Aerobika

Aerobika — ritmik musiqi ilə aerobik məşqlərdən ibarət olan gimnastikadır və təlimlərin ritmini izləməkdə kömək edir.^[1]

Haqqında

Dözümlülüyün təzahürü ilə bağlı olub dövrlər üzrə gedən idman növlərində (qaçış, yeriş, üzgüçülük, avarçəkmə, velosipedsürmə, xizəklərdə, konkilərdə sürüşmə) ürək-damar və tənəffüs sistemlərinin funksional imkanlarının yüksəlməsinə yönəlmiş təmrinlər sistemi.

2. Məşğul olanların fiziki hazırlığının yüksəlməsinə yönəlmiş və musiqi sədaları altında icra olunan müxtəlif fiziki təmrinlər kompleksi. Sağlamlıq və idman məqsədlərində istifadə olunur. Tərkib vasitələrinə yaş xüsusiyyətlərinə görə fərqlənən, alət və əşyalar tətbiq edilən, müxtəlif şəraitdə (zalda, stadionda, suda keçirilən) müxtəlif sistem və istiqamətlər və s. daxil edilir.

3. Bodibildinqdə - yarışlarda əzələlərin və venaların son hədd qabarıqlığını nümayiş etdirmək marağı ilə dərialtı piyin yandırılması və maksimum səfərbər edilməsinə yönəlmiş orqanizmin aerob məhsuldarlığının yüksəlməsinin metod və vasitələrinin məcmusu. Bura stasionar velotrenajorlarda, qaçan cığırlarda, xizək və avarçəkmə trenajorlarında arası kəsilməz, yavaş və fasiləli qaçış məşğələ - təmrinləri daxildir. Bunlar bodibildinq və pauerliftinqdə məşq makrodövrünün keçid və hazırlıq mərhələlərində ürək-damar sisteminin funksiyalarının bərpa vasitəsidir.^[2]

Akva Aerobika(Hidro Aerobika)

Dərin olmayan və dərin suda icra olunan təmrinlər sistemi. Bu, bəzi hallarda onların icra şəraitini yüngülləşdirir, başqa hallarda çətinləşdirir. Təmrinlərin intensivliyinin dəyişdirilməsi üçün istifadə oluna bilən müxtəlif avadanlıqlar: kəmər, jilet, qantel, əl, ayaq və topuq üçün manjetlər, əl plankaları, əlçək, lastlar işlədilir. Zədələnmələrdən sonra reabilitasiya dövründə fiziki hazırlıq vasitəsi kimi başqa idman növlərinin nümayəndələri tərəfindən də istifadə olunur.^[2]

Baza Aerobikası

Musiqinin müşayiəti altında (dəqiqədə 120-160 ritm vurğusu) istirahət fasiləsi olma dan arasıkəsilməz icra olunan qaçış, sıçrayış, hoppanmalardan, ümumi hazırlıq gimnastikası təmrinlərindən ibarət ciddi reqiamentləşdirilmiş, daha çox işlənilmiş sistem. Təmrinlər ayaq üstə (yerində, irəli, arxaya, yanlara irəliləməklə), uzanmış halda, dirənərək oturuş vəziyyətində ica olunur. Böyük olmayan çətinliyə salmaqla, espanderlərlə, amortizatorlarla da icra oluna bilər. Xoreoqrafik hissəyə ən sadə və spesifik addımlar, sıçrayışlar, elementlər, onların hissələri və kombinasiyalar daxildir^[2]

Boks Aerobikası

Döyüş sənətinin bir sıra elementlərindən istifadə edilən aerobika növü. Boks-aerobika, karate-aerobika xüsusi avadanlıq - boksçu əlçəkləri, iplər, boksçu armudları və s. tələb edir.^[2]

Çöl Aerobikası

Müxtəlif addımları icra etməyə imkan verən xüsusi step-platformadan, ondan və onun üzərindən keçməklə müxtəlif istiqamətlərdə sıçrayışlardan istifadəni xarakterizə edən aerobika növü: gücü və güc dözümlülüyünün tərbiyəsinə yönəlmiş yuxarı ətrafların, qursaq, qarın və bel əzələlərinin möhkəmlənməsi məşğələlərinin icrası üçün platformadan istifadə edir. Çöl aerobikasmın əsasında, əsasən, baza aerobikasının xoreoqrafiyası dayanır. - XO-Loners aerobika Botinkaların altına bərkidilmiş yaylı plastindən (lövhə) istifadə ilə səciyyələnən aerobika növü. Bu, istənilən fiziki fəallıqdan həzz almağa və xoş olmayan ağrı hissini aradan qaldırmağa, zədələnmək və əzilmək imkanını azaltmağa imkan verir. Xüsusi yaylı plastin konstruksiya təmrinlərin icrası zamanı diz və çanaq-bud oynaqlarına və onurğa sütununa düşən yükü aradan götürməyə imkan verir. Bu məşğələlər yüksək intensivliyi ilə xarakterizə olunur^[2]

Həmçinin bax

Xarici keçidlər

İstinadlar

↑ "Aerobics video for beginners". www.nhs.uk. www.nhs.uk. 2022-08-16 tarixində arxivləşdirilib. İstifadə tarixi: 8 aprel 2019.
↑ ¹ ² ³ ⁴ ⁵ HÜSEYNOV,, SÜLEYMAN SƏFƏR OĞLU. İzahlı idman terminləri (Süleyman Bağır oğlu Məmmədli,Yadigar Bahakişi oğlu Səmədo). “Yazıçı” nəşriyyatı. 2009 Bakı,. 216 səh.

[1] "Aerobics video for beginners". www.nhs.uk. www.nhs.uk. 2022-08-16 tarixində arxivləşdirilib. İstifadə tarixi: 8 aprel 2019.

[:0-2] ¹ ² ³ ⁴ ⁵ HÜSEYNOV,, SÜLEYMAN SƏFƏR OĞLU. İzahlı idman terminləri (Süleyman Bağır oğlu Məmmədli,Yadigar Bahakişi oğlu Səmədo). “Yazıçı” nəşriyyatı. 2009 Bakı,. 216 səh.

[1]

[2]