Anna Doqonadze

Anna Doqonadze
gürc. ანა დოღონაძე
Şəxsi məlumatlar
Tam adı	Anna Doqonadze
Vətəndaşlığı	Almaniya
Doğum tarixi	15 fevral 1973
Doğum yeri	Msxeta, Gürcüstan
İdman növü	Batut gimnastikası
Boyu	158 sm.
Çəkisi	52 kq.
Medallar Yarışlar 1ci 2ci 3cü Olimpiya Oyunları 1 x 0 x 0 x Dünya Çempionatı 3 x 4 x 6 x Olimpiya Oyunları Qızıl 2004 Afina Fərdi Dünya Çempionatı Bürünc 1998 Sidney Fərdi Qızıl 1998 Sidney Sinxron Bürünc 1999 Sun-Siti Fərdi Gümüş 1999 Sun-Siti Sinxron Qızıl 2001 Odense Fərdi Gümüş 2001 Odense Sinxron Gümüş 2001 Odense Komanda Bürünc 2003 Hannover Fərdi Bürünc 2003 Hannover Sinxron Bürünc 2005 Eyndhoven Fərdi Bürünc 2005 Eyndhoven Sinxron Gümüş 2010 Metz Sinxron Qızıl 2011 Birmingen Sinxron

Anna Doqonadze və ya tam adı ilə Anna Doqonadze-Lilkendey (15 fevral 1973, Mtsxeta) — Almaniyanı təmsil edən Gürcüstan əsilli batut gimnastı. Anna Doqonadze, 2000, 2004, 2008 və 2012-ci illərdə Almaniyanı Olimpiya Oyunlarında təmsil edib. 2004 Afina Olimpiadasında qızıl medal qazanan Anna Doqonadze, həmdə Dünya Çempionatlarında 3 qızıl, 4 gümüş və 6 bürünc medala sahib olub.

Karyerası

2000 Sidney Olimpiadası

Anna Doqonadze, 2000-ci ildə Almaniya bayrağı altında Avstraliyanın Sidney şəhərində baş tutan XXVII Yay Olimpiya Oyunlarına qatıldı. Yarışların finalında Anna Doqonadze, 5 xal topladı və 8 idmançı sırasında sonuncu, 8-ci yeri tutdu.

2004 Afina Olimpiadası

Anna Doqonadze növbəti dəfə Olimpiya Oyunlarına, 2004-cü ildə Yunanıstanın Afina şəhərində baş tutan XXVIII Yay Olimpiya Oyunlarında qatıldı. Bu səfər, yarışların finalında Anna Doqonadze, 39.60 xal topladı və 8 idmançı sırasında 1-ci yeri tutaraq Olimpiya çempionu oldu.

2008 Pekin Olimpiadası

Anna Doqonadze üçüncü dəfə Olimpiya Oyunlarına, 2008-ci ildə Çinin Pekin şəhərində baş tutan XXIX Yay Olimpiya Oyunlarında qatıldı. Bu səfər, yarışların finalında Anna Doqonadze, 18.90 xal topladı və 8 idmançı sırasında sonuncu, 8-ci yeri tutdu.

2012 London Olimpiadası

Anna Doqonadze sonuncu, dördüncü dəfə Olimpiya Oyunlarına, 2012-ci ildə Birləşmiş Krallığın London şəhərində baş tutan XXX Yay Olimpiya Oyunlarında qatıldı. Bu səfər, yarışların təsnifat mərhələsində Anna Doqonadze, 100.370 xal topladı və 16 idmançı sırasında 10-cu yeri tutaraq mübarizəni dayandırdı.