Abbasağa Azərtürk

Vikipediya, azad ensiklopediya
Jump to navigation Jump to search
ABBASAĞA AZƏRTÜRK
Abbasağa Əli oğlu Hüseynov
Abbasağa Azərtürk 2014-06-12 20-32.jpeg
Doğum tarixi 24 noyabr 1934(1934-11-24)
Doğum yeri Cəlilabad Azərbaycan Azərbaycan
Vəfat tarixi 8 avqust 1998 (63 yaşında)
Vəfat yeri Cəlilabad Azərbaycan Azərbaycan
Vətəndaşlığı Azərbaycan Azərbaycan
Həyat yoldaşı Xuraman
Uşaqları Ülkər, Anar, Əli, Tural
Atası Əli
Anası Ürfət
Təhsili Azərbaycan Dövlət Pedaqoji Universiteti
İxtisası Dil-ədəbiyyat müəllimi
Fəaliyyəti Şair, pedaqoq

Hüseynov Abbasağa Əli oğlu (Azərtürk) — Azərbaycan şairi, Azərbaycan Yazıçılar Birliyinin üzvü (1978).

Həyatı[redaktə | əsas redaktə]

Abbasağa Azərtürk - 1934-cü il noyabr ayının 24-də Cəlilabad şəhərində anadan olmuşdur.

Ədəbi fəaliyyətə 60-cı illərdən başlamışdır. İlk mətbu şeiri 1964-cü ildə çapdan çıxmışdır.

İlk kitabı "Atlılar" 1964-cü ildə işıq üzü görmüşdur. "Mənim qismətim", "Od oğlu", "Anama minnətdaram", "Cəlilabad dastanı", "Qaraçı nəğmələri" və "Qaya sükutu" kimi kitabların müəllifidir. Bu kitablarda toplanan şeir və poemalardan odlu-alovlu bir şairin vətəndaşlıq, azadlıq, insan və gözəllik haqqında bədii təsvir vasitələri ilə zəngin ürək sözləri toplanmışdir.

Abbasağa Azərtürk fəhləlikdən şeirə gələn şairlərdəndir. "Qaradağneft" mədənində operator köməkçisi, əsaslı təmir, geoloji-kəşfiyyat, baş tikinti idarələrində, şin və gəmi təmiri zavodlarında fəhlə işləmişdir.

Azərbaycan Dövlət Pedaqoji Universitetinin dil və ədəbiyyat fakultəsini bitirmişdi, 1968-ci ildən ömrünün sonunadək Cəlilabad şəhərindəki 7 saylı orta məktəbdə Azərbaycan dili və ədəbiyyat müəllimi olmuşdur. Abbasağa Azərtürk həm klassik, həm də müasir janrlarda özünəməxsus, orijinal şeirlər yazırdı.

8 avqust 1998-ci ildə Cəlilabad şəhərində vəfat etmişdir.

Kitabları[redaktə | əsas redaktə]

  1. Atlılar. Bakı: Azərnəşr, 1960, 30 səh.
  2. Mənim qismətim. Bakı: Azərnəşr, 1970, 80 səh.
  3. Od oğlu. Bakı: Gənclik, 1978, 85 səh.
  4. Anama minnətdaram. Bakı: Yazıçı, 1978, 177 səh.
  5. Cəlilabad dastanı (şeirlər və poemalar). Bakı: Yazıçı, 1988, 136 səh.
  6. Qaraçı nəğmələri. Bakı: Yazıçı, 1993, 235 səh.

Xarici keçidlər[redaktə | əsas redaktə]