Natiq Sadıqzadə
| Natiq Sadıqzadə | |
|---|---|
 | |
| 9 aprel 1987 – 22 yanvar 1988 | |
| Sədr | Həsən Seyidov |
| Şəxsi məlumatlar | |
| Doğum tarixi | 1 mart 1942 |
| Doğum yeri | |
| Vəfat tarixi | 22 yanvar 1988 (46 yaşında) |
| Vəfat yeri | |
| Dəfn yeri | |
| Partiya |
|
| Təhsili | |
|
|
|
| Təltifləri |
 |
.svg){kind=small}
Natiq Sahib oğlu Sadıqzadə (1 mart 1942, Bakı – 22 yanvar 1988, Bakı) — Azərbaycan-sovet mühəndisi və dövlət xadimi, Azərbaycan SSR Nazirlər Soveti sədrinin müavini (1987–1988), Azərbaycan SSR Ali Sovetinin 11-ci çağırış deputatı.
Həyatı
[redaktə | mənbəni redaktə et]Natiq Sahib oğlu Sadıqzadə 1 mart 1942-ci ildə Bakı şəhərində anadan olmuşdur.[1] Əmək fəaliyyətinə 1959-cu ildə fəhləlikdən başlamışdır. Azərbaycan Neft və Kimya İnstitutunu bitirdikdən sonra 7 il ərzində "Azərneftkəşfiyyat" trestində işləmiş, burada qazmaçı köməkçisi vəzifəsindən qazma kontoru direktorunun müavini vəzifəsinədək yüksəlmişdir. 1971–1974-cü illərdə Duvannı və Saatlı qazma bölmələrinin rəhbərlərindən biri olmuşdur. 1974-cü ildə "Azərneft" birliyinin qazma işləri texnologiyası üzrə istehsalat şöbəsinin rəisi təyin edilmiş, birliyin aparatının partiya təşkilatının katibi seçilmişdir.[2]
1976-cı ildə Natiq Sadıqzadə Azərbaycan Kommunist Partiyası Mərkəzi Komitəsi aparatına irəli çəkilmiş, burada Mərkəzi Komitənin Kimya və neft sənayesi şöbəsinin təlimatçısı, müdir müavini, 1983-cü ildən isə müdiri işləmişdir. Həmin illərdə Sov.İKP MK yanında İctimai Elmlər Akademiyasında oxumuş və akademiyanı 1985-ci ildə bitirmişdir. 1987-ci ilin aprel ayında Azərbaycan SSR Nazirlər Soveti sədrinin müavini təyin edilmiş və həyatının sonunadək bu vəzifədə çalışmışdır.[2]
Natiq Sadıqzadə 1968-ci ildən Sovet İttifaqı Kommunist Partiyasının üzvü olmuş, Azərbaycan SSR Ali Sovetinin 11-ci çağırış deputatı seçilmişdir.[3] Azərbaycan KP MK üzvlüyünə namizəd olmuşdur.[2]
Natiq Sadıqzadə ağır xəstəlikdən sonra 22 yanvar 1988-ci ildə Bakıda vəfat etmiş[2][1] və 25 yanvarda Fəxri Xiyabanda dəfn edilmişdir.[4]
Natiq Sadıqzadə Azərbaycan gəmi kapitanı Zaur Sadıqzadənin qardaşıdır.
İstinadlar
[redaktə | mənbəni redaktə et]- ↑ 1 2 Sadıqzadə Natiq Sahib oğlu // Fəxri Xiyaban. Bakı: Heydər Əliyev Fondu. 2007. səh. 186.
- ↑ 1 2 3 4 Натиг Саһиб оғлу Садыгзадә // Коммунист. № 19 (20487). 23 јанвар 1988-ҹи ил. С. 3.
- ↑ Садыгзадә Натиг Саһиб оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 342.
- ↑ Н. С. Садыгзадәнин дәфни // Коммунист. № 21 (20489). 26 јанвар 1988-ҹи ил. С. 4.
Xarici keçidlər
[redaktə | mənbəni redaktə et]- "Natig S Sadygzadeh" (ingilis). Find a Grave. İstifadə tarixi: 8 fevral 2022.
- 1 martda doğulanlar
- 1942-ci ildə doğulanlar
- Bakıda doğulanlar
- 22 yanvarda vəfat edənlər
- 1988-ci ildə vəfat edənlər
- 46 yaşında vəfat edənlər
- Bakıda vəfat edənlər
- Birinci Fəxri xiyabanda dəfn olunanlar
- Sovet İttifaqı Kommunist Partiyasının üzvləri
- Azərbaycan Dövlət Neft və Sənaye Universitetinin məzunları
- "Şərəf nişanı" ordeni ilə təltif edilənlər
- Əlifba sırasına görə vəzifəli şəxslər
- Azərbaycan SSR Ali Sovetinin XI çağırış deputatları
- Azərbaycan Kommunist Partiyası Mərkəzi Komitəsinin üzvlüyünə namizədlər
- Azərbaycan SSR Nazirlər Soveti sədrinin müavinləri