Əlimərdan (Vedibasar)

Tarixi İrəvan xanlığı əraziləri
Əlimərdan kəndi
Ümumi məlumatlar
Ləğv edilib	1949

Əlimərdan — İrəvan xanlığının Vedibasar mahalında kənd adı.

Haqqında

Əlimərdan kəndi İrəvan xanlığının Vedibasar kəndində azərbaycanlıların məskunlaşdıqları yaşayış məntəqələrindən biri olmuşdur. 1828–1832-ci illərdə İrandan və Türkiyədən köçürülən ermənilərin bir hissəsi çar Rusiyası tərəfindən bu kənddə yerləşdirilmişdir. 1946-cı ildə kəndin adı ermənilər tərəfindən dəyişdirilərək Karadzor adlandırılmışdır. Kənddə yaşayan azərbaycanlılar 1949-cu ildə Azərbaycana köçürüldükdən sonra kənd ləğv edilmişdir.

Toponimi

Bir sıra mənbələrə əsasən kəndin əsl adı "El Mərdin", yəni "Mərdin eli" olmuşdur. Tədqiqatçıların fikrincə, kənd "Kitabi-Dədə Qorqud" dastanlarında adı çəkilən Mərdin qalasından gələnlər tərəfindən yaradılmışdır.

Mənbə

• B. Ə. Budaqov, Q. Ə. Qeybullayev. Ermənistanda Azərbaycan mənşəli toponimlərin izahlı lüğəti. Bakı,1998.
• Шопен И. Исторический памятник состояния Армянской области в эпоху ее присоединения к Российской империи. Спб.1852.
• Рашид ад-дин. Переписка. М.1972.