməyən müzakirəni götürüb siləcək. Gadir siz hər yazınızda vikipediya üçün nə qədər zərərli istifadəçi olduğunuzu açıq aşkar bəlli edirsiniz. Ümid edirəm bu cür fəaliyyətdən çəkinərsiniz. Hörmətlə — eldarado(müzakirə | fəaliyyət | meta səhifəsi) 14:08, 4 may 2023 (UTC)

Siz səhv edirsiniz və buna kim qarşı çıxırsa, onu da tərəfli adlandırırsınız. O qayda şəxsi müzakirə səhifələrinə aiddir bəyəm? Yerləşdirdiyim keçidlərə nə deyəcəksiniz bəs? Çox maraqlıdır. Çünki mən bunu edən ilk və tək istifadəçi deyiləm. Heç bir vikidə də müzakirə səhifəsinin məzmununu silmək, arxivləməmək qadağan deyil və buna görə saxtakarlıqla ittiham edib bloklanmırlar. Başqasının müzakirə səhifəsi olsa, hə. Amma öz müzakirə səhifəndirsə, yox. Yenə də məni öz bildiyiniz kimi Vikipediyaya ziyan vurmaqla və zərərli olmaqda ittiham edirsiniz. Mənim yox, sizin fəaliyyətiniz zərərlidir. Tövsiyə edirəm ki, siz bu fəaliyyətinizdən çəkinərsiniz. Gadir (müzakirə) 14:18, 4 may 2023 (UTC)

Vikipediyada aqressiya yolverilməzdir. Siz məni dəfələrlə aqressiv olmada ittiham etmisiniz, ancaq özünüz artıq neçənci dəfədir ki, mənə qarşı qərəz göstərirsiniz. Özümü öymürəm, heç bunu sevmirəm də. Heç buna ehtiyac da yoxdur. Nə edirəmsə, təmənnasız bir şəkildə Vikipediya üçün edirəm. Amma hər halda, dediyiniz kimi zərərli fəaliyyətim olsa idi, burada başqa məqsədlər üçün fəaliyyət göstərsə idim, indiyədək müxtəlif istifadəçilər tərəfindən mükafatladırılmaz, fəaliyyətim dəyərləndirilməzdi. Sizə naçizanə təklif edirəm ki, yanlışınızı boynunuza alın və üzr istəyin. Gadir (müzakirə) 14:37, 4 may 2023 (UTC)

@White Demon, yadınızdadır, vaxtilə @Atakhanli sizə müraciət etdi ki, Azerifactory onun müzakirə səhifəsinə yazılanları silir. Siz də dediniz ki, problem yoxdur, istifadəçi bunu silirsə, mesajı oxumuş kimi qəbul edilir. Mən ki, bunu müzakirə davam edən vaxtı etmirəm ki. Yəni bunu etmək olar və problem yoxdur. Gadir (müzakirə) 14:54, 4 may 2023 (UTC)

@Eldarado salam. Qeyd etdiyiniz qaydada yazılıb ki müzakirələr zamanı silinməsi qadağandır. Müzakirə bitdikdən sonra silinməsi normaldır məncə. Arxivləşdirmə ilə bağlı prinsipimiz yoxdur. İstifadəçilərin bloklanmasının səhv olduğunu düşünürəm. Zəhmət olmasa bloku ləğv edin. Blok cəza deyil pozucu fəaliyyətin qarşısını almaq məqsədilə tətbiq olunmalıdır. NMW03 (müzakirə) 15:39, 4 may 2023 (UTC)

Təşəkkür edirəm. @Atakhanli, @Wealszy, @Turkmen, @Eminn, @Toghrul R, @Araz Yaquboglu, @Onyeddi, @Solavirum, zəhmət olmasa, siz də məsələyə öz fikirlərinizi bildirin. Hörmətlə, Gadir (müzakirə) 16:04, 4 may 2023 (UTC)

İstifadəçini öz müzakirə səhifəsində bitmiş və blok mesajı olmayan müzakirələri sildiyinə görə bloklamaq doğru deyil. — Wealszy (müzakirə) 16:09, 4 may 2023 (UTC)

İstifadəçinin bloklanması tamamilə doğru qərardır. Ardı arası kəsilməyən yeni müzakirələr və ona aid olmayan müzakirələrdə məqsədli iştirak və sairə səbəblər istifadəçinin bloklanmasını şərtləndirmişdir. Blok müddətini 20 günə endirməyi təklif edirəm. Digər bir tərəfdən isə bura çoxlu sayda istifadəçi adı işarələməklə cənab bürokrat/idarəçi üzərində təziqin yaradılmasını heç doğru hesab etmirəm. — Baskervill (müzakirə) 16:43, 4 may 2023 (UTC)

İstifadəçiləri fikirlərini paylaşmağı üçün teq etmişəm, nə təyqizi? İstifadəçi məni saxtakar adlandırır və bu iddiası əsasında bloklayıb. Sübut etsin, yox edə bilmirsə də, özü qaydaları pozub, pozur və pozmağa da davam edir. Bu düzdür, sizcə? Mən saxtakaram? Həmçinin belə olmasa da, Vikipediyaya ancaq və ancaq zərər verdiyimi müdafiə edir. Blokun müddəti azaldılmalı yox, ləğv edilməlidir. Ümumiyyətlə, mən blok barədə yuxarıda heç nə qeyd etməmişəm. İstifadəçinin mənə qarşı olan tutumu yolverilməzdir, fəaliyyətimə də mane olur. Blokun müddətinin azaldılıb mənə güzəşt kimi göstərilməməli, ümumiyyətlə, blok qaldırılmalıdır. Heç bir əsası yoxdur və yuxarıdakı istifadəçilər də bu fikirdədir. Hesabım niyə blokda qalmalıdır, niyə? Verəcək töhfələrim, görüləsi işlərim var, mən isə, durub burada nəyin müzakirəsini aparıram. Bunu düzgün hesab etmək olar? Məsələ burada həllini tapmasa, Metaya qədər daşıyacağam. İstifadəçinin hesabımı nəyin əsasında blokladığını və hərəkətlərini, qərəzini, sui-istifadə və özbaşınalıqlarını. Nədir, indi hər istəyəndə uydurma bir səbəb, səbəblərlə ortaya sürərək hesabı bloklayacaq? Olmaz belə axı, xahiş edirəm. @White Demon, sizin mövqeyiniz mənə maraqlıdır, tərəfsiz biri kimi. Ümid edirəm, bu əsassız ittihamları dəstəkləməzsiniz. Hörmətlə, Gadir (müzakirə) 17:40, 4 may 2023 (UTC)

