Ağ dəniz-Baltik irqi

Vikipediya, azad ensiklopediya
Jump to navigation Jump to search

Ağ dəniz-Baltik irqi - Böyük Avropa irqinin tərkibində kiçik irq. [1]

Atlantika-Baltika irqi ilə şimali avropoidləri birləşdirən və depiqmentasiyasının yüksək səviyyəsi ilə səciyyələnən vahid Baltika irqinə aid edilə bilər.[2]. Fin-uqor xalqlarında (karellər, komi-zıryanlar, komi-permyaklar, udmurtlar və s.) rusların şimal qruplarında və belorusların əksəriyyətində üstünlük təşkil edir. Ağ dəniz-Baltik irqi nümayəndələrinin anklavları Baltikyanı ölkələrdə və Skandinaviyada, Mərkəzi Rusiyada və Şərqi Ukraynada mövcuddur. Ağ dəniz-Baltik irqi xüsusiyyətlərinin Ural irqinin elementləri ilə qarışması nəticəsində formalaşdığını ehtimal etmək olar.

Ağ dəniz-Baltik irqi nümayəndələrinin dərisinin rəngi çox açıqdır (bəzən cəhrayıya çalır).[3]. Saçları, adətən, yumşaq, düz və açıq rənglidir (təqribən 50%); Atlantika-Baltik irqi nümayəndələrinə nisbətən kürənçalarlıdırlar, həmçinin kişilərin saqqalı və tük örtüyü daha azdır. Başları nisbətən kiçik olan irqin nümayəndələrində mezokefaliya və orta braxikefaliya əlamətləri üstünlük təşkil edir. Atlantika-Baltik irqi ilə müqayisədə üzləri az profilləşmiş, daha yastı və enlidir. Burunları nisbətən qısa və enli,[4]. alınları yastı və bir qədər maili, burun dirəyi düz, yaxud azca çökək olur. Gözün üst qapağının qırışığı bəzən çox aydın görünür. Dodaqlarının selikli hissəsi nisbətən nazik, üst dodaq ilə burunun arasında olan dəri hissəsi orta ölçüdə, bəzən isə enli olur. Bədənlərinin uzunluğu orta, Atlantika-Baltika irqinə nisbətən qısadır.

İstinadlar[redaktə | əsas redaktə]

  1. Беломоро-балтийская раса // БРЭ. Т.3. М.,2005.
  2. "Ağ dəniz-Baltik irqi". Azərbaycan Milli Ensiklopediyası[25 cilddə]. I cild: A – Argelander (25 000 nüs.). Bakı: “Azərbaycan Milli Ensiklopediyası” Elmi Mərkəzi. 2009. səh. 147. ISBN 978-9952-441-02-4.
  3. Беломорско-балтийская (или балтийская) малая раса // Богатенков Д. В.,[Дробышевский С.Б. Антропология
  4. Хрисанфова Е.Н., Перевозчиков И.В.|заглавие = Антропология: Учебник|издание = 3-е изд.|место = М.|издательство = Изд-во МГУ: Изд-во "Высшая школа"|год = 2002|səh. 277.