Ağdabanlı şair Qurban

Vikipediya, azad ensiklopediya
Jump to navigation Jump to search
Ağdabanlı şair Qurban
Qurban Məşədi Məmmədalı oğlu
Ağdabanlı şair Qurban.jpg
Qurban Məşədi Məmmədalı oğlu
Doğum tarixi
Doğum yeri Dəmirçidam, Cavanşir sahəsi, Şuşa qəzası, Şamaxı quberniyası, Qafqaz canişinliyi, Rusiya imperiyası
Vəfat tarixi
Vəfat yeri Dəmirçidam, Kəlbəcər rayonu, Azərbaycan SSR, ZSFSR, SSRİ
Həyat yoldaşı Səlbi (?-1920)
Uşaqları 6 oğul, 2 qız
Atası Məşədi Məmmədalı
Fəaliyyəti şair
Vikimənbənin loqosu Ağdabanlı şair Qurban Vikimənbədə

Ağdabanlı şair Qurban — Azərbaycanın el şairi.[1]

Həyatı[redaktə | əsas redaktə]

Qurban Məşədi Məhərrəm oğlu 1859-cu ildə Kəlbəcərin Dəmirçidam kəndində anadan olmuş, sonralar Ağdabana köçərək ömrünün sonuna kimi, yəni 1925-ci ilədək orada yaşamışdır. Azərbaycan və fars dillərində mükəmməl mədrəsə təhsili almış Qurban Məşədi Məhərrəm oğlunun çoxlu qoşma, gəraylı, müxəmməs, divani, təcnis və s. formalarda şeirləri dillər əzbəri olmuşdur, hərçənd, repressiya illərində şairin əlyazmalardan ibarət bir neçə kitabı öz qohumları, sonralar isə erməni vandalları tərəfindən yandırılaraq məhv edilmişdir". OZAN DÜNYASI № 4(11), 2012 76 Ağdabanlı Qurban uzun müddət ozan-aşıq kimi təqdim edilib. Bu da ondan irəli gəlib ki, aşıq ədəbiyyatından məlum olan divani, təcnis, qoşma, gəraylı, müxəmməs formalarında, bir sözlə, heca vəznində yazıb yaradan şairlərə eyni zamanda aşıq kimi baxıblar. Ağdabanlı Qurban da məhz buna görə uzun müddət aşıq kimi təqdim edilib. Lakin müasirlərinin xatirələrindən məlum olur ki, o, heç vaxt saz götürüb toy-nişanda, yaxud da başqa əlamətdar günlərdə özünü aşıq kimi göstərməyib, hərçənd, ustadsayaq saz çalıb-oxumağı var imiş. Aşıq Ələsgər kimi məşhur ustadlarla dostluq etməsi bir daha göstərir ki, Ağdabanlı Qurban nəinki müasirlərinə, sonrakı nəsillərə də örnək söz ustası olmuşdur. Miskin Abdal nəsil şəcərəsinin davamçısı, o ocaqdan od götürmüş Ağdabanlı Qurbanın Aşıq Ələsgər, Növrəs İman və Bimar Əli ilə maraqlı deyişmələri yaddaşlardan yazılı ədəbiyyata köçürülüb. Onun əlyazmalarının bir qismini oğlu, hələ sağlığında aşıq sənətində dədəlik zirvəsinə ucalan Dədə Şəmşir qoruyub saxlayıb. Ədəbi yaradıcılıq nümunələrindən ibarət Qənbər Şəmşiroğlunun sinələrdən və əlyazmalardan toplayıb çap etdirdiyi "Kəpəzin kəkliyi, maralı, getmə", "Qumrutək ləhcəli, xoşxandı Qurban" kitabları şairin yaradıcılığı barədə geniş məlumat verən zəngin mənbə hesab edilə bilər. "Kəlbəcər dünyası: yüz şairin bir kitabı" antologiyası və bir çox bədii məcmuələrdə də Ağdabanlı Qurbanın ədəbi irsinə geniş yer ayrılıb.

Ailəsi[redaktə | əsas redaktə]

Ağdabanlı şair Qurban Qənbər Şəmşiroğlunun babası, Aşıq Şəmşirin isə atasıdır.

Kitabları[redaktə | əsas redaktə]

  • "Möhnət", 1972.
  • "Kəpəzin kəkliyi, maralı getmə", 2000.
  • "Ağdabanlı şair Qurban 150", Bakı, "Elm və təhsil", 2012. 56 səhifə.
  • "Qumrutək ləhcəli, xoşxandı Qurban", şeirlər, Bakı, "Elm və təhsil", 2012. 480 səh. 1500 nüsxə.

Haqqında yazılanlar[redaktə | əsas redaktə]

İstinadlar[redaktə | əsas redaktə]

  1. Çiçək, C. Ağdabanlı şair Qurbanın söz zirvəsi //Kaspi.- 2013.- 1 noyabr.- S.15.

Xarici keçidlər[redaktə | əsas redaktə]

  • "Azərbaycan Aşıqlar Birliyi: Ozan dünyası. №4(11)" (PDF) (azərb.). "Ozan dünyası" jurnalı. 2012. 2017-05-18 tarixində arxivləşdirilib (PDF). İstifadə tarixi: 2017-05-18.