Akif Quliyev

Vikipediya, açıq ensiklopediya
Jump to navigation Jump to search
Numizmat.jpg
Akif .jpg


ABŞ səfiri.jpg
Gülüstan qalasında arxeoloji tədqiqatlar
Azərbaycan Respublikası prezidenti cənab İlham Əliyev və birinci xanım Mehriban Əliyeva dəmirçidə.jpg
Akif Quluyev
Akif Quliyev=.jpg
Doğum tarixi 15 avqust 1970(1970-08-15)
Doğum yeri Bakı
Commons-logo.svg Vikianbarda əlaqəli mediafayllar
Qazaxıstanda Sayram şəhərinin bərpasında.

Akif Arif oğlu Quliyev — AMEA Arxeologiya və Etnoqrafiya İnstitutunun Numizmatika və Epiqrafika şöbəsinin müdiri, Şamaxı-Ağsu arxeoloji ekspedisiyasının rəisi, "arxeoloq.az" jurnalının baş redaktoru, "Azərbaycan Arxeoloqlar cəmiyyətinin" təsiscisi,Tarix üzrə fəlsəfə doktoru.

Dəmirçi nekropolunda.jpg
Dəmirci (Gəgəli yaylağı) nekropolu və yaşayış yerində qazıntılar..jpg

Həyatı[redaktə | əsas redaktə]

Akif Quliyev 1970-ci il 15 avqustda Bakı şəhərində anadan olmuşdur. 1977-1987-ci illərdə Bakı şəhəri Sabunçu rayonu Bakıxanov qəsəbəsi 80 saylı məktəbdə orta təhsil almışdır.

1987-ci ildə Özbəkistan Respublikasının Qafur Qulam adına Sırdərya Dövlət Pedaqoji İnstitutunun Tarix fakultəsinə qəbul olmuşdur. 1989-cu ildə həmin İnstitutun ikinci kursunu bitirdikdən sonra, Nəsrəddin Tusi adına Azərbaycan Dövlət Pedaqoji Universitetinin Tarix və hüquq fakultəsinin üçüncü kursunda təhsilini davam etdirmişdir. O, 1992-ci ildə həmin universiteti bitirdikdən sonra Azərbaycan Milli Ordusunda hərbi qulluqda (1992-1996-cı illər) olmuşdur.

1996-cı ildə ordudan tərxis olunduqdan sonra Bakı şəhəri 12 saylı Litseydə pedaqoji fəaliyyətə başlamışdır. 1998-ci ildən Azərbaycan Milli Elmlər Akademiyası Arxeologiya və Etnoqrafiya İnstitutunda elmi fəaliyyətə başlamışdır.

2006-cı ildə professor Məhəmməd Seyfəddininin rəhbərliyi altında "XIV-XV əsrlərdə Azərbaycanda pul dövriyyəsi və sikkə zərbi" mövzusunda namizədlik dissertasiyasını müdafiə etmişdir.

Azərbaycan, rus, ingilis dillərində 60-dan artıq elmi məqalənin, 5 monoqrafiyanın (Bakı sikkələri. Bakı: Elm, 2000; Azərbaycan numizmatikası, III cild. Bakı: Elm, 2002; XIV-XVI əsrlərdə Azərbaycanda pul dövriyyəsi və sikkə zərbi. Bakı: Elm, 2010, Muradxan dəfinəsi.Bakı 2012., Çərmədil nekropolu. Bakı 2013.) müəllifidir.

Hal-hazırda " Şirvan ərazisində sikkə zərbi və pul dövriyyəsi", "Gülüstan qalasında arxeoloji tədqiqatlar", " Sikkə kolleksiyaları", "Şəki dəfinəsi", "Qəbələ dəfinəsi", "İslam numizmatikası"adlı monoqrafiyaları çapa hazırlayır.

