Albov quşarmudu

Vikipediya, azad ensiklopediya
Jump to navigation Jump to search
?Albov quşarmudu
Sorbus albovii
Sorbus albovii.jpg
Albov quşarmudu
Elmi təsnifat
Aləmi:Bitkilər
Şöbə:Örtülütoxumlular
Sinif:İkiləpəlilər
Yarımsinif:Rozidlər
Sıra:Gülçiçəklilər
Fəsilə:Gülçiçəyikimilər
Növ: Albov quşarmudu
Elmi adı
Sorbus albovii
Wikispecies-logo.svg
Vikinövlərdə
sistematika
Commons-logo.svg
Şəkil
axtarışı
IPNI  ???
TPL 


Təbii yayılması[redaktə | əsas redaktə]

Qafqazda, Naxçıvanda və Dağıstanda yayılmışdır. Növ ilk dəfə 1929-cu ildə Y.D.Zinzerlinq (Цинзерлинг, 1939) tərəfindən tоplanılmış herbari nümunələrinə əsasən təyin edilmişdir. Qafqaz coğrafi areal tipinə aiddir.

Botaniki təsviri[redaktə | əsas redaktə]

Ağac və ya koldur. Tumurcuqları çılpaq və ya az tükcüklüdür. Yarpaqları tərsyumurtavari və ya ellipsvaridir. Qaidədən az daralmış və ya dairəvidir. Yuxarısı sivri və ya kütdür, adətən sivri ucludur, 7- 10 sm uzunluqda, 4-7 sm enindədir. Yan damarlarının sayı 8-11 cütdür, üst tərəfi çılpaq (ilk vaxtlar damarlar boyunca az tükcüklü), alt tərəfi isə yaşıl və zəif tükcüklüdür. Kənarları dişciklidir, yuxarı tərəfi adətən aydın olmayan ikiqat dişciklidir, kəskin iti dişciklər yarpağın ayasına kimi çatır. Kasacığı keçətükcüklü olub, dişcikləri üçbucaq şəklində sivridir. Ləçəkləri yumurtavaridir. Meyvələri dəyirmi və ya ovalşəkilli olub, qırmızıdır, sonralar göyərir. May-iyun aylarında çiçək açır, avqust- sentyabrda isə meyvəsi yetişir.

Ekologiyası[redaktə | əsas redaktə]

Orta və yüksək dağlıq qurşaqlarda, dəniz səviyyəsindən 1800-2200 m hündürlüklərdə seyrək meşəliklərdə və kolluqlar arasında yayılmışdır.

Azərbaycanda yayılması[redaktə | əsas redaktə]

Naxçıvan MR, Ordubad rayonunun Nürgüt kəndi ətrafındakı seyrək meşəlikdə, palıd, yemişan, armud növləri ilə birlikdə və ya tək-tək, Şahbuz rayonunun Biçənək kəndi ərazisində palıd meşəliyində rast gəlinir.

İstifadəsi[redaktə | əsas redaktə]

Yaşıllaşdırmada istifadə olunmur. Tərkibində efir yağı vardır.

Məlumat mənbəsi[redaktə | əsas redaktə]

  1. Tofiq Məmmədov (botanik) "Azərbaycan Dendroflorası IV cild[ölü keçid]": Bakı: "Elm"-2018. http://dendrologiya.az/page_id=112[ölü keçid]
  2. Azərbaycanın ağac və kolları. Bakı: Azərb.SSR EA-nın nəşriyyatı, 1964, 220 s.
  3. Əsgərov A.M. Azərbaycanın ali bitkiləri.Azərbaycanın florasının konspekti II cild. Bakı: Elm, 2006,283 s.
  4. Talıbov T.H.,İbrahimov Ə.Ş.Naxçıvan Muxtar Respublikası florasının taksonomik spektri. Naxçıvan:Əcəmi,2008,350s.
  5. Гроссгейм А.А. Флора Кавказа. Баку: Аз. ФАН, 1939, т.1.401с.
  6. Гроссгейм А.А. Флора Кавказа. Баку: Аз. ФАН, 1962 т.6.378с.
  7. Дерувья и кустарники СССР.М.Л.: АН СССР, 1960 Т.5.543с.
  8. "Abşeronun ağac və kolları".Bakı: "Elm və təhsil", 2010.