Qaydalara zidd olduğunu iddia edir, halbu ki, bu onun sadəcə öz fikridir və tövsiyə edə bilər. Hansı qayda deyir bunu? Tövsiyəyə isə, riayət etmək kimi bir məcburiyətim yoxdur, çünki qayda deyil. Öz müzakirə səhifəmdir və vacib olmayan hissələri əhəmiyyətsiz hesab etdiyim üçün silmişəm. Heç bir qayda pozmamışam. @Sortilegus, sizin də fikirləriniz maraqlıdır. Gadir (müzakirə) 17:52, 4 may 2023 (UTC)

Nəyi dəyişdirib saxtakarlıq etmişəm? Yazıb ki, məni uzaqlaşdırmaq lazımdır. Yaxşı, qərəzi yoxdursa, niyə, hansı səbəbə? Kimə ziyanım var, kimlə mübahisə edirəm? Kimə nə edirəm? Fəaliyyətim sizi niyə belə narahat edir? Nədir bunun səbəbi? Gadir (müzakirə) 18:05, 4 may 2023 (UTC)

Cənab bir az səbirli olun lütfən. 30 günlə dünyamı dağılacaq ? — Baskervill (müzakirə) 19:07, 4 may 2023 (UTC)

O nə deməkdir ki, 30 günlə dünyamı dağılacaq ? Haqsız yerə niyə görə hesabım blokda olmalıdır? Gadir (müzakirə) 19:21, 4 may 2023 (UTC)

@Gadir Bu məsələ ilə bağlı fikir bildirmək istəmirəm amma deyə bilərəm ki, məndə müzakirə səhifəmi silmişdim 1 il öncə və Eldar bəy geri qaytarmışdı səhv etmirəmsə silmək olmaz demişdi məndə məcbur arxivləmişdim halbu ki, lazımsız başlıqlar çox idi. - Onyeddi ^(müzakirə) 21:09, 4 may 2023 (UTC)

İstifadəçi müzakirə səhifəsindəki müzakirələri istədiyində silə bilər, arxivləşdirmək və ya arxivləşdirməmək onun öz işidir. Onsuz da bütün yazışmalar müzakirə səhifəsinin tarixçəsində qalır. İstənilən vaxt tarixçədən o yazışmaları tapıb çıxarmaq mümkündür. Əsas məsələ, idarəçilərin istifadəçinin müzakirə səhifəsinin tarixçəsini silməməsidir. İdarəçi müzakirə səhifəsini silərsə, o zaman tarixçə də silinmiş olur. Doğrudur, gələcəkdə nəsə sübut etmək lazım olarsa, yenə də silinmiş tarixçəni bərpa etmək mümkündür, amma tarixçənin silinməməsi daha yaxşı olar təbii ki. Ancaq istifadəçiyə irad tutmaq ki, nəyə görə müzakirə səhifəni silmisən və arxivləşdirməmisən - bu düzgün deyil. Azvikidə bəlkə 50 min istifadəçi müzakirəsi səhifəsi var, indi idarəçilər durub onların hamısını 1-1 güdə bilməz ki, istifadəçi nəyisə sildi və arxivləşdirdi, nəyisə sildi və arxivləşdirmədi. Hələ 200 min məqaləyə düz-əməlli nəzarət edə bilək, qalsın istifadəçilərin müzakirə səhifələri. — Sortilegus (müzakirə) 01:14, 5 may 2023 (UTC)

Sortilegusun fikirləri ilə mən də razıyam. Əsas odur ki, səhifənin özü qalsın, silinməsin, tarixçə onsuz da qalır. EnVikidəki praktikadan da misal çəkmişəm. Daha da önəmlisi, mən daha öncə də istifadəçilərə müzakirə səhifələrinin məzmununu silməyin yanlış olmadığını bildirmişəm, ona görə indi əksini bildirməyim doğru olmaz. Qeyd olunan qaydada isə sadəcə müzakirələr zamanı silinmədən söhbət gedir. WhiteDem✪n 16:20, 5 may 2023 (UTC)

Salam Sortilegus, Siz öz fikirlərinizi deyirsiniz mən isə qaydalara əsasən istifadəçini bloklamışam. Hazırki qaydalara əsasən bloklana bilər. Müzakirə səhifəsində başqa istifadəçilərin yazıları silinib. İstifadəçi ona sərf etməyən yazıları silir digərlərini isə arxivləşdirir. NMW03, sizin də fikirləriniz maraqlıdır, lakin yanlışdır. o zaman SNS-də müzakirə bitdikdən sonra da silək müzakirələri. Bloklama qaydalarında da qeyd olunmayıb bu qayda hansı səhifələrə aiddir. Hörmətlə — eldarado(müzakirə | fəaliyyət | meta səhifəsi) 07:31, 5 may 2023 (UTC)

Açıq aşkar bloklama qaydalarının "Müzakirələr zamanı başqalarının yazılarının silinməsi, dəyişdirilməsi" punktu pozulub. Blokun lehinəyəm. Bu praktika xoşagələn deyil. Özüm də hamısını saxlayıram, hətta tənqidi xarakterli olanları da — Toghrul R (m) 10:18, 5 may 2023 (UTC)

@Toghrul R bəy, bu nümunə ilə sadəcədə müzakirənin pozulması eyni formada dəyirləndirirsiniz?

Nümunə:

• İlkin versiya:

İnsan bəy, 1+1=3 edər? — Adam (müzakirə), 17:22, 30 fevral 2023 (UTC)

xeyr. — İnsan (müzakirə), 17:23, 30 fevral 2023 (UTC)

Bundan əminsiniz? — Adam (müzakirə), 17:24, 30 fevral 2023 (UTC)

Bəli — İnsan (müzakirə), 17:25, 30 fevral 2023 (UTC)

• Redaktədən sonra

İnsan bəy, 1+1=3 edər? — Adam (müzakirə), 17:22, 30 fevral 2023 (UTC)

Bəli — İnsan (müzakirə), 17:25, 30 fevral 2023 (UTC)

- Bikar Orxan (müzakirə) 10:40, 5 may 2023 (UTC)

@Bikar Orxan hər hansı müzakirələrin və ya şərhlərin silinməsi qəbuledilməzdir. Şəxsin özü öz şərhini çıxara bilər, lakin tarixçədə görünməlidir — Toghrul R (m) 10:48, 5 may 2023 (UTC)

