Abdul Qadir Keyta

Vikipediya, azad ensiklopediya
Naviqasiyaya keç Axtarışa keç
Abdul Qadir Keyta
Ümumi məlumatlar
Doğum tarixi 6 avqust 1981(1981-08-06)[1][2][…] (43 yaş)
Doğum yeri
Vətəndaşlığı
Boyu 184 sm
Çəkisi 78 kq
Mövqeyi cinah yarımmüdafiəçisi[d]
Karyerası
Klub karyerası[* 1]
1999—2000 Kot-d'İvuar Afrika Sports d'Abidjan 23 (4)
2000—2001 Tunis Etual dü Sahel 22 (7)
2001—2002 Birləşmiş Ərəb Əmirlikləri Əl-Əyn 19 (6)
2002—2005 Qətər Əl-Sədd 71 (23)
2005—2007 Fransa Lill 63 (14)
2007—2009 Fransa Olimpik Lion 52 (5)
2009—2010 Türkiyə Qalatasaray 27 (5)
2010—2012 Qətər Əl-Sədd 27 (4)
2014–2015 Macarıstan Honved 2 (0)}
2015 İndoneziya Persib Bandunq 0 (0)
Cəmi 281 (77)
Milli yığma[* 2]
2000—2012 Kot-d'İvuar Kot-d'İvuar 72 (11)
Təltif və medalları
Afrika millətlər kubokları
Gümüş Misir 2006
Gümüş Qabon/Ekvatorial Qvineya 2012
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 30 may 2013 tarixində redaktə olunub.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı, 30 may 2013 tarixində redaktə olunub.
Vikianbarın loqosu Vikianbarda əlaqəli mediafayllar

Abdul Qadir Keyta (fr. Abdul Kader Keïta; 6 avqust 1981[1][2][…], Abican) — cinah hücumçusu mövqeyində çıxış etmiş Kot-d'İvuar futbolçusu. 2000-ci ildən 2012-ci ilə qədər Kot-d'İvuar millisində çıxış edirdi.

Klub karyerası

[redaktə | mənbəni redaktə et]

"Popito" ləqəbli Keyta karyerasına yerli "Afrika Sport" klubunda başladı, daha sonra "Etual dü Sahel" klubuna keçdi. BƏƏ-nin "Əl-Əyn" və Qətərin "Əl-Sədd" klublarında çıxış etdikdən sonra 2005-ci ildə Fransanın Liqa 1 çempionatında çıxış edən "Lill" klubu ilə müqavilə imzaladı.

"Leon"

[redaktə | mənbəni redaktə et]

31 may 2007-ci ildə "Olimpik Lion"un sədri Jan Mişel Ola klubun həm Keyta, həm də onun komanda yoldaşı Matyo Bodmer üçün təklif göndərdiyini açıqladı.[3]

16 iyun 2007-ci ildə "Lion" hər iki oyunçunun keçidi ilə bağlı açıqlama verdi, Keytanın transfer dəyəri 18 milyon avro təşkil etdi.[4] Klubda keçirdiyi 2 mövsüm ərzində bütün yarışlarda 52 oyuna 5 qol vura bilmişdir.[5]

"Qalatasaray"

[redaktə | mənbəni redaktə et]

2 iyul 2009-cu ildə "Qalatasaray" Keytanın türk klubuna qatıldığını və 8,5 milyon avroluq üç illik müqavilə imzaladığını rəsmən elan etdi.[6] O, "Qalatasaray" forması ilə ilk qolunu Avropa Liqasının təsnifat mərhələsində "Makkabi Netaniya" klubuna qarşı oyunda (5-ci dəqiqədə) vurdu. 12 dekabrda "Antalyaspor" ilə 3–2 qələbə hesablı oyunda qol müəllifi oldu.

18 fevral 2010-cu ildə Keyta Avropa Liqasınin 1/16 final mərhələsində "Atletiko Madrid" klubuna qarşı oyunda son dəqiqələrdə hesabı bərabərləşdirərək, "Qalatasaray"ı səfərdə məğlubiyyətdən qurtardı. Cavab qarşılaşmada da hesabı tarazlaşdırsa da, klub növbəti mərhələyə vəsiqə qazana bilmədi.

"Əl-Sədd"

[redaktə | mənbəni redaktə et]

2010-cu ilin iyul ayında Keyta keçmiş klubu "Əl-Sədd"ə geri döndü.[7]

19 oktyabr 2011-ci ildə Asiya Çempionlar Liqasının yarımfinalının "Suvon Samsunq Blyuinqz" qarşı keçirilən ilk oyununda əlbəyaxa insisdentin iştirakçısı oldu. "Suvon" oyunçusu Çoy Son Hvan "Əl-Sədd"in müdafiəçisi tərəfindən qeyri-ixtiyari başından zərbə aldı, Çoy Son Hvan baş zədəsi səbəbindən "Əl-Sədd"in cərimə meydançasında yıxılandan sonra Yom Ki-hun topu boş buraxdı. Çoy həkimlərin nəzarətində olarkən Keyta cərimə zərbəsini tez yerinə yetirərək, onu komanda yoldaşı Mamadu Nyanqa ötürdü, "Suvon" müdafiəçiləri isə bu anda baş verənlərdən bixəbər idilər, çünki onlar düşünürdülər ki, top FİFA-nın "ədalətli oyun" qaydalarına uyğun olaraq onlara geri qaytarılacaqdır. Nyanq mərkəzdən sprint edərək qapıçını keçdi və "Əl-Sədd"in ikinci qolunu vurdu. Qarma – qarışıqlıq "Suvon" azarkeşinin meydana daxil olmasından sonra daha da artdı və nəticədə iki komanda arasında dava baş tutdu. Daha sonra Keyta azarkeş tərəfə qaçıb başının arxasına vurduğu və onun boğazından tutduğu üçün qırmızı vərəqə aldı.[8] Komanda yoldaşı Li Çjon Su mətbuata verdiyi açıqlamada Keytanın Nianqa assist etdiyi üçün üzr istədiyini və hərəkətin səhv olduğunu etiraf etdiyini bildirdi.

