Alessio Romanyoli

Alessio Romanyoli
it. Alessio Romagnoli
Ümumi məlumatlar
Doğum tarixi	12 yanvar 1995(1995-01-12) (27 yaş)
Doğum yeri	Antsio, Roma əyaləti[d], Latsio, İtaliya
Vətəndaşlığı	İtaliya
Boyu	190 sm
Çəkisi	78 kq
Mövqeyi	cinah müdafiəçisi[d], mərkəz müdafiəçisi[d]
Vikianbarda əlaqəli mediafayllar

Alessio Romanyoli (Italian pronunciation: [aˈlɛssjo romaɲˈɲɔːli] ; 12 yanvar 1995, Antsio, Latsio) — İtaliyanın Milan klubunda mərkəz müdafiəçisi və kapitan kimi çıxış edən peşəkar futbolçu. O, həmçinin İtaliya millisini üzvudur.

O, Latsio (bu gün də azarkeşi olduğu klub) ilə böyüsə də, karyerasına 2012-ci ildə " Roma" da başlayıb, daha sonra 2015-ci ildə Milana keçməmişdən əvvəl 2014-cü ildə " Sampdoria"da icarə əsasında bir mövsüm keçirib. 2018–19 Serie A mövsümünün əvvəlində Leonardo Bonucci Yuventusa qayıtdıqdan sonra Milan komandasının kapitanı seçilir.

Klub karyerası

Roma

Roma gənclər akademiyasının yetirməsi olan Romanyoli 17 yaşında yeni baş məşqçi Zdenek Zeman tərəfindən əsas komandanın heyətinə daxil edilib. O, böyük komandada debütünü 11 dekabr 2012-ci ildə " Atalanta"ya qarşı keçirərək, İtaliya Kubokunda start heyətində 90 dəqiqə oynayıb. O, 12 gün sonra AC Milan ilə liqa oyununun son dəqiqələrində əvəzedici kimi A Seriyasında debüt etdi. Serie A-da ilk qolunu 3 mart 2013-cü ildə Genoa ilə görüşdə vurdu.

Sampdoriyaya icarə

1 sentyabr 2014-cü ildə Romanyoli Sampdoriyaya 500.000 avroya, sonrada Sampdoriyanın 2 milyon avroya satın alma şərti, eləcə də 750.000 avroya sonra Romanın geri alma şərtləri ilə icarəyə verilir. Romanyoli Sampdoriyada debütünü sentyabrın 14-də Torinoya qarşı 2:0 hesablı qələbədə sonradan əvəzlənən oyunçu kimi edir. O, Sampdoriya üçün ilk qolunu 24 sentyabr 2014-cü ildə Kyevoya qarşı oyunda vurur. 2015-ci ilin iyununda "Roma" geri almaq şərtini aktivləşdirdi və o, kluba qayıdır.

AC Milan

11 avqust 2015-ci ildə o, 5 illik müqavilə imzalayaraq 25 milyon avroya " Milan"a transfer olur. Bundan əlavə müqavilədə "Roma"ya 25 milyon avro dəyərində 30% hüquq verən satma maddəsi var. O, avqustun 18-də İtaliya Kubokunda Peruca üzərində 2–0 hesablı qələbə qazandıqları oyunda Milanın heyətində rəsmi debüt edir. Ayın 24-u isə, Milanın Fiorentinaya 2–0 məğlub olduğu oyunda liqada debüt edir.

1 mart 2016-cı ildə o, İtaliya kubokunda Alessandriyaya qarşı 5–0 hesabı ilə qalib gəldikləri oyunda Milan karyerasında ilk qolunu vurur. Bu qarşılaşma Milanı 2003-cü ildən sonra ilk dəfə finala çıxardı. O, Milan ilə ilk mövsümünü bütün yarışlarda 40 oyunda meydana çıxır və bir qol vurur.