Aki Yaşiro

Vikipediya, azad ensiklopediya
Naviqasiyaya keç Axtarışa keç
Aki Yaşiro
yap. 八代 亜紀
Ümumi məlumatlar
Doğum tarixi 29 avqust 1950(1950-08-29)[1]
Doğum yeri
Vəfat tarixi 30 dekabr 2023(2023-12-30) (73 yaşında)
Vəfat səbəbi ağciyər iltihabı
Musiqiçi məlumatları
Fəaliyyəti müğənni, cazmen, rəssam
Fəaliyyət illəri 1971-ci ildən
Janr enka[d]
Albom şirkəti Teichiku Records[d]
Üzvlüyü
  • Yaponiya Müğənnilər Assosiasiyası[d]
Mükafatları "Qütb ulduzu" ordeni
yashiro.mirion.co.jp

Aki Yaşiro (八代亜紀, Yaşiro Aki?, 29 avqust 1950[1], Yatsuşiro[d], Kumamoto – 30 dekabr 2023) və ya doğum adı ilə Akiyo Masuda (増田明代, Masuda Akiyo?) – Yaponiya enka müğənnisi və rəssamı. "Enkanın kraliçası" kimi tanınır.[2]

Karyerası

[redaktə | vikimətni redaktə et]

Yaşironun ilk peşəsi avtobus bələdçisi olmuşdur. Daha sonra Tokioya köçmüş, Tokionun Qinza rayonunda yerləşən gecə klublarının birində oxumağa başlamışdır. 1971-ci ildə "Ai wa Shindemo" mahnısı ilə debüt etmişdir.[2] Səhnə adını doğulduğu Yatsuşiro şəhərindən götürmüşdür.[3] Romantika mövzusundakı melanxolik mahnılarına görə tanınan Yaşironun ən böyük hitləri "Namida Koi" (1973), "Ai no Shuchakueki" (1975) "Funauta" (1979) və "Ame no Bojo" (1980) mahnıları olmuşdur. "Ame no Bojo" mahnısına görə 1980-ci ildə Yaponiya Səsyazma Mükafatını qazanmışdır.[2] NHK kanalının "Kohaku Uta Gassen" canlı musiqi verilişinin Yeni il buraxılışlarında 1973-cü ildən etibarən 23 dəfə çıxış etmişdir.[3]

Yaşiro enka janrı ilə yanaşı, caz və blüz janrlarında ifa etmişdir. 2012-ci ildə "Yoruno Arubamu" adlı ilk caz albomunu buraxmış, 2013-cü ildə Nyu-Yorkda yerləşən "Birdland" caz klubunda ifa etmiş,[3] rok festivalında çıxış etmişdir. Yaşiro rəssamlıq fəaliyyəti ilə də məşğul olmuşdur. Onun yağlı boya rəsmləri 1998–2002-ci illərdə Fransada yerləşən Paris Salonunun sərgisi tərəfindən qəbul edilmişdir.[4]

Xeyriyyəçilik

[redaktə | vikimətni redaktə et]

Yaşiro qadın həbsxanalarının və uşaq koloniyalarının daimi ziyarətçisi olmuşdur.[3] 2011-ci ildə baş vermiş Tohoku zəlzələsindən sonra təxliyə mərkəzlərini ziyarət edərək onlara tatami bağışlamışdır. 2016-cı ildə baş vermiş Kumamoto zəlzələsində də təxliyə mərkəzlərini ziyarət etmişdir.[4]

Ölümü

[redaktə | vikimətni redaktə et]

Yaşiro səhhətindəki problemlərə görə 2023-cü ilin sentyabrında karyerasına fasilə verdiyini açıqlamışdır. Onda anti-MDA5 antitel-pozitiv dermatomiozit xəstəliyi inkişaf etmiş, 30 dekabr 2023-cü ildə ağciyər iltihabı səbəbilə ölmüşdür.[3]

İstinadlar

[redaktə | vikimətni redaktə et]
  1. ↑ 1 2 Aki Yashiro // Discogs (ing.). 2000.
  2. ↑ 1 2 3 "Aki Yashiro, seductive 'queen' of enka ballads, dies at 73". The Asahi Shimbun (ingiliscə). 10 yanvar 2024. 2024-01-12 tarixində arxivləşdirilib. İstifadə tarixi: 12 yanvar 2024.
  3. ↑ 1 2 3 4 5 "Popular Japanese 'enka' ballad singer Aki Yashiro dies at age 73". The Mainichi (ingiliscə). 10 yanvar 2024. 2024-01-12 tarixində arxivləşdirilib. İstifadə tarixi: 12 yanvar 2024.
  4. ↑ 1 2 "Japanese Enka Ballad Singer Aki Yashiro Dies at Age 73; Known for Hit Songs 'Funauta,' 'Ame no Bojo' (Update 1)". The Japan News (ingiliscə). 10 yanvar 2024. 2024-01-11 tarixində arxivləşdirilib. İstifadə tarixi: 12 yanvar 2024.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Aki_Yaşiro&oldid=7474869"