Milli komanda karyerası

[redaktə | mənbəni redaktə et]

Keyta Kot-d'İvuar millisində 72 oyunda meydana çıxaraq uğurlu karyeraya sahib olmuşdur və komanda ilə 2006 və 2010 FİFA Dünya Kubokunda və 2002, 2008, 2010 və 2012-ci illərdə Afrika Millətlər Kubokunda iştirak etdi, sonuncuda komanda ilə finala qədər irəlliyə bilmişdir.

2010 FİFA Dünya Kubokunda insident

[redaktə | mənbəni redaktə et]

Cənubi Afrikada keçirilən 2010 FİFA Dünya Kuboku zamanı Keyta Braziliyaya qarşı qrup oyunu zamanı Kaka ilə insident yaşadı. Keyta Kaka ilə toqquşaraq yerə yıxıldı və sanki çox ağrıyırmış kimi üzünü tutdu. Kaka ikinci sarı kartını alaraq oyundan kənarlaşdırıldı. ABC hadisəni şərh edərək yazırdı ki, "Abdul Qadir Keytanın brazilyalı pleymeykerdən qarnına aldığı zərbəyə reaksiyası həm gülməli idi, həm də rüsvayçı idi. Açıq-aşkardır ki, ilk sarı kartdan sonra Kakanı daha da pis vəziyyətə salmaq ümidi ilə Keyta yerə yıxıldı və üzünü tutdu, sanki ona yaxından zərbə endirilmişdir. Aydındır ki, o, bunu qəsdən etdi ki, Kaka meydandan qovulsun".[9]

Hadisə, çoxsaylı jurnalistlər tərəfindən Dünya Kubokunda ən biyabırçı hadisələrdən biri kimi qələmə verildi və idman diktoru tərəfindən "rüsvayçı" adlandırıldı[10] və Keytanın bu hərəkəti Dünya Çempionatının 10 ən pis anı siyahısına əlavə olundu.[11] Keyta 2010 Dünya Kubokunda "Bədnam 11" (ing. Infamous 11) adlandırılaraq turnirin ən pis idmançılarından biri kmi tarixə düşdü.[12]

Mükafatları

[redaktə | mənbəni redaktə et]

"Afrika Sports"

  • Afrika Kubok Qalibləri Kuboku: 1999

"Əl-Əyn"

  • BƏƏ Pro Liqası: 2001–02
  • Körfəz Klubları Kuboku Çempionlar Liqası: 2001

"Əl-Sədd"

  • Qətər Ulduzlar Liqası: 2003–04
  • Qətər Əmiri Kuboku: 2002–03, 2004–05
  • Qatar Şahzadə Kuboku: 2003
  • AFK Çempionlar Liqası: 2011

"Lion"

  • Liqa 1: 2007–08
  • Fransa Kuboku: 2007–08
  • Fransa Superkuboku: 2007

İstinadlar

[redaktə | mənbəni redaktə et]
  1. ↑ 1 2 Abdul Kader Keïta // FBref (çd.).
  2. ↑ 1 2 ABDUL KADER KEITA // Argentine Soccer Database (isp.).
  3. ↑ "Yahoo". Yahoo (ingilis). İstifadə tarixi: 26 March 2018.[daimi ölü keçid]
  4. ↑ "Soccer – Lyon sign Lille players Bodmer and Keïta". Reuters. 16 June 2007. 12 July 2017 tarixində arxivləşdirilib. İstifadə tarixi: 29 May 2013.
  5. ↑ "Abdul Kader Keïta leaves Lyon for Galatasaray". USATODAY.com. 2 July 2009. 23 March 2022 tarixində arxivləşdirilib. İstifadə tarixi: 29 May 2013.
  6. ↑ "Arxivlənmiş surət" (PDF). 2020-08-14 tarixində arxivləşdirilib (PDF). İstifadə tarixi: 2021-09-09.
  7. ↑ "Galatasaray Profesyonel Futbol Takımı oyuncumuz Abdul Kader Keïta'nin avro8.150.000 bedelle Katar AL SADD S.C. Kulübüne transfer olması". Turkish Public Disclosure System (KAP) (türk). 6 July 2011. 31 March 2012 tarixində arxivləşdirilib. İstifadə tarixi: 23 September 2011.
  8. ↑ "BERNAMA – Asian Football Body Investigating In-game Brawl In South Korea". 2016-03-04 tarixində arxivləşdirilib. İstifadə tarixi: 2021-09-09.
  9. ↑ "Game's credibility taking a dive". Australian Broadcasting Corporation. 22 June 2010. 4 February 2011 tarixində arxivləşdirilib. İstifadə tarixi: 22 June 2010.
  10. ↑ "2010 World Cup's Most Shocking Moments #25: Kaka Red Card". 23 March 2022 tarixində arxivləşdirilib. İstifadə tarixi: 13 May 2014.
  11. ↑ "Ten Worst Moments of the 2010 World Cup". 8 March 2022 tarixində arxivləşdirilib. İstifadə tarixi: 13 May 2014.
  12. ↑ "Picking a World Cup 2010 Infamous Eleven". The Roar Your Sports Opinion. 17 July 2010. 11 March 2022 tarixində arxivləşdirilib. İstifadə tarixi: 13 May 2014.
Mənbə — "https://az.wikipedia.org/w/index.php?title=Abdul_Qadir_Keyta&oldid=7720222"