Aşıq Nəcəf Ağkilsəli

Vikipediya, azad ensiklopediya
Jump to navigation Jump to search
Aşıq Nəcəf Ağkilsəli
Aşıq Nəcəf Ağkilsəli.jpg
Doğum tarixi 1900(1900-Şablondakı doğum və ya ölüm tarixində texniki yanlışlıq var!-00)
Doğum yeri Ağkilsə (Göyçə), Basarkeçər, Qərbi Azərbaycan
Vəfat tarixi 1968(1968-Şablondakı doğum və ya ölüm tarixində texniki yanlışlıq var!-00)
Vəfat yeri Ağkilsə (Göyçə), Basarkeçər, Qərbi Azərbaycan

Aşıq Nəcəf - Göyçə aşığı[1]

Həyatı[redaktə | əsas redaktə]

Aşıq Nəcəf 1900-cü ildə Göyçə mahalının Ağkilsə kəndində anadan olmuşdur. Aşıq Nəcəf məşhur Aşıq Ələsgərin qardaşı Xəlilin oğludur. Nəcəf 7-8 yaşına çatanda atası onu kəndlərində olan mollaxanaya qoyur. Burada yazı-pozu öyrənən Nəcəf saza böyük maraq göstərirdi. O, əmisinin evində keçirilən saz-söz məclislərinin daimi iştirakçısı olur. Nəcəf 17 yaşına çatanda, atası vəfat edir, ailənin bütün qayğıları onun üzərinə düşür. Erməni-müsəlman münaqişəsi ilə əlaqədar ailəsi ilə Kəlbəcərə köçür.

1921-ci ilə qədər orada yaşayır, sonra doğma yurduna qayıdır. Bir müddət sonra aşıqlıq etmək həvəsinə düşür. Xüsusi bir ustad aşığa qulluq etməsə də, Nəcəf bu sənətə yiyələndi və xalq arasında bir aşıq kimi tanındı.

1925-ci ildən aşıqlığa başlayan Nəcəf Göyçədə, Gəncəətrafı rayonlarda , Qarabağda və Azərbaycanın digər ərazilərində sazı-sözü ilə şənlik məclislərini zənginləşdirirdi.

1941-1945-ci il müharibəsi başlayanda Nəcəf də ordu sıralarına aparılır. Bir qədər keçəndən sonra xəstələnir və 1942-ci ildə evə buraxılır. Əhvalı yaxşılaşandan sonra kəndlərində kolxoz sədiri seçilir. 1945-ci ilə qədər bu vəzifədə işləyir.

Müharibə qurtarandan sonra Nəcəf sazını götürüb ömrünün sonuna qədər xalqa ləyaqətlə xidmət edir.

Aşıq Nəcəf 1968-ci ildə 68 yaşında dünyadan köçüb. O Ağkilsə kəndinin cənub-şərqindəki qəbiristanlıqda torpağa tapşırılıb

Əsərləri[redaktə | əsas redaktə]

  • "Göyçəli Aşıq Nəcəf", Bakı, "Səda" nəşriyyatı 2000, 202 səhifə, tirajı 500

Həmçinin bax[redaktə | əsas redaktə]

  • "Ələsgər ocağı" kitabı.

Vikimənbədə Aşıq Nəcəf Ağkilsəli ilə əlaqəli məlumatlar var.

İstinadlar[redaktə | əsas redaktə]

  1. "Sazlı-sözlü Göyçə (II kitab)" (PDF) (azərb.). Elm və təhsil. 2018. 2018-06-01 tarixində orijinalından (PDF) arxivləşdirilib. İstifadə tarixi: 2018-06-01.