Anqob

Vikipediya, açıq ensiklopediya
Jump to navigation Jump to search
Anforagrega-atenas.jpg

Anqob (fr. enqobe) – dekorativ keramika örtüyü. Saxsı məmulatların rəngini, yaxud səthinin kələ-kötürlüyünü örtmək və bədii tərtibatını zənginləşdirmək üçün istifadə edilir. və rəngli növləri var. Anqobla qabın həm daxili, həm də xarici səthini örtmək olur. Antik dövrdə dekorativ sənətdə geniş yayılmışdı. Anqob fasadların üzlənməsi üçün məmulatlar və rəngli kərpic istehsalında tətbiq olunur. Adətən səthə çilənir, sonra isə məmulat kürədə bişirilir (yandırılır). Anqobun üzərinə şəffaf mina qatı, müxtəlif naxışlar və s. çəkilə bilər. Azərbaycanda anqobdan Tunc dövründən istifadə edilmişdir. Sonralar Qafqaz Albaniyasıorta əsr keramika sənətində anqob geniş tətbiq olunmuşdur. Kültəpə (Naxçıvan MR), Culfa, Xanlar rayonları ərazisindən və Yaloylu təpədən (Qəbələ), eləcə də Mingəçevirdən (e.ə. 2–1-ci əsrlərə aid) və Beyləqandan (12–13-cü əsrlərə aid) tapılmış duluşçuluq məmulatları arasında üzərinə anqob çəkilmiş qablarda var (Milli Azərbaycan Tarixi Muzeyində saxlanılır). [1]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Anqob // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2009. — I cild. — Səhifələrin sayı: 608. — Səh.: 510.  — 10 000 nüs. — ISBN 978-9952-441-02-4.