Hörmətli @Toghrul R, nəyi dəstəkləyirsiniz? Mənim saxtakar olduğumu? Xeyr, burası öz müzakirə səhifəmdir. KM kimi səhifələri desəniz deyərəm hə. @Sortilegus, çox gözəl açıqlama verib. Tarixçədə onsuz da qalır, əsas oradan silinməməsidir. Xarici vikilərdə bunu edəndə heç kim qarışmır və heç nə demir. İstər arxivlə, istər sadəcə sil. Onsuz da bunu da burada inzibatçılardan tutmuş hamı edir, keçidləri də qeyd etmişəm. İndiyə qədər bu barədə problem olub, kimsə bloklanıb? Yox. Bir dəfə bloklanıb hüquqlarım alınıb, bir dəfə 1 il əvvəlki bir redaktəmə görə bloklanmışam, indi də buna görə. Mənim də hamı kimi bunu etməyə haqqım var. Qəbuledilməzdir deyirsiniz, bu, öz fikrinizdir, amma yuxarıdakı və bir çox istifadəçi bunun yanlış olduğunu düşünür. Onların fikri önəmsizdir? Adicə, ən təkmil viki olan ingiliscə vikidə belə belə bir şey yoxdur. Bu saxtakarlıqdır bəyəm? Ayrıca o dediyiniz müzakirə zamanı başqalarının şərhini silmək və ya dəyişmək tamam fərqli şeylərdir. Buna aidiyyatı belə yoxdur. Hörmətlə, Gadir (müzakirə) 11:01, 5 may 2023 (UTC)

@White Demon, sizdən hələ də reaksiya gözləyirəm. Gadir (müzakirə) 11:07, 5 may 2023 (UTC)

@Gadir siz mənim yazdıqlarımı niyə təhrif edirsiniz? Mən kimisə saxtakar adlandırmamışam. Digər istifadəçilərin fikirlərinin önəmsiz olduğunu da qeyd detməmişəm. Müzakirə gedir və fikirlər bildirilir, mən də öz fikrimi bildirirəm, bu qədər sadə. Tarixçələrə yalnız idarəçilər baxa bilir, bu da Vikipediyanın əsas prinsipini pozur. Texniki tərəfdən isə tarixçələr heç var silinmir, ümumiyyətlə, MediaVikidə kökündən silinən heç nə yoxdur. Konkret qayda olduğu üçün başqa Vikipediyaları nümunə kimi göstərməyə gərək yoxdur. — Toghrul R (m) 11:08, 5 may 2023 (UTC)

@Toghrul R, mən başa düşə bilmirəm ki, öz müzakirə səhifəmdən nəyisə silmək sizə niyə problem yaradır və narahat edir. Tarixçələrdən hamı onsuz da görür də. Heç arxivləməyə də bilərəm. Arxivləmək də sadəcə tövsiyədir, qayda, məcburiyyət deyil. Heç nəyi təhrif etmirəm. Qeyd etmisiniz ki, bloku dəstəkləyirəm. Mən də qeyd edirəm ki, məni saxtakarlıq adı ilə bloklayıb. Yəni bloku dəstəkləyəndə bunu da dəstəkləmiş olmursunuz? İstifadəçilərin fikri ümumi qaydalara əsasən bunun mümkün olduğu və blokun açılması yönündədir. Bu barədə nə Az Vikidə, nə də ki, ümumi qaydalar yoxdur. Özümüzdən nəsə kəşf etməyə gərək yoxdur. Son olaraq bunlara da nəzər yetirə bilərsiniz. [9], [10], [11], [12], [13], [14], [15], [16]. Gadir (müzakirə) 11:16, 5 may 2023 (UTC)

Gadir mən sizə qaydadan istinad göstərdim. Siz də qaydaya istinad edin ki, müzakirələrdə başqa istifadəçilərin yazılarını silə bilərsiz, arxivləşdirmək sadəcə tövsiyə olunur. Bu zaman mən sizdən üzr istəyib blokunuzu qaldırıram. Burada məqdsədli hərəkət etmirəm, qaydalara əsasən hərəkət edirəm. Siz sadəcə qayda göstərin. Hörmətlə — eldarado(müzakirə | fəaliyyət | meta səhifəsi) 11:52, 5 may 2023 (UTC)

@Eldarado, belə bir şey qadağan deyil və indiyədək heç kim buna görə, yəni müzakirə səhifəsini sildiyinə, arxivləşdirmədiyinə bloklanmayıb. Sadəcə tövsiyə edilib ki, arxivləyə bilərsiniz. O da istifadəçinin öz verəcəyi qərardır, başqa istifadəçilər qarışa və məcbur edə bilməz. Sadəcə tövsiyə, başqa bir şey deyil, bəli. @Sortilegus, çox gözəl və açıqlayıcı rəy verdi. @Xeyal bəy və mən ilkəm. Hələ orada bildirmisiniz ki, qaydalar dəyişilməmiş blok qaldırılmalı deyil. Yaxşı, bəs siz bizi nəyin, hansı qaydanın əsasında bloklamısınız? Hansı qaydalardan söhbət gedir? Qaydaları əsas gətirmisiniz ki, qaydalarda belə bir şey yoxdur. Bu səlahiyyətlərdən sui-istifadə və qərəz deyil də, nədir? Ya da ki, təcrübəsizlik olar, ona da inanmıram. Siz bütün bunlarla nə demək istəyirsiniz? Bütün bunlar nə deməkdir? Bu azmış kimi, bizi saxtakarlıqda ittiham edirsiniz. Mənim layihəyə zərərli olduğumu, qərəzli olduğumu, müzakirələrdə sərt şəkildə qoşulub fikir bildirdiyimi və qaydaları bilmədiyimi deyirsiniz. Maraqlıdır ki, bütün bunları nəyə əsaslanaraq deyirsiniz? Bu, etdiyiniz konstruktiv fəaliyyət deyil. O qayda deyir ki, müzakirə zamanı başqalarının yazılarını silməyin və dəyişdirməyin və biz ki, müzakirə zamanı heç nəyi dəyişib ya da silməmişik ki? Heç orada müzakirə səhifəsini silmək olmaz deyə bir cümlə belə yazılmayıb. Saxlamaq və ya arxivləşdirmək sadəcə tövsiyədir. Bunu artıq neçənci dəfədir qeyd edirəm, qeyd edilir. Qlobal praktikada belə bir məhdudiyyət söz mövzusu belə deyil və heç kim nəinki orda bloklanmır, heç burda da indiyə qədər buna görə bloklanmayıb. Siz isə, hələ də özünüzü haqlı sayırsınız. @White Demon, sizin bu yanaşmanızı, mövzuya gec fikir bildirməyinizi və mövqeyinizi birmənalı olaraq qarşılamadım və mən də tərəfsiz olmamağınızla bağlı tərəddüdlər yaratdı. Yadırğadım, bilirsiniz niyə? Çünki siz normalda məsələlərə operativ reaksiya verən və tərəfsiz yanaşan redaktorsunuz. İndiyə qədər də fəaliyyətinizdə belə bir hal müşahidə etməmişdim. Hörmətli @Wealszy bloklanan zaman eyni situasiyada bloku qaldırdınız. Bir müddət öncə Xəyal belə bir şey edəndə, yəni sizin onu bloklamağınızla bağlı başlığı siləndə geri qaytarmışdım ki, silməyin. Siz də demişdiniz ki, silə və silinə bilər. İndi bu fikri bildirən birinin bu blok barədə fikir bildirməməsi, çəkinərək bəzi başqa fikirlər söyləməsi heç də neytrallıq deyil. İnzibatçı seçkilərində tərəfsiz olmasını söylədiyiniz və bunun inzibatçı üçün ən əsas şey olduğunu söylədiyiniz Wealszy bəy belə gəlib çəkinmədən fikrini açıq-aydın bildirdi. Həmçinin mənə bəzi istifadəçilərin teq edilməsinə rəğmən fikir bildirməmələri və ya bunu istəməmələri çox maraqlı gəldi. Tamam, fikir bildirməyə bilərlər, azaddırlar, ancaq məhz Eldarodonun məni 3 dəfə əsassız yerə bloklaması nəyi göstərir? Ardıcıllığı qeyd edirəm. Birinci dəfə 15 gün bloklayıb hüquqları alması, ikinci dəfə bu yaxınlarda bir il öncəki bir redaktəmə görə 15 gün bloklaması, indi də üçüncü dəfə müzakirə səhifəmdən bir başlığı (onun açdığı başlığı) sildiyimə görə saxtakarlıq ittihamı ilə 1 ay bloklaması. Qeyd: Bunlar Az Vikidə bir ilkdir, bənzəri hallar heç vaxt olmayıb. @Atakhanli, sizi də işarələmişdim və susaraq fikirlərimi yanıltmağa doğru gedirsiniz. @Toghrul R bəy, çox təəssüf ki, bloku dəstəklədiyinizi yazmısınız və ən son mesajıma cavab vermədiniz. Qlobal praktikanı siz yaxşı bilərsiniz. Belə bir şey var? Tamam, sizin üçün o mövqe doğru ola bilər. Lakin o səbəbə görə bloklanmağım? Keçidləri də qeyd etmişəm, baxa bilərsiniz. Onda belə çıxır ki, indi hər istifadəçi bloklanmalıdır? Nə düşünürsünüz? @Turkmen, @Sortilegus, hörmətli bürokratlar, xahiş edirəm, məsələyə müdaxil olun. Mən hesab edirəm ki, Eldarado ilə nə qədər müzakirə etsəm də boşdur və nəticə verən deyil. Nümunə kimi sizə bu müzakirəni göstərə bilərəm. Hələ o müzakirənin sonunda nəzakət qaydalarını pozduğumu iddia edərək məni yenə bloklamışdı. Açığı, yanlış mövqeyindən və fəaliyyətindən dönəcəyinə inanmıram. Hörmətlə, Gadir (müzakirə) 19:35, 6 may 2023 (UTC)

