Adam içində (veriliş, 2013)

Vikipediya, azad ensiklopediya
Jump to navigation Jump to search
Adam içində
Adam içində (verliş).jpg
Aparıcı Elgiz Əkbər
İlkin mövzu "müğənnilik sənəti"
İstehsalçı ölkə Azərbaycan Azərbaycan
Dil Azərbaycanca
İlk buraxılış 9 Sentyabr, 2013-cü il
Sonuncu buraxılış 16 Fevral, 2015-ci il
İstehsal
Prodüser Afət RahilqızıŞahin Əhədov
Müddəti 2 Saat
Veriliş
Kanal ANS


Verliş haqqında[redaktə | əsas redaktə]

Verilişin ilk qonaqları bəstəkarlar Nailə Mirməmədli, Elçin İmanov, bəstəkar-müğənni Elza Seyidcahan və cazmen Cavan Zeynallı olub. 2 saat davam edən proqramın ilk mövzusu "müğənnilik sənəti" olub. 2 saat ərzində övladlarını müğənni görmək istəyən analar və müğənnilik arzusu ilə yaşayan gənclər müzakirə olunub.

Elgiz yeni telelayihə üzərində 2 ay çalışdıqlarını deyib:

 "Çox çalışmışıq, demək olar ki, bu yay istirahət etməmişik. 2 ay sərasər "Adam içində"nin canlı yayımına hazıırlıq görmüşük. Efirə ilk dəfə çıxmasam da bu gün həyəcanlı idim. Çünki "Toy olsun"dan bu yana canlı efirə aparıcılıq etməmişdim. Veriliş gözlədiyimdən də maraqlı alındı. 2 saat tez keçdi..."

"Adam içində"nin qarşıda gələn buraxılışları daha maraqlı olacağını anons edən teleaparıcı, maraqlı qonaqların dəvət alacağını söylədi:

"Verilişdə inanılmaz qonaqlarla gündəmdə olan maraqlı mövzular müzakirə ediləcək. Tamaşaçının maraq dairəsində olan bütün mövzular, fərq etməz, şou-biznes və yaxud siyasətlə bağlı diskusiyalarımız olacaq. Sözsüz siyasi mövzularımız siyasətçilərin iştirakı ilə müzakirəyə çıxarılacaq."

Qeyd edək ki, "Adam içində" proqramı həftə içi hər gün 2 saat, 17:00-19:00 arası birbaşa efirdə olub. Verilişin prodüserləri tanınmış telejurnalist Afət Rahilqızı və peşəkar teleprodüser Şahin Əhədovdur.

Elgizlə birlikdə görünən Samirə xanım proqramda müzakirəyə çıxarılmış mövzunu və qonaqları sosial şəbəkə vasitəsilə tamaşaçılarla müzakirə edir və onların mövzuya münasibətlərini səsləndirir.

"Adam içində" verilişi sosial tok-şou xarakterlidir. Analoqu olmayan mövcud verilişdə əsasən sosial, ailə münaqişələri, şou-biznes, mistik və gündəmdə olan məsələlər, fövqəladə hadisələr müzakirə edilir. "Adam içində" hər mövzuya uyğun tanınmış qonaqlar və ekspertlər də dəvət olunur. Prodüseri Şahin Əhədov olan, sözügedən verilişin aparıcısı isə Elgiz Əkbərdir. Digər köməkçi aparıcı isə Afət Rahilqızıdır. Afət Rahilqızı əsasən sosial şəbəkələrdə ən çox müzakirə olunan hadisələri və son məlumatları tamaçaşılara təqdim edir.

Xarici keçidlər[redaktə | əsas redaktə]

http://www.anspress.com/medeniyyet/09-09-2013/elgiz-adam-icine-cixdi-foto