Anar Məmmədov (siyasətçi)

Anar Məmmədov
Azərbaycan Respublikası Milli Məclisinin deputatı
Vəzifədədir
10 mart 2020-ci ildən
Seçki dairəsi	VI çağırış — 96 saylı Goranboy–Naftalan VII çağırış — 97 saylı Tərtər–Ağdərə–Goranboy
Şəxsi məlumatlar
Doğum tarixi	21 iyun 1984(1984-06-21) (40 yaş)
Doğum yeri	Bakı, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Memarlıq və İnşaat Universiteti, Azərbaycan Texniki Universiteti, Bakı Dövlət Universiteti, Taras Şevçenko adına Kiyev Milli Universiteti
Fəaliyyəti	siyasətçi
Təltifləri

Anar İlyaz oğlu Məmmədov (21 iyun 1984, Bakı) — Azərbaycan ictimai-siyasi xadimi, Azərbaycan Respublikası Milli Məclisinin VI və VII çağırış deputatı (2020-ci ildən).

Həyatı

Anar Məmmədov 1984-cü il 21 iyun tarixində Bakı şəhərində anadan olub.1991–2001-ci illər orta məktəbdə təhsil alıb. 2001-ci ildə 618 balla Azərbaycan Texniki Universitetinin Nəqliyyat fakültəsinə daxil olub. 2001-ci ildə Heydər Əliyev tərəfindən mükafat alıb. 2001-ci ildən Yeni Azərbaycan Partiyasının üzvüdür. 2002–2005-ci illər AzTU-nun Nəqliyyat fakültəsində YAP-ın sədri olub. 2002–2005-ci illərdə AzTU Nəqliyyat fakültəsi üzrə Gənclər Təşkilatının sədri olub. 2005-ci ildə Azərbaycan Texniki Universitetini fərqlənmə diplomu ilə bitirib. 2005–2006-cı illərdə MTN-də həqiqi hərbi xidmətdə olub, çavuş rütbəsi alıb. 2006–2010-cu illərdə BDU-nun Hüquq fakültəsində təhsil alıb. 2014-cü ildə Taras Şevçenko adına KMU-nun Aspiranturasına daxil olub. 2016–2019-cu illərdə Azərbaycan Memarlıq və İnşaat Universitetində İnşaat fakültəsində İnşaat mühəndisliyi ixtisası üzrə təhsil alıb. Azərbaycan, rus və ingilis dillərini bilir. Ailəlidir, üç övladı var.

Fəaliyyəti

2006-cı ildə Azərbaycan Respublikası Nəqliyyat Nazirliyi, "Bakı Sərnişin Nəqliyyatı" Departamentində Nəzarət şöbəsində müfəttiş; 2007-ci ildə bölmə rəisi; 2008-ci ildə Avtobuslar xidmətlər şöbəsinin rəisi vəzifəsində çalışmışdır. 2012–2020-ci illərdə Azərbaycan Avtomobil Yolları Dövlət Agentliyində Avtonəqliyyat şöbəsinin rəisi vəzifəsində çalışmışdır.

Siyasi fəaliyyəti

2020-ci il 9 fevral tarixində keçirilən Azərbaycan Respublikası Milli Məclisinin VI çağırış deputat seçkilərində Anar Məmmədov 2020–2025-ci illər üçün Yeni Azərbaycan Partiyasının namizədi olaraq 96 saylı Goranboy-Naftalan Seçki Dairəsindən deputat seçilib.

Üzv olduğu komitə və komissiyalar

• İqtisadi siyasət, sənaye və sahibkarlıq komitəsi
• Təbii ehtiyatlar, energetika və ekologiya komitəsi

Üzv olduğu beynəlxalq təşkilatlar

• Azərbaycan-Slovakiya parlamentlərarası əlaqələr üzrə işçi qrupu — Rəhbər
• Türkdilli Dövlətlərin Parlament Assambleyası
• Müstəqil Dövlətlər Birliyi Parlamentlərarası Assambleyası
• Asiya Parlament Assambleyası

Üzv olduğu parlamentlərarası əlaqələr üzrə işçi qrupları

• 2024-cü il oktyabrın 8-də Azərbaycan - Slovakiya parlamentlərarası əlaqələr üzrə işçi qrupunun rəhbəri seçilib.
• Azərbaycan-Birləşmiş Ərəb Əmirlikləri parlamentlərarası əlaqələr üzrə işçi qrupu — üzv
• Azərbaycan-Gürcüstan parlamentlərarası əlaqələr üzrə işçi qrupu — üzv
• Azərbaycan-Qazaxıstan parlamentlərarası əlaqələr üzrə işçi qrupu — üzv
• Azərbaycan-Pakistan parlamentlərarası əlaqələr üzrə işçi qrupu — üzv
• Azərbaycan-Rusiya parlamentlərarası əlaqələr üzrə işçi qrupu — üzv
• Azərbaycan-Səudiyyə Ərəbistanı parlamentlərarası əlaqələr üzrə işçi qrupu — üzv
• Azərbaycan-Türkiyə parlamentlərarası əlaqələr üzrə işçi qrupu — üzv
• Azərbaycan-Ukrayna parlamentlərarası əlaqələr üzrə işçi qrupu — üzv
• Azərbaycan-Nigeriya parlamentlərarası əlaqələr üzrə işçi qrupu — üzv

Təltif və mükafatları

• 2001-ci ildə Heydər Əliyev tərəfindən mükafat alıb.
• 2022-ci ildə cənab Prezident İlham Əliyevin Sərəncamı ilə "Tərəqqi" medalı ilə təltif olunub.
• 2023-cü ildə cənab Prezident İlham Əliyevin Sərəncamı ilə "Heydər Əliyevin 100 illiyi (1923–2023)" yubiley medalı ilə təltif olunub.
• 2023-cü ildə Müstəqil Dövlətlər Birliyinin Parlament Assambleyasının qərarı ilə "Parlament əməkdaşlığının möhkəmləndirilməsi" medalı ilə təltif olunub.