Gec fikir bildirmək? Siz dəqiqəsində müzakirəyə cavab yazmağımı gözləyirsiz? Müzakirəyə 1-2 gün içərisində cavab vermişəm, 10-15 gün sonra yox. İkincisi, yuxarıda fikrimi ifadə etmişəm ki, mən daha öncə də istifadəçilərə müzakirə səhifələrinin məzmununu silməyin yanlış olmadığını bildirmişəm, ona görə də görə də müzakirə səhifəsinin məzmunun silinməsini qayda pozuntusu hesab etmirəm. İndi deyirsiz ki, məsələyə heç bir fikir bildirməmişəm? Bundan bir-iki həftə əvvəl Eldarado sizi keçən ilki bir redaktəyə görə bloklayanda sizdən qabaq mən birinci etiraz etmişdim və Eldarado bloku aradan qaldırmışdı. İndi isə məni tərəfli adlandırmağınız həm gülüncdür, həm də ciddi ittihamdır. WhiteDem✪n 19:49, 6 may 2023 (UTC)

Mən demirəm ki, dəqiqəsində fikir bildirin, ya da heç fikir bildirməmisiniz. Məsələn, blokla bağlı heç nə qeyd etməmisiniz. Amma indi çox da tez bir reaksiya verdiniz. Məni saxtakar və layihəyə zərərli adlandırmaq da qeyd etdiyiniz kimi bir o qədər gülünc və ciddi ittihamdır. Elə bu blokun özü də. Siz dəfələrlə teq olunmusunuz, buna rəğmən ən sonuncu şərhinizdə yazdıqlarınız ziddiyətlidir. Daha da önəmlisi, mən daha öncə də istifadəçilərə müzakirə səhifələrinin məzmununu silməyin yanlış olmadığını bildirmişəm, ona görə indi əksini bildirməyim doğru olmaz. Necə, yəni deyirsiniz ki, əksini də bildirə bilərsiniz? Siz o yazınızı siləndə Xəyalı blokladınız? Yox. İndi biz niyə görə günlərcə blokda olmalıyıq, hansı səbəbə? Gadir (müzakirə) 19:55, 6 may 2023 (UTC)

Düşünürəm ki, siz daha neytral olsanız məsələ yaxın vaxt ərzində çözülə bilərdi. Qeyd etdiyiniz bir öncəki blok kimi. Ona görə sizə təşəkkür də etmişəm. Gadir (müzakirə) 20:01, 6 may 2023 (UTC)

Mən o vaxt məşğul idim, fikir bildirə bilmədim, indi məşğul deyiləm, o saat fikir bildirdim. Deyəsən düşünürsüz ki, mən 7/24 Vikipediyanın başında gözləyirəm, başqa işlərlə məşğul olmuram. İkincisi isə, o sözlərimdə fikrimi açıq-aydın ifadə etmişəm ki, mən əvvəl də müzakirə səhifələrinin məzmununu silməyin yanlış olmadığını bildirmişəm, indi də bildirirəm. WhiteDem✪n 20:13, 6 may 2023 (UTC)

βilirəm, hər birimizin işi var, məşğul ola bilər, normaldır, normal qarşılayıram. Vikipediya bizim üçün bir hobbidir, vaxtımız olanda məşğul ola biləcəyimiz bir hobbi. Əgər sizə qarşı haqsızlık edirəmsə, üzrlü sayın. Hazırkı situasiyanı yaradan mən deyiləm. Amma mən yenə də sizdən öncəki müzakirədəki kimi daha dəqiq bir şərh gözləyərdim. Gadir (müzakirə) 20:17, 6 may 2023 (UTC)

