Abbas Abbasov (siyasətçi)

Abbas Abbasov
Azərbaycan Respublikası Baş nazirinin birinci müavini
16 sentyabr 1994 – 19 may 2006
Baş nazir	Surət Hüseynov Fuad Quliyev Artur Rasizadə İlham Əliyev Artur Rasizadə
18 may 1992 – 28 aprel 1993
Baş nazir	Rəhim Hüseynov Əli Məsimov (i. e.)
Azərbaycan Respublikası Baş nazirinin müavini
28 aprel 1993 – 16 sentyabr 1994
Baş nazir	Pənah Hüseynov Surət Hüseynov
Azərbaycan Respublikasının aqrar siyasəti üzrə dövlət müşaviri
11 dekabr 1991 – 18 may 1992
Əvvəlki	vəzifə təsis edilib
Sonrakı	Əli Cahangirov
Şəxsi məlumatlar
Doğum tarixi	4 avqust 1949(1949-08-04) (76 yaş)
Doğum yeri	Kirovabad, Azərbaycan SSR, SSRİ
Təhsili	Azərbaycan Kənd Təsərrüfatı İnstitutu (–1971), Bakı Dövlət Sosial İdarəetmə və Politologiya İnstitutu (–1995)
Fəaliyyəti	siyasətçi
Uşağı	Aydın Abbasov
Elmi fəaliyyəti
Elmi dərəcəsi	baytarlıq üzrə fəlsəfə doktoru[d]
Təltifləri

Abbas Aydın oğlu Abbasov (4 avqust 1949, Kirovabad) — Azərbaycan ictimai-siyasi xadimi, Azərbaycan Respublikası Baş nazirinin birinci müavini (1992– 1993, 1994–2006).

Həyatı

Abbas Aydın oğlu Abbasov 1949-cu il avqustun 4-də Gəncə şəhərində anadan olmuşdur. 1971-ci ildə Azərbaycan Kənd Təsərrüfatı İnstitutunu bitirmişdir. Həmin il respublika Baytarlıq Laboratoriyasında baytar həkim kimi əmək fəaliyyətinə başlamışdır. 1972–1973-cü illərdə hərbi xidmətdə olmuşdur.

1973-cü ildən Abşeron rayonunun quşçuluq sənayesi sahəsində baytar həkim, sex rəisi, 1979–1982-ci illərdə Bakı Broyler Fabrikinin direktoru işləmişdir. 1982-ci ildən əmək fəaliyyətini Özbəkistanda davam etdirmiş, buradakı quşçuluq təsərrüfatlarında direktor müavini, 1983–1989-cu illərdə Özbəkistan SSR Dövlət Quşçuluq Sənayesi Komitəsi sədrinin müavini işləmişdir.

Abbas Abbasov 1989-cu ildən Abşeron Quşçuluq Aqrar-İstehsalat firmasının baş direktoru, 1990–1991-ci illərdə Azərbaycan Kommunist Partiyası Abşeron Rayon Komitəsinin birinci katibi, Abşeron Rayon Xalq Deputatları Soveti İcraiyyə Komitəsinin sədri işləmiş, 1991–1992-ci illərdə Azərbaycan Respublikasının aqrar siyasəti üzrə dövlət müşaviri olmuşdur.

1992–1993-cü illərdə Azərbaycan Respublikası Baş nazirinin birinci müavini, 1993–1994-cü illərdə Baş nazirin müavini vəzifələrində işləmiş, 1994-cü ildə yenidən Baş nazirin birinci müavini təyin edilmişdir. Bu dövr ərzində bir neçə dövlət komissiyasının sədri olmuşdur. 2006-cı ildə tutduğu vəzifədən azad edilmişdir.

Hazırda "AST Şirkətlər Qrupu" nun vitse-prezidenti və Müstəqil Dövlətlər Biriliyi (MDB) Dinlərarası Şurasının Qəyyumlar Komitəsinin həmsədridir. 1991–1995-ci ildən Azərbaycan Respublikası Ali Sovetinin 12-ci çağırış deputatı (xalq deputatı) olmuşdur.

Azərbaycan Respublikası Prezidentinin 19 may 2006-cı il tarixli Sərəncamı ilə "İstiqlal" ordeni ilə təltif edilmişdir.

2025-ci il dekabr ayında Ramiz Mehdiyev və digərləri barəsində dövlət hakimiyyətini ələ keçirməyə yönələn hərəkətlər ittihamı ilə istintaqı aparılan cinayət işi üzrə istintaqa cəlb edilməsi barədə qərar qəbul edilib.

Ailəlidir, 4 övladı var.

Xarici keçidlər

• Abbas Abbasov üçün xüsusi əhəmiyyət daşıyan tarix
• "Abbas Abbasov üçün xüsusi əhəmiyyət daşıyan tarix". modern.az. 4 dekabr 2019 tarixində arxivləşdirilib.