Alxanlı (Siyəzən)

Vikipediya, açıq ensiklopediya
Jump to navigation Jump to search
Alxanlı
A-Siyazan.PNG

Ölkə Azərbaycan Azərbaycan
Rayon Siyəzən

Alxanlı (həmçinin: Əlixanlı) – Siyəzən rayonunda yerləşən qədim kənd. Yaranma tarixi XVIII əsrin sonu-XIX əsrin əvvəllərinə təsadüf edir. Kənd haqqında qısaca olaraq Abbasqulu ağa BakıxanovunGülüstani-İrəm” əsərində məlumat verilib.[1]

Etimologiya[redaktə | əsas redaktə]

“Alxanlı” adının mənası haqqında müxtəlif fikirlər var. Yerli sakinlərin fikrinə görə kəndin adı Quba xanı olmuş Şeyxəli xanın adı ilə bağlıdır. Belə ki XVIII əsrin sonu-XIX əsrin əvvəllərində Rusiyanın işğalçılıq siyasətinə qarşı mübarizə aparan Şeyxəli xanın təbəələrinin bir hissəsi dağlara çəkilərək mübarizəni davam etdirmişdir. Onların məskunlaşdığı ərazi Şeyxəli xanın (Əli xan) adına uyğun olaraq “Əlixanlı” adlandırılmağa başlamışdır. Sonralar bu ad “Alxanlı” şəklinə düşmüşdür. Digər fikrə görə yaşayış məskəninin adı “əli xınalı” söz birləşməsindən əmələ gəlib. Lakin bu fikrin izahı yoxdur.[2]

Ümumi məlumat[redaktə | əsas redaktə]

XX əsrin 50-ci illərinə qədər Alxanlı kəndi böyük yaşayış məskəni kimi qalıb. Lakin həmin dövrdə SSRİ rəhbərliyi tərəfindən “xam torpaqlara hücum” elan edilməsi nəticəsində kəndin əhalisi 6–7 km şərqdə, Xəzər dənizinə doğru düzən ərazidə salınmış Yenikənd kəndinə köçürülmüşdür. Hazırda kənddə əsasən maldarlıqla məşğul olan bir-neçə ailə yaşayır. Kəndin ərazisində qədim məscid, istifadə olunmayan kəhriz qalıqları,qədim qəbirstanlıq və evlərin xarabalıqları qalmaqdadır. Alxanlı kəndi Bakı-Quba avtomobil yolunun üzərində, Gilgilçayın sol sahilindəki dağ yamacında yerləşir.

Həmçinin bax[redaktə | əsas redaktə]

İstinadlar[redaktə | əsas redaktə]

  1. Azərbaycan Respublikasının inzibati - ərazi bölgüsü. Məlumat toplusu. Bakı - 2013. 488 səh.
  2. Azərbaycan toponimlərinin ensiklopedik lüğəti. İki cilddə. I cild. Bakı, "Şərq-Qərb", 2007.