Abbas Abbasov (dövlət xadimi)

Vikipediya, açıq ensiklopediya
(Abbas Abbasov (I) səhifəsindən istiqamətləndirilmişdir)
Jump to navigation Jump to search
Infobox-realisateur.png
Abbas Abbasov
Fotoqrafiya
bayraqAzərbaycan Respublikası Baş nazirinin birinci müavinibayraq
1992 — 2006
Rusiya Azərbaycan Təşkilatları İttifaqının rəhbəri
Rusiya Azərbaycanlılarının Federal Milli-Mədəni Muxtariyyətinin Ağsaqqallar Şurasının sədri
Azərbaycan Güləş Federasiyasının fəxri sədri

Doğum tarixi
4 avqust 1949 (1949-08-04) (69 yaş)
Doğum yeri Gəncə, Flag of the Azerbaijan Soviet Socialist Republic.svg Azərbaycan SSR
Vətəndaşlığı Flag of Azerbaijan.svg Azərbaycan

Mükafatları"İstiqlal" ordeni

Abbasov Abbas Aydın oğlu — Azərbaycan Respublikası Baş nazirinin birinci müavini (1992-2006).

Həyatı[redaktə | əsas redaktə]

Abbas Abbasov 1949-cu il avqustun 4-də Gəncə şəhərində anadan olmuşdur. 1971-ci ildə Azərbaycan Kənd Təsərrüfatı İnstitutunu bitirmişdir. Həmin il respublika Baytarlıq Laboratoriyasında baytar həkim kimi əmək fəaliyyətinə başlamışdır. 1972-1973-cü illərdə hərbi xidmətdə olmuşdur.

1973-cü ildən Abşeron rayonunun quşçuluq sənayesi sahəsində baytar həkim, sex rəisi, 1979-1982-ci illərdə Bakı Broyler Fabrikinin direktoru, 1982-ci ildən Özbəkistan Respublikasının quşçuluq təsərrüfatlarında direktor müavini, 1983-1989-cu illərdə Özbəkistan SSR Dövlət Quşçuluq Sənayesi Komitəsi sədrinin müavini, 1989-cu ildən Abşeron Quşçuluq Aqrar-İstehsalat firmasının baş direktoru, 1990-1991-ci illərdə Abşeron Rayon Partiya Komitəsinin birinci katibi, rayon XDS İcraiyyə Komitəsinin sədri, Azərbaycanın Dövlət müşaviri, vəzifələrində işləmişdir.

1992-ci ildən Azərbaycan Respublikası Baş nazirinin birinci müavini vəzifəsində çalışmışdır. Bu dövr ərzində bir neçə dövlət komissiyasının sədri olmuşdur. 2006-cı ildə öz ərizəsinə əsasən tutduğu vəzifədən azad edilmişdir.

Hazırda "AST Şirkətlər Qrupu" nun vitse-prezidenti və Müstəqil Dövlətlər Biriliyi (MDB) Dinlərarası Şurasının Qəyyumlar Komitəsinin həmsədridir. 1990-1995-ci ildən Azərbaycan Respublikasının xalq deputatı olmuşdur.

Azərbaycan Respublikası Prezidentinin 19 may 2006-cı il tarixli Sərəncamı ilə Azərbaycanın iqtisadi inkişafındakı böyük xidmətlərinə görə Abbas Aydın oğlu Abbasov “İstiqlal” ordeni ilə təltif edilmişdir.

Ailəlidir, 3 övladı var.

Filmoqrafiya[redaktə | əsas redaktə]

  1. Zirvəyə doğru (film, 2007)


İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]