A.A.Quliyev Moskva, Mahaçqala, Dərbənd (Rusiya), Ankara, İstanbul, Ərzurum (Türkiyə), Astana, Almata, Türküstan, Çimkənt (Qazaxıstan), Daşkənd, Səmərqənd (Özbəkistan), Tbilisi, Batumi (Gürcüstan), Aşqabad (Türkmənistan) şəhərlərində keçirilən beynəlxalq elmi konfranslarda məruzələr etmişdir.

2008- ci ildən Bakı Dövlət Universitetinin Tarix fakultəsində Arxeologiya, Numizmatika və Epiqrafika sahələrindən mühazirələr aparır.

2009-cu ildə Şamaxı-Xınıslı arxeoloji ekspedisiyasının rəisi təyin edilmiş, Xınıslı (Şamaxı) və Nərgizava (Ağsu) abidələrində arxeoloji qazıntılar aparmışdır.

2009-cu ildən AMEA Arxeologiya və Etnoqrafiya İnstitutunun Numizmatika şöbəsinin mudiridir.

2010-cu ilin mart-iyul aylarında Ağsu arxeolji ekspedisiyasının tərkibində Ağsu qalasında aparılan arxeoloji ekspedisiyada yaxından iştirak edib və burada aşkar edilmiş sikkələrin təsnifatını verib.

2010-cu ilin iyul- oktyabr aylarında Şamaxı-Ağsu arxeoloji ekspedisiyasının rəhbəri kimi Şamaxı şəhərində, Gülüstan qalasında və Ağsu rayonu Gəgəli kəndi ərazisində Nərgizava nekropolunda tədqiqatlar aparmışdır.

2011-2014-ci illərdə Şamaxı (Gülüstan qalası, Buqurt qalası, Qurdtəpə yaşayış yeri, Pirsaat kurqanları, Çuxuryurd kurqanları, Əngixaran yaşayış yeri), İsmayıllı (Hacıhətəmli nekropolu, Çərmədil nekropolu) və Ağsu (Nərgizava nekropolu, Dilman nekrpolu) rayonları ərazisində arxeoloji tədqiqatlara rəhbərlik etmişdir.

2016-cı ilin fevral-mart aylarında onun rəhbərliyi ilə Şamaxı rayonunun Dəmirçi kəndi yaxınlığında Gəgəli yaylağı adlanan Son Antik - İlk Orta əsrlər dövrünə aid nekropolda arxeoloji tədqiqat işləri aparılmışdır. Burada tədqiqatlar zamanı daş qutu qəbirlər aşkar edilmişdir. Nekropolun ərazisi 1ha. artıq bir ərazini əhatə edir.

Akif Quliyev "Azərbaycan Arxeoloqlar Cəmiyyəti" içtimai birliyinin təsisçilərindən biri və sədr müavinidir. O "Arxeoloq" (www.arxeoloq.az) internet jurnalının baş redaktorudur.

Ailəsi[redaktə | əsas redaktə]

Evlidir, bir qızı, bir oğlu var.

Əsərləri[redaktə | əsas redaktə]

  1. Bakı sikkələri. Bakı: Elm, 2000;
  2. Azərbaycan numizmatikası, III cild. Bakı: Elm, 2002;
  3. XIV-XVI əsrlərdə Azərbaycanda pul dövriyyəsi və sikkə zərbi. Bakı: Elm, 2010
  4. Muradxan dəfinəsi.Bakı 2012. http://www.ebooks.az/book_8UEg4csQ.html
  5. Çərmədil nekropolu. Bakı 2013.
  6. Azərbaycan tarixi. (Numizmatik materiallar əsasında )Bakı. 2017

Mənbə[redaktə | əsas redaktə]

Xarici keçidlərhttp://arxeoloq.az/ot-redaktora.html[redaktə | əsas redaktə]

Həmçinin http://www.science.gov.az/forms/doktora-filosofii-instituta-arheologii-i-etnografii/2129bax[redaktə | əsas redaktə]

http://shamakhi-encyclopedia.az/quliyev-akif-arif-oglu/