hörmətli @Gadir müzakirə səhifələrinin silinməsini mən də düzgün hesab etmirəm. dəfələrlə şahidi olmuşam ki, istifadəçi ona edilən xəbərdarlıqları, iradları silib sadəcə tərifləri saxlayıb, bir növ "şərəf lövhəsi" edib. istifadəçinin müzakirə səhifəsinə növbəti xəbərdarlığı yazmaq üçün girəndə xatırlamışam ki, mən buna daha öncə də bu barədə yazmışam, amma o yoxdur. tarixçədən görmüşəm ki, silib. ya da çox istifadəçi ona xəbərdarlıq gələn kimi arxivləyib bir növ özünü "təmizləyir". o vaxt bir istifadəçi də ona mesaj yazandan sonra müzakirə səhifəsin tam silmişdi, bu barədə sual ünvanlayanda da White Demon-a, o bunu öz fikrinə görə əsaslandırıb qayda pozuntusu olmadığını bildirmişdi. (həqiqətən də qaydalarda konkret olaraq belə punkt yoxdur) ondan sonra da bir neçə istifadəçi müzakirə səhifəsin sildirib, problem olmayıb. bu tip hallarla qarşılaşanda da (xəbərdarlıq, irad və s. silmələr) daha bir reaksiya verməmişəm, qaydada nəzərdə tutulmayıb deyə. yəni, açığı mən müzakirə səhifələrinin silinməsini düzgün hesab etməsəm də, bu sadəcə mənim şəxsi fikrimdir. qaydalarda belə şey yoxdursa, deməli, bu, qayda pozuntusu deyil və siz də qayda pozmamısız. amma digər tərəfdən yanaşsaq, Grenzsoldat o vaxt müzakirə səhifəsini arxivləyəndə kirilcə k və s. dəyişiklikləri şərhlərə və istifadəçi adlarına müdaxilə kimi qiymətləndirildiyi üçün həm xəbərdarlıq edilmişdi, həm də bloklanmasına təsir göstərmişdi. (ki, mən də müdaxilə kimi hesab edirəm). digər tərəfdən, yadımdadır ki, mənim vikidə ilk fəaliyyətim vaxtları ilkin təcrübə yığmağa başladığım dönəmlərdə öz müzakirə səhifəmin kontentini tamamən silmişdim, siz isə dəfələrlə redaktəmi geri qaytarmışdınız və sonda mənim müzakirə səhifəmə yazmışdınız ki, məzmunu silmək yerinə arxivləşdirə bilərsiniz. mən bu məsələni bir inzibatçı ilə də dəqiqləşdirmişdim (adını yanlış xatırlayaram deyə qeyd etmirəm). o da demişdi ki, yaxşı olar ki, silmək yerinə arxivləyin. amma mən də bildirmişdim ki, o sadəcə tövsiyyədir, qanun deyil axı. nəticə etibarı ilə elə o vaxt sizin müzakirə səhifəmə yazdığınız tövsiyyəniz ilə də silmədim, arxivlədim. o yandan bu yana da açığı heç bir arxivləmə də etməmişəm. elə necə olubsa elə də qalıb. (bircə, bəzən bəzi istifadəçilər onun müzakirə səhifəsinə yazdığım mesajı kopyalayıb mənim müzakirə səhifəmdə cavablayır deyə, mən o kontenti silmişəm, çünki bunu bəyənmirəm, orijinalının həmin istifadəçinin müzakirə səhifəsində qaldığı üçün kopyasının mənim müzakirə səhifəsimdə qalmasına gərək yoxdur deyə.) və ümumilikdə Eldarado da atdığı addımı əsaslandırıb, mövqeyini bildirib. bütün hallarda müzakirə səhifəsi mövzusu çox mübahisəli mövzudur. bununla bağlı konkret punkt rəsmi qəbul edilmiş prinsip olaraq qaydalara əlavə olunsa çox faydalı olar. Eldaradodan bu mövzudakı qarmaqarışlığı nəzərə alaraq sizin və Xeyalın blokunu ləğv etməsini və ya minimuma endirilməsini xahiş edə bilərəm. və sizdən də daha təmkinli olmağınızı rica edirəm, çünki əlavə işlətdiyiniz ifadələr əlavə qayda pozuntuları ola bilər. Atakhanli (müzakirə) 20:27, 6 may 2023 (UTC)

Son cümlənizə cavab verməklə başlayım. Mən təmkinliyəm və sözügedən istifadəçi tərəfindən hesabıma güdülən neçənci qərəzdir bu artıq. Bura açıq ensiklopediyadır və mən də nəzakətli bir şəkildə öz fikirlərimi bildirmişəm. Konkret mətn göstərin ki, mən orada hansısa qayda pozuntusuna yol vermişəm, göstərin, zəhmət olmasa. Fikir isə, şəxsi fikrinizdir və hörmətlə yanaşıram. Eldarado da fikrinə əsasən blok tətbiq edib, qaydalara əsasən yox. Çünki elə bir qayda yoxdur, ümumiyyətlə. Və biz niyə haqsız yerə günlərcə blokda qalmalıyıq? Onsuz da istifadəçi dəfələrlə hesabımı istədiyi kimi bloklayıb, hüquqları alıb və s. İndi də məni zərərli fəaliyyətdə və saxtakarlıqda ittiham edir. Bu da qərəz və sui-istifadə adlanır. Olmasın mənə, olsun bir başqasına qarşı. Mən yenə də hər bir halda buna qarşı kəskin etirazımı bildirərdim. Əvvala doğru bilmirsiniz, o söhbətlər onsuz da tarixçədə qalır, yəni heç yerə silinmir. İstədiyiniz vaxt baxa bilər, istədiyiniz vaxt və istədiyiniz yerdə keçid olaraq göstərə bilərsiniz. Bəli, mən sizə vaxtilə bu barədə tövsiyə etmişəm və siz də icra etmisiniz. Lakin etməyə də bilərdiniz, çünki etməyiniz şərt deyil. Və mən durub sizi buna görə şikayət edəsi deyildim ki, etsəydim də nəticə dəyişməzdi. İndi də dəyişməyəcəyi kimi. Necə ki, o vaxtı White Demon-da mənə bu barədə tövsiyə vermişdi ki, arxivləşdirə bilərsiniz. Və mən də elə etdim. İndiyə qədər necə var, elə də arxivləşdirdim. Son bir başlığı sildim, çünki mənim üçün həqiqətən əhəmiyyətsiz idi, qalmasında lüzum görmədim. Blok ləğv edilməlidir. Bir daha qeyd edirəm, qlobal praktikada belə bir şey yoxdur və girib istənilən vikidə bunu edin, sizi bloklamayacaqlar ya da redaktələrinizi geri qaytarmayacaqlar belə heç. Çünki onsuz da müzakirə səhifənizi silmədikləri üçün tarixçədə hər şey qalır. Düşünürsünüz ki, qlobal praktika bizdən az bilir? İndi biz özümüzdən yeni nəsə kəşf etməliyik? İndiki halda bunu edən, məzmunu silən hər bir istifadəçi bloklanmalıdır? Özü də belə bir məhdudiyyətin, qaydanın, təcrübənin heç bir yerdə olmadığı halda. Nə düşünürsünüz? Hörmətlə, Gadir (müzakirə) 20:48, 6 may 2023 (UTC)

