Aqşin Yenisey
| Aqşin Yenisey | |
|---|---|
| Doğum tarixi | 29 aprel 1978 (46 yaş) |
| Doğum yeri | |
| Həyat yoldaşı |
|
| Təhsili | |
| Fəaliyyəti | yazıçı, şair, publisist |
Aqşin Yenisey (29 aprel 1978, Cəlilabad) — Azərbaycanlı yazıçı, şair, publisist.[mənbə göstərin]
Həyatı
[redaktə | mənbəni redaktə et]Aqşin Yenisey 1978-ci ildə Cəlilabad rayonunda anadan olub. Bakı Dövlət Universitetinin coğrafiya fakültəsini bitirib. Yeni dövr Azərbaycan ədəbiyyatının nümayəndələrindən biridir. Azad Yazarlar Ocağının üzvü olub.
Aqşin Yenisey bir müddət siyasətçi Bədrəddin Quliyevin rəhbərlik etdiyi Cümhuriyyət Xalq Partiyasının üzvü olmuşdur.[1]
Ailəsi
[redaktə | mənbəni redaktə et]Şair Aqşin Yenisey yazıçı Aysel Əlizadə ilə ailəli olub, bir qızı var.[2]
Şairin ikinci həyat yoldaşı Turana Rəsulovadır. 2014-cü ilin əvvəlindən Turana Rəsulova Almaniyaya köçüb orada yaşayır və aprel ayında oğlu Almaniyada doğulub. Bununla da Aqşin Yenisey ikinci dəfə oğul atası olub.[3]
Yaradıcılığı
[redaktə | mənbəni redaktə et]Aqşin Yeniseyin ilk kitabı 2000-ci ildə dərc olunub – "Unutmaq sözünün şəkli". 2005-ci ildə ikinci şeirlər kitabını – "Sizin eradan əvvəl"i çap etdirən Aqşinin qələmə aldıqları türk, gürcü, fransız dillərinə tərcümə edilib.
Beş kitabın — "Unutmaq sözünün şəkli" (2000), "Sizin eradan əvvəl" (2005), "Cənnətdə terror aksiyası" (2009), "Yüz qırx yeddi dənə sən" (2012), "Məbədin sükutu" (2013) və yüzdən artıq məqalənin müəllifidir.
"Cənnətdə terror aksiyası" (2009) adlı kitabda "Göləqarğısancan" adlı roman, "Cənnətdə terror aksiyası" adlı hekayə və "Xəstə şərqin Rafiq Tağıya dedikləri" adlı şeri toplanıb. Əsərin əsas mövzusu Azərbaycanın üzləşdiyi və çıxmağa heç bir yol qalmayan mənəvi böhrandır.
"Yüz qırx yeddi dənə sən" (2012) A. Yeniseyin sayca dördüncü kitabıdır. Son illərdə yazdığı və əvvəlki kitablarında çap olunmamış şeirləridir. İlk dəfədir ki, oxuculara təqdim olunur.
"Məbədin sükutu" (2013) adlı bu kitabda yazarın heç bir kitabında çap olunmamış hekayələri, satirik, publisistik yazıları və müasir ədəbiyyatımızın istedadlı simalarına həsr olunmuş məqalələri toplanmışdır.
Kitabları
[redaktə | mənbəni redaktə et]- Unutmaq sözünün şəkli. Bakı: 2002.
- Sizin eradan əvvəl. Bakı: "Qanun" nəşriyyatı, 2005
- Cənnətdə terror aksiyası. Bakı: "Qanun" nəşriyyatı, 2009[4].
- Yüz qırx yeddi dənə sən. Bakı: "Qanun" nəşriyyatı, 2013.
- Məbədin sükutu. Bakı: "Qanun" nəşriyyatı, 2013.
- Tarix və Tale. Bakı: "Teas Press" nəşriyyatı, 2019.
İstinadlar
[redaktə | mənbəni redaktə et]- ↑ "İsa Qəmbəri başa düşmürəm…". 2023-04-10 tarixində arxivləşdirilib. İstifadə tarixi: 2023-04-10.
- ↑ Musavat.com. "Aysel Əlizadə Aqşin Yeniseyin səhhətindən danışdı" (az.). musavat.com. 24 may 2014 12:48. İstifadə tarixi: 2014-05-26.
- ↑ Axar.az. "Aqşin Yeniseyin oğlu oldu" (az.). publika.az. 29 aprel 2014 - 17:00. 2015-03-25 tarixində arxivləşdