Allahverdi Həsənov

Vikipediya, azad ensiklopediya
Jump to navigation Jump to search
Allahverdi Həsənov
Allahverdi Biyakir oğlu Həsənov
Allahverdi Həsənov.jpg
Doğum tarixi 1957(1957)
Doğum yeri Kiş, Şəki rayonu
Vətəndaşlığı Azərbaycan Azərbaycan
Elm sahəsi Riyaziyyat
Elmi dərəcəsi Texnika elmləri doktoru
Elmi adı Laboratoriya rəhbəri
İş yeri AMEA-nın İdarəetmə Sistemləri İnstitutu
Təhsili Bakı Dövlət Universiteti
isi.az/az/content/83

Allahverdi Biyakir oğlu Həsənov — Azərbaycan Milli Elmlər Akademiyasının İdarəetmə Sistemləri İnstitutunda şöbə müdiri, texnika elmləri doktoru, professor.

Həyatı[redaktə | əsas redaktə]

Allahverdi Həsənov 1957-ci Azərbaycan Respublikasının Şəki rayonunun Kiş kəndində anadan olmuşdur. Orta təhsilini anadan olduğu kənddə almış, 1973-cü ildə Bakı Dövlət Universitetinin mexanika-riyaziyyat fakultəsinə qəbul olunmuş, 1978-ci ildə ali təhsilini başa vurmuşdur. Həmin ildən təyinat üzrə AMEA Riyaziyyat və Mexanika İnstitutunda müxtəlif vəzifələrdə işləmişdir. 1992-ci ildən AMEA İdarəetmə Sistemləri İnstitutunda sektor və laboratoriya rəhbəri vəzifələrində çalışmışdır. Hal-hazırda institutun şöbə müdiridir.

Elmi fəaliyyəti[redaktə | əsas redaktə]

1984-cü ildə “Özlü-elastik mühitlərdə qeyri-stasionar termomexaniki dalğaların yayılmasının bəzi məsələlərinin tədqiqi” mövzusunda dissertasiya müdafiə edərək fizika-riyaziyyat elmləri namizədi alimlik dərəcəsi almışdır. 2005-ci ildə “Mexaniki sistemlərin qeyri-stasionar xarici təsirlərə reaksiyasının riyazi modelləşdirilməsi” mövzusunda dissertasiya müdafiə edərək texnika elmləri doktoru alimlik dərəcəsi almışdır. 2013-cü ildə ixtisas üzrə professor elmi rütbəsi almışdır. A.B.Həsənov 140 elmi məqalənin və 2 monoqrafiyanın müəllifidir. Məqalələrdən 28 - i müxtəlif nüfuzlu xarici jurnallarda və Beynəlxalq elmi konfransların materiallarında çap olunmuşdur. Professorun rəhbərliyi altında çalişan tədqiqatçılardan 4 nəfəri dissertasiya müdafiə edərək texnika üzrə fəlsəfə doktoru alimlik dərəcəsi almışlar. A.B.Həsənovun rəhbərliyi ilə mürəkkəb reologiyalı mexaniki və ekoloji sistemlərin riyazi modellərinin yaradılması, texniki obyektlərin keyfiyyət və istismar xarakteristikalarının nəzəri təminatı, operativ monitorinqi və uzunmüddətli proqnozlaşdırılması məsələləri üzərində elmi araşdırılmalar aparılır. Mürəkkəb reologiyalı mühitlərlə təsvir olunan mexaniki və ekoloji sistemlərin qeyri-stasionar xarici təsirlərə reaksiyasının riyazi modelləri yaradılmış, texniki obyektlərin keyfiyyət və istismar xarakteristikalarının operativ monitorinqi və uzunmüddətli proqnozlaşdırılması sahələrində mühüm nəticələr alınmışdır.

Əsas elmi nailiyyətləri[redaktə | əsas redaktə]

Mürəkkəb reologiyalı mühitlərdə qeyri-stasionar özlü-elastik termomexaniki dalğaların yayılması proseslərinin ən ümumi riyazi modeli işlənmiş, bu mühitlərdə yerləşmiş mexaniki və ekoloji sistemlərin xarici təsirlərə reaksiyasının riyazi modelləri yaradılmış, texniki obyektlərin keyfiyyət və istismar xarakteristikalarının operativ monitorinqi və uzunmüddətli proqnozlaşdırılması sahələrində mühüm nəticələr alınmışdır.

Əsas elmi əsərləri[redaktə | əsas redaktə]

  1. Гасанов А.Б., Ильясов М.Х., Кийко И.А. Распространение нестационарных волн в вязкоупругом полупространстве с учетом внутренного тепло-образования и зависимости свойств материала от температуры. Известия АН СССР, Механика твердого тела, № 1, 1987 г.,стр.124-130.
  2. Гасанов А.Б. Математическое исследование процесса сварки трением вязкоупругих стержней. Изв. АН Азерб. Респ., сер. физ.-техн. и матем. наук, том.XIV,№1-2, 1993 г.,стр.88-91.
  3. Hasanov A.B., Tahirov T.S. Research of seismic dynamics of the granular arty solid. Proceeding of IFMCGM International Conference on Measurer and Control of Granular Materials, Shanghai, China, 2003.,р.55-58.
  4. Гасанов А.Б. Реакция механических систем на нестационарные внешние-воздействия.(Монография) Изд. ЭЛМ. Баку. 2004 г., 247 стр.
  5. Həsənov A.B., Əlizadə Z.M., Allahverdiyeva S.S. Çaylarda sel və daşqın hadisələrinin riyazi modelləşdirilməsi və proqnozlaşdırılması. (Monoqrafiya). Bakı. 2012, 144s.

İstinadlar[redaktə | əsas redaktə]

  • [1] Həsənov Allahverdi Biyakir oğlu