Grenzsoldat məsələsinə gəlincə, mən o məsələnin bura aidiyyatının olmadığını düşünürəm. Və istifadəçi digər bir sıra qaydaları da pozmuşdu və ona görə də bloklandı. Həmçinin mən k-ların dəyişdirilməsində də ciddi problem görmürdüm, çünki istifadəçi bunu etməyinin səbəbini izah etmişdi. Açığı, ikinci bir seçim olmadığına da görə o dediyinə inanmışdım. Və maraqlıdır ki, qaydaları pozmağına baxmayaraq, istifadəçinin blokunun açılması ilə bağlı KM-da başlıq açırsınız, mənim isə, bir suçum olmadığı halda, alternatif kimi müddəti minimuma endirmə variantı sunursunuz. Gadir (müzakirə) 20:54, 6 may 2023 (UTC)

Gadir, ilk öncə qeyd edim ki, çox böyük ittihamlar edirsiniz. Bu cümlənizlə: Eldarado da fikrinə əsasən blok tətbiq edib, qaydalara əsasən yox. Çünki elə bir qayda yoxdur, ümumiyyətlə. Və biz niyə haqsız yerə günlərcə blokda qalmalıyıq? Onsuz da istifadəçi dəfələrlə hesabımı istədiyi kimi bloklayıb, hüquqları alıb və s. İndi də məni zərərli fəaliyyətdə və saxtakarlıqda ittiham edir. məni haqsız yerə ittiham edirsiniz. Sizə qaydalardan istinad gətirdiyim halda deyirsiniz ki, orda müzakirə zamanı yazılıb. Müzakirə zamanı nəsəyə deyirsiniz? Klavye ilə yazan zaman? İstənilən müzakirəyəyə istənilən zaman cavab yazmaq mümkündür və bu da müzakirənin davam etdiyi anlamına gəlir, səsvermələr xaric. Bundan əlavə mənim müzakirə səhifəmdi anıayışı da yanlışdır. Sizin müzakirə səhifənizdi o zaman istifadəçilər kimi istəyər öz səhifəsində təhqir edər. Nəzakət qaydaları hər səhifədəki yazılanlara tətbiq olunursa bu o deməkdir ki, bütün qaydalar bütün səhifələrdəki yazılara görə tətbiq oluna bilər. Onu da qeyd edim ki, istifadəçiləri təq edərək, haqqımda yanlış fikirlər yazırsınız bunlar da hamısı qayda pozuntusudur. Misal üçün özünün açdığı başlığı sildiyim üçün məni bloklayıb, demisiz. Ancaq mənim deyil xeyli başlıq silinib. Qayda da açıq şəkildə qeyd olunub ki, Müzakirələr zamanı başqalarının yazılarının silinməsi, dəyişdirilməsi qaydalara ziddir. Mən heç kəsi öz fikrimə əsasə bloklamamışam. Siz elə tutmusuz ki, mənə qarşı qərəzlidi məqsədli şəkildə yalnız məni bloklayır və s. Mən heç sizi tanımıram niyə bunu edim ki. Yaxşı olar ki, hər kəsi təq edərək mənim haqqımda mənfi fikirlər yazmaqdansa qaydaları müzakirə edib aydınlaşdıraq, bu zaman bəlkə qeyd elədiyiniz istifadəçilərin hər biri cavab yazar. Global viki fikrinə isə deyə bilərəm ki, hər dil bölməsinin öz qaydaları var və buna əməl olunmalıdır. Mən ruviki və ya enviki qaydalarına baxıb sizi bloklamamalıyam. Hörmətlə — eldarado(müzakirə | fəaliyyət | meta səhifəsi) 06:24, 8 may 2023 (UTC)

Yanlışsınız və hələ də israrlı bir şəkildə qərəzli mövqeyinizə davam edirsiniz. Mənə də maraqlıdır ki, siz məni tanımırsınız və niyə qərəz göstərirsiniz. Eyni zamanda bu, sizə verilən səlahiyyətlərdən sui-istifadə də adlanır. Bilirsiniz, niyə qərəzlisiniz və sui-istifadə adlanır? Sadəcə bir nüansı xatırladım indi. O keçidləri niyə es keçirsiniz? Xeyir eləmir? Özünüz iddia etmisiniz ki, mənə xeyir edənləri deyirəm, göstərirəm. Oradakı istifadəçilər də bunu ediblər və nəinki onlar, heç kim buna görə bloklanmayıb. O istinad etdiyiniz qayda da belə bir bənd yoxdur (deyirsiniz ki, dəqiqləşdirilməlidir və dəqiqləşdirmədən blok açıla bilməz.) və blok səbəbini heç qaydalara uyğun əsaslandıra da bilmirsiniz. Necə yəni müzakirə davam edər? Bu məntiqlə heç arxivləşdirəməyək bəlkə? Müzakirə bitər və silinə ya da arxivlənə bilər. Daha sonra o haqda lazım olar, yeni başlıq açarsınız. Özünüz şablonla müzakirələri bağlayırsınız. Onda niyə bağlayırsınız, bəlkə fikir bildirən olacaq hələ. Hələ məni saxtakarlıqda və Vikipediyaya ziyan vurmaqda ittiham edirsiniz. Hazırkı vəziyyətdə sizə verilən səlahiyyətlərdən sui-istifadə edərək və bizi əsassız, qərəzlə boş yerə bloklayaraq Vikipediyaya zərər verən sizsiniz. Əsil, siz edirsiniz ciddi və əsassız ittihamları. Deməli, öz fikirlərinizə əsaslanaraq və sui-istifadə və qərəzli şəkildə bloklamısınız. Blok qeydlərindəki süni blokların hamısı da sizə aiddir. Hesab yaradılanda olan 2 və sonradan olan, illər öncəki olunan 3, toplamda 5 bloku saymasaq ki, onlara da səbəb təcrübəsizlikdən, bilməyərəkdən olub. Şəxsi zəmində yox. Sizcə, bu, normaldır? Yaradılan vəziyyətə görə də bir çox istifadəçi fikir bildirməkdən çəkinir və fikir bildirənlərin də əksəriyyəti qlobal olaraq və Az Vikidə belə bir qayda və ya qayda pozuntusu olmadığını qeyd edib. Sizin mövqeyinizi dəstəkləyənlər isə, öz fikirlərinə görə sizin kimi düşündüklərini qeyd ediblər. Əgər hesab edirlərsə ki, qayda pozuntusudur. Onda niyə sadəcə biz bloklanırıq, indiyə qədər niyə heç kim buna görə "saxtakarlıq" adı altında bloklanmayıb? Nə vaxtdan buna görə blok tətbiq edilməyə başlanılıb? Bir analoji hal ya da müzakirə, konsensus, qayda göstərəsiniz bəlkə. Şəxsi fikir yox amma. Mən xarici vikiləri nümunə çəkmirəm, elə qaydalar var ki, onlar qlobaldır. Məsələn, Ödənişli redaktorluq. Eləcə də bir çox qaydalar eyni şəkildə tərcümə edilir və qəbul edilir, tətbiq edilir. Ensiklopediklik qaydaları başqa ola bilər. Bunlar isə, ümumi qaydalardı. Qlobal praktika bunun üçün eynidir və heç kim bloklanmayıb, bloklanmır. Az Vikidə belə. Son cümləm bir daha haqlı olduğumu göstərir. Sizinlə müzakirə aparmaq mənasız və vaxt itkisidir. Çünki heç bir nəticə verməyəcək və siz bu qeyri-konstruktiv fəaliyyətinizdən çəkinməyəcəksiniz, bunu bilirəm və görürəm. Nəyə güvənirsiniz? Sizə verilən bu hüquqlara? Artıq geniş mətn yazan deyiləm. Başqa istifadəçi teq edən də deyiləm. Bir daha digər 2 bürokrat həmkarımı (@Sortilegus, @Turkmen), mövcud vəziyyətə müdaxilə etməyə çağırıram. Mən nəyə görə heç yerə günlərcə blokda qalmalıyam? Nəyə görə fəaliyyətimin qarşısını alır və məni həvəsdən salır və hətta belə ki, məni Vikipediyadan uzaqlaşdırmağa çalışırsınız, əgər qərəziniz yoxdursa bizə qarşı. Səlahiyyət veriləndə belə edirlər bəyəm? Hörmətli bürokratlardan cavab gözləyirəm ki, məsələni həll etsinlər. Əks halda, mənə verilən hüquqlardan istifadə edərək müzakirəni Metaya qədər daşıyacağam və haqqlarımı sonuna qədər müdafiə edəcəyəm. Heç kim burada ağalıq edə bilməz. Hörmətlə, Gadir (müzakirə) 19:56, 8 may 2023 (UTC)

