Andrea Mantea

Andrea Mantea
Sənətçi məlumatları
Doğum adı	Andrea Kərimli
Doğum tarixi	20 sentyabr 1986 (1986-09-20)
Doğum yeri	Buxarest, Rumıniya Sosialist Respublikası
Vətəndaşlığı	Rumıniya
Mənşə	Buxarest, Rumıniya
Peşələri	aktrisa, müğənni, model
Üslub	pop
Fəaliyyət illəri	2006 - hal-hazıra qədər

Andrea Mantea - tanınmış fotomodel, musiqiçi

Həyatı

Əsl soyadı Kərimli olan Andrea Mantea 1986-cı il sentyabrın 20-də Rumıniyanın paytaxtı Buxarest şəhərində Azərbaycandan bu ölkəyə köç etmiş milliyyətcə azərbaycanlı olan ailədə doğulmuşdur.

Andrea modellik həyatına hələ yeniyetmə olarkan başlamışdır. Yerli gözəllik müsabiqələrinin qalibi olmuş Andrea Kərimli "Maxim", "Playboy" kimi jurnalların üz qabığına çəkilib. O, "Miss Playboy" yarışmasında ikinci yeri tutub. Andera Kərimlinin boyu 1,7 metr, çəkisi 51 kiloqramdır. Bədən ölçüləri 91-61-90-dır.

O, 18 yaşına çatmamış İspaniyaya gedir. İspaniya paytaxtında müxtəlif striptiz klublarda ofisiant və rəqqasə olaraq çalışıb. Elə o klublardan birində məşhur ispaniyalı iş adamı Fransisko Roiqlə tanış olub və onunla bir müddət görüşür. Andrea Kərimli Fransisko Roiq vasitəsilə ispaniyalı modelyer Pako Rabbanı tanıyıb. O, Rabanla işlədiyi müddətdə bir sıra İspaniya jurnallarına çəkilib.

Andrea Mantea 20 yaşında məşhur geofizik Mioar Mantea ilə tanış olub və ona ərə gedib. Bir müddət sonra ispan kinorejissor Pedro Almedovar onu kinoya çəkilməyə dəvət edir. Andrea onun filmlərindən birində italiyalı fahişə roluna çəkilməyə razılıq verir. Sonradan sərfəli təklif alan Andrea Kərimli Rumıniyaya qayıdır.

O, 2008-ci ildə Playboy-un ən cazibədar qızı seçilmişdir. Andrea 2009-cu ilin iyulunda özünün ilk musiqili albomunu buraxmışdır.

Mənbələr

• Milli.az Xəbər Portalı : Azərbaycanlı model "Playboy"da
• Playboy Blog : Andreea Mantea Playboy Playmate Romania May 2008
• Sfw.org.ua : Andreea Mantea
• Fox.az Əyləncə portalı : Azərbaycanlı qız "Playboy"a çəkildi...

Xarici keçidlər

• Andrea Mantea — Facebook səhifəsi