Annotasiya

Vikipediya, açıq ensiklopediya
Keçid et: naviqasiya, axtar

Annotasiya- Latınca "annotomik" sözündən olub qeyd aparmaq,əlavə etmək deməkdir.Ədəbi dildə annotasiyanın mənası kitab, jurnal və məqalənin məzmununu qısa şəkildə şərh etmək deməkdir.Annotasiyanın vasitəsi ilə şagird hər hansı bir kitabın məzmunu ilə daha yaxın tanış ola bilir.

Annotasiyada aşağıdakılar öz əksini tapmalıdır:

1.Kitabın adı, nəşriyyatın adı, harada nəşr edilməsi, həcmi;

2.Kitabın müəllifinin adı və soyadı;

3.Kitabda nələrdən bəhs olunması, ideya məzmunu;

4.Kitabın nə məqsədlə, kimin üçün yazılması.

Annotasiyanı,əsasən,əsərin müəllifi yazır və məqsədini bir neçə cümlə ilə şərh edir.Məs.:Azərbaycan dilində vurğu lüğətinə dair annotasiya belə verilir:

Annotasiya

Bəybala Abbaslı, Solmaz Süleymanova, Sürmə Əliyeva.

Bakı, "Nasir" nəşriyyatı, 2006, 156 səh.

Metodik vəsait ümumtəhsil məktəblərində çalışan müəllim və şagirdlər üçün nəzərdə tutulmuşdur.

Pedaqoji prosesdə şagirdlərin nitqinin və düzgün tələffüzünün formalaşmasında bu vəsaitdən istifadə etməyi faydalı hesab edirik.

Mənbə[redaktə | əsas redaktə]

  • "Azərbaycan dili qayda kitabı-Hədəf", Bakı, Maarif, 2012, səhifə 281.