@Gadir bloklama qaydaları 2011-ci ildə qəbul olunanda təcrübəsizlikdən həmin hissə dəqiqləşdirilmə aparılmadan yazılıb. Həmin qaydanın əsası götürülmüş ,hal-hazırda başqa qaydalarla əvəz edilən rusvikidəki prinsipdə həmin hissə "

• умышленную подделку имён других участников и создание трудно отличимых копий их личных страниц и обсуждений, содержание которых может опорочить участника, со страницы которого сделана копия, либо использование этих трудно отличимых копий для умышленного внесения правок, порочащих других участников;
• умышленное изменение или удаление подписанных другими участниками комментариев с целью фальсификации или подлога;

" şəklində yazılıb. Söhbətin müzakirə zamanı bilərəkdən yanlış fikir formalaşdırmaq məqsədilə aparılan redaktələrdən getdiyini başa düşmək olar. Bu cür dəqiqləşdirmənin olmaması problem yaradır. Oxşar halların təkrarlanmaması üçün qaydalara dəyişilik etmək lazımdır.

• Qlobal təcrübəyə gəldikdə, enviki barədə xəbərim yoxdu. Lakin ruvikidə müzakirələrdən arxivləşdirmə aparılmadan silinmə qaydalarla qadağandır.

"Запрещается также удалять реплики и обсуждения без указания ссылок на их новое местонахождение. " keçid. Bikar Orxan (müzakirə) 20:22, 8 may 2023 (UTC)

@Bikar Orxan, mən rusca bilmirəm. Bizim vikidəki bir çox qayda və tətbiqlər rusca vikidən tərcümə edilib, tətbiq edilib, bəli. Məncə, belə bir şərt olmasına qlobal praktikaya və təkmil digər vikilərə əsaslandıqda ehtiyac yoxdur. Biri var ki, başlığı yarı siləsən, biri də var ki, təmiz siləsən. Təmiz siləndə problem yoxdur və saxtakarlıq deyil. Qaydada da qeyd edilib ki, silərək və dəyişərək müzakərinin istiqamətini dəyişmək saxtakarlıqdır deyə. Məsələn, en vikidə, tr vikidə belə bir qayda yoxdur və orada buna görə heç kim bloklanmayıb və mən də indiyə qədər hansısa problem yaşamamışam. Arxivləşdirməyib silmək olar. Bu, ümumi olaraq arxivləşdirmək isə, sadəcə tövsiyədir, qayda yox. Bu, yuxarıda dəfələrlə qeyd edilib, White Demon-da qeyd edib. Digər vikiləri isə, fəaliyyətim yoxdur deyə bilmirəm. Amma oralarda da problem çıxaracağını düşünmürəm. Hörmətlə, Gadir (müzakirə) 20:38, 8 may 2023 (UTC)

@Eldarado Arxivləşdirmə ilə bağlı nə qayda var nə də konsensus. Halbuki birinci cümlənizdə qaydalara ziddir yazmısınız. İstifadəçidən mövcud olmayan qaydaya əməl etməsini tələb edə bilməzsiniz. İstifadəçini "saxtakarlıq" adı ilə bloklamağınız yanlışdır. Burda saxtakarlıq ifadəsi müzakirənin istiqamətini dəyişmək deməkdir. Blok cəza olmamalıdır. Zəhmət olmasa bloku ləğv edin. NMW03 (müzakirə) 20:12, 8 may 2023 (UTC)

Hörmətli @NMW03, əvvala fikir bildiyiniz üçün təşəkkür edirəm. Qeyd edim ki, bu, istifadəçinin mənə qarşı ilk addımı deyil. Fəaliyyətimi incələdikdə bunun daha öncədən başladığını və uzun bir vaxtdır davam etdiyini görə bilərsiniz. İstifadəçi uzun bir müddətdir ki, mənimlə mənasız və səbəbsiz yerə prinsip aparır və üstünlük qazanmaq üçün də icma tərəfindən ona verilən səlahiyyətlərdən sui-istifadə edir. Özü hər dəfə bunun əksini iddia etsə də, bu, belədir. Açıq-aydın görünür. Özü də yazıb ki, "layihəyə zərər verirəm" və məni uzaqlaşdırmaq lazımdır. Saxtakar da adlandırır və bunlar çox gülünc, ciddi və əsassız ittihamlardır. Siz adicə, blok qeydlərimə baxın. Görəcəksiniz ki, hər dəfə bir öncəki etdiyi bloku da "əsas" gətirərək hesabımı daha da uzun müddətli bloklayıb. Və çox güman ki, sizi də tərəfli adlandıracaq, bundan öncəki hər müzakirələrdə də hər dəfə belə oldu çünki. Təəssüf ki, istifadəçi bildiyini edir və etməyə davam edir. Niyə qərəzli olub-olmamağınızı isə, özünüzdən soruşa bilərsiniz. İstifadəçilərin fikirləri də sizin üçün önəmsizdir ki, geri dönmürsünüz və hələ də özünüzü haqlı görürsünüz? Onsuz da bu gedişlə mən yaxında ətraflı bir rapor hazırlayacam və bunu Metaya təqdim edəcəm mütləq. Sanmayın ki, sizin bu fəaliyyətinizə susuram və səs çıxarmıram. Bu, belə davam edə bilməz. Sizin məqsədiniz layihəyə töhfə verməkdən çox uzaqdır, başqadır və Vikipediya üçün olduqca təhlükəlidir. Bu fəaliyyətinizə və yanlış addımlarınıza görə sizə qarşı hər fikir bildirəni də tərəfli adlandırmağa davam edirsiniz. Bəs sizi dəstəkləyənlər? Onlara nə üçün heç nə demirsiniz? Yoxsa düşünürsünüz ki, siz inzibatçısınız deyə atdığınız hər addım doğrudur və siz haqlısız? Bunu düşünürsünüz? Bütün bunlar özü də həm də qeyri-peşəkar hərəkətlərdir. Hörmətlə, Gadir (müzakirə) 20:30, 8 may 2023 (UTC)

