Aşıq Şakir

Vikipediya, açıq ensiklopediya
Jump to navigation Jump to search
Aşıq Şakir Hacıyev
Şəkil yoxdur.jpg
Doğum tarixi 1922(1922-Şablondakı doğum və ya ölüm tarixində texniki yanlışlıq var!-00)
Doğum yeri Ağsu rayonu, Xəlilli kəndi.
Vəfat tarixi 1978(1978-Şablondakı doğum və ya ölüm tarixində texniki yanlışlıq var!-00)

Aşıq Şakir Hacıyev — məşhur el aşığı, Aşıq Bilal məktəbinin yetirməsi və Şirvan aşıq məktəbinin ən tanınmış nümayəndələrindən biri.[1]

Həyatı[redaktə | əsas redaktə]

Aşıq Şakir 1922-ci ildə Ağsu rayonunun Xəlilli kəndində dünyaya gəlmişdir. Sonralar Kürdəmir şəhərində yaşamışdır.[2]

Aşıq Mirzə Bilal məktəbinin yetirməsi olan sənətkar özü də ifaçılıq qüdrətinə görə bir məktəbə çevrilib, Şirvan aşıq sənətinin inkişafında müstəsna xidmətlər göstərib. Aşıq Şakir saz havalarını və muğamı ustalıqla sintez edərək fərqli ifa tərzi yaratmağa nail olmuşdu. Şirvan məktəbi onun şəxsində tərəqqi dövrünü yaşayırdı, söyləsək, yəqin ki, yanılmarıq.

Onun lirik havacatları ilə yanaşı oxuduğu şux və oynaq ritmlər də xalqın yaddaşında əbədi olaraq yaşayır. “Kəndimiz”, “Maral”, “Telli sazım”, “Nə bağ bildi , nə də bağban”, “Şirvan şikəstəsi”, “Döymə Kərəm”, “Bakı”, “Bala nərgiz” havalarını yəqin ki, sazsevərlər ömür boyu unutmayacaqlar. O, mugam sənətinin də mahir bilicisi və bənzərsiz ifaçısı olmuşdur.

Aşıq Şakir aşıq sənətinə yeni nəfəs gətirmişdi. O, məlahətli səsi, təkrarolunmaz ifası ilə bu gün də ehtiramla xatırlanır.

Jurnalist Tofiq Abdullayevin qələmə aldığı "Aşıq Şakir" kitabında mərhum sənətkarın həyat və yaradıcılığından, ifaçılıq xüsusiyyətlərindən ətraflı bəhs olunur. Kitabda respublikamızın tanınmış elm və sənət adamlarının sənətkar haqqında xatirələri öz əksini tapıb.

Aşıq Şakir bir çağırış Azərbaycan SSR Ali Sovetinin deputatı olub.

1947-ci ildən aşıqlıq edən Aşıq Şakir 1978-ci ildə vəfat edib.

Aşıq Şakir Hacıyev məşhur el aşığı, Aşıq Bilal məktəbinin yetirməsi və Şirvan aşıq məktəbinin ən tanınmış nümayəndələrindən biri olmuşdur.

Haqqında yazılanlar[redaktə | əsas redaktə]

  • Seyfəddin Qəniyev. Şirvanlı Aşıq Şakir. Bakı, “Elm və təhsil”, 2012, 100 səhifə.

İstinadlar[redaktə | əsas redaktə]

  1. Abdullayev, T. Getməz qulaqlardan səsi Şakirin //Mədəni həyat.- 2014.- № 4.- S.27-30.
  2. Fərəcov, S. Unudulmaz aşıq-xanəndə: [aşıq Şakir haqqında] //Mədəniyyət.- 2014.- 14 may.- S. 15.

Xarici keçidlər[redaktə | əsas redaktə]