Cavan Zeynallı

Vikipediya, açıq ensiklopediya
Jump to navigation Jump to search
CAVAN ZEYNALLI
Cavan Mirzəməmməd oğlu Zeynallı
Cavan Zeynallı.JPG
Sənətçi məlumatları
Doğum tarixi 29 sentyabr 1945 (1945-09-29) (73 yaş)
Doğum yeri Bakı, Flag of the Azerbaijan Soviet Socialist Republic.svg Azərbaycan SSR
Peşələri Müğənni, cazmen, aktyor.

Mükafatları Azərbaycan Respublikası Prezidentinin fərdi təqaüdü[1]

Zeynallı Cavan (Cavanşir) Mirzəməmməd oğlu – Müğənni. Cazmen. Aktyor. Arxiv kadrlarda iştirak edən. Filmlərdə iştirak edən. Orkestr rəhbəri

Həyatı[redaktə | əsas redaktə]

Cavan Zeynallı 29 sentyabr 1945-ci ildə Bakıda dünyaya gəlmişdir. Anası Şəfiqə xanım Məcidova opera müğənnisi idi, dahi Üzeyir Hacıbəylinin kollektivində işləmişdi. Əvvəlcə 7 illik musiqi məktəbini, 1967-ci ildə A.Zeynallı adına musiqi texnikumu bitirmişdir. Həmin ildə Azərbaycan Dövlət Konservatoriyasının vokal fakültəsinə qəbul olunmuşdur. 1972-ci ildə konservatoriyanı bitirdikdən sonra Azərbaycan Dövlət Mahnı Teatrında solist işləmişdir. 1976-cı ildə Azərbaycan Dövlət Filarmoniyasının solist-vokalçı kimi fəaliyyət göstərmişdir. 1979-2001-ci illərdə "Qaya" Dövlət ansamblının solisti olmuşdur. "Qaya" ansamblı ilə birgə bir çox xarici ölkələrdə qastrolda olmuş, Azərbaycan estrada sənətinin nümunələrini ləyaqətlə təmsil etmişdir. Musiqiçi özünəməxsus səs tembri, ifa tərzi, aurası ilə böyük pərəstişkar kütləsi qazanmışdır,

Bakıda, Moskvada, Latviyada, Almaniyada, Polşada keçirilən Beynəlxalq caz festivallarının iştirakçısı olmuşdur. Bakı Caz Mərkəzində üç solo konserti ilə çıxış etmişdir.

Cavan Zeynallı 2 dəfə ailə həyatı qurub. İlk dəfə Moskvada evlənən sənətkarın 1981-ci il təvəllüdlü Nataşa adlı bir qızı vardır. Musiqiçi ikinci dəfə 1996-cı ildə Röya xanımla ailə həyatı qurub.[2]

Azərbaycan Respublikası Prezidenti İlham Əliyev 21 dekabr 2015-ci ildə Cavan Zeynallıya Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.[1]

Filmoqrafiya[redaktə | əsas redaktə]

  1. Benefis (veriliş, 2007)
  2. Çətirimiz buludlardır (film, 1976)
  3. Dantenin yubileyi (film, 1978)
  4. Əlvida, cənub şəhəri (film, 2006)
  5. İstintaq (film, 1979)
  6. Kədərimiz... Vüqarımız... (film, 1998)
  7. Koma 0,1 saniyədə (film, 2007)
  8. Qonşu qonşu olsa... (film, 1989)
  9. Oqtay Ağayev. Ötən günlər (film, 2004)
  10. Park (film, 1984)
  11. Sizi, kiçik toy məclisinə dəvət edirik. (film, 1979)
  12. Tam məxfi (film, 2004)
  13. Yanmış körpülər (film, 2007)
  14. Yollar görüşəndə... (film, 1979)

İstinadlar[redaktə | əsas redaktə]