NMW03, Blok qaydaya əsaslanaraq tətbiq olunub və yuxarıda qeyd olunub. Mən özümdən qərar vermirəm. Öz fikirlərimə əsaslanan sadəcə blokun müddətidir. Gadir, istədiyiniz an Metaya yaza bilərsiniz. Bunu qeyd etməklə nə etmək istədiyinizi anlamadım :) Mən artıq yoruldum suallarınızı dəfələrlə cavablamaqdan. Hər dəfəsində də daha nəzakərsiz və daha çox əsassız ittihamlar edirsiniz. Buna görə də mövzunu inzibatçılar arasında müzakirəyə çıxarıram. Hörmətlə — eldarado(müzakirə | fəaliyyət | meta səhifəsi) 05:26, 10 may 2023 (UTC)

Mən yoruldum artıq sizin mənimlə mənasız və əsassız yerə prinsip aparmağınızdan. Elə hər cümlənizdə "qaydalar-qaydalar" deyirsiniz. amma konkret qayda göstərə bilmirsiniz. Öz "qaydalarınız"dan bəhs edirsiniz yəqin ki bəlkə də. Çünki qeyd etdiyiniz kimi bir qayda yoxdur və bunu istifadəçilərin dəfələrlə qeyd etmələrinə rəğmən ki, yanlışsınız, siz geri addım atmırsınız. Ciddi ittihamları sizin etdiyiniz isə açıq aşkardır. Saxtakarlıq, Vikipediyaya ziyan vermə və zərərli fəaliyyət, məni Vikipediyadan uzaqlaşdırmağa çalışma, qərəz, nəzakətsizlik və s. və ilaxır. Sizin qərəzli və sui-istifadə etdiyinizi sadəcə mən demirəm ki. Yuxarıda mənə qarşı etdiyiniz ittihamlar və əlavə olaraq da qeyri-konstruktiv fəaliyyət, sui-istifadə, üstünlük qazanmaq üçün sizə verilən səlahiyyətlərdən sui-istifadə edirsiniz. Siz saxta ittihamlarla, şəxsi zəmində, qərəzli şəkildə, sui-istifadə də edərək hesabımı növbəti dəfə uzunmüddətli bloklamısınız və bu dəfə də gözlədiniz ki, mən həqiqətən qayda pozum və bloku uzadasınız. Oda ki, baş tutmadı, mən normal bir şəkildə fikirlərimi bildirdim. Mənası yoxdur sizə deməyin, amma şəxsən mən Az Viki adına çox təəssüf edirəm ki, sizin kimi istifadəçilərə qərəz bəsləyən və sui-istifadə edən şəxsə bu səlahiyyətlər verilib və siz də bundan tamam başqa məqsədlərlə, öz çıxarlarınız doğrultusunda istifadə və hərəkət edirsiniz. Bəlkə müzakirəni daha öncə açardınız, istifadəçi hesablarımızı yanlış səbəblərlə bloklamadan öncə. Təbii ki, burada məqsəd başqa deyilsə. Saxtakarlıq isə bütün buradakı qeyd etdiyim fikirləri indi silmək olar ki, fikirlərimin arxasındayam və müzakirə bitənə qədər silməyəcəm, bu, doğru olmaz. Və niyə qaçırsınız suallardan? Qeyd etmisiniz ki, yoruldum cavab verməkdən. Uzağa getmirəm, deyirəm ki, burada buna görə kimsə nə vaxt bloklanıb ya da hansısa müzakirə var? Və qeyd etdiyim keçidləri də yenə də görməzdən gəlirsiniz ki, çünki bu, sizə xeyir eləmir, o istifadəçilər də bunu edənlərdən bəziləridir sadəcə. Orada inzibatçılar belə var hətta. Baxmayaraq ki, ortada bir qayda yoxdur və siz hər dəfə mövcud olmayan qaydalara əməl etməyi tələb edirsiniz, özünüz isə hələ də qaydaları pozmağa davam edirsiniz. Metanı qeyd etməkdə isə mənim sizin kimi art bir niyətim yoxdur və istəyirəm ki, bu məsələ burada həll olsun, amma hər bir halda Metaya bu barədə məruzə edəcəyəm, narahat olmayın. Yəqin ki, daşıdığınız hüquqlara güvənirsiniz və bütün bunları edirsiniz. Blok qeydlərinə baxmaq məsələni başa düşməyə kifayət edir. Şəxsi zəmində etmiş olduğunuz hər saxta və süni blok mesajını da bəli, silmişəm. Çünki hamısı da qərəzli bir şəkildə və sui-istifadə olunaraq və üstünlük qazanmaq üçün edilib və əhəmiyyətsiz hesab edirəm. Hörmətlə, Gadir (müzakirə) 13:11, 10 may 2023 (UTC)

NMW03 doğru qeyd edir, siz bilərəkdən "saxtakarlıq" ifadəsi ilə müzakirənin istiqamətini də dəyişdirdiniz. Ümumiyyətlə isə, bloklar yanlışdır. Hörmətlə, Gadir (müzakirə) 13:25, 10 may 2023 (UTC)

Sizə adi hal kimi gəlsə də, bütün bu etdikləriniz kənardan adi, sıradan hal kimi görünmür. Yəqin ki, inzibatçı olduğunuz üçün elə düşünürsünüz. Gadir (müzakirə) 15:17, 10 may 2023 (UTC)

Və mən sizə durduq yerə heç nə demirəm, nə də ittiham etmirəm. Sizə verilən səlahiyyətlərlə etdikəriniz göz önündədir. Sizə belə bir ixtiyarı kim verib, deyə bilərsiniz? Gadir (müzakirə) 20:28, 10 may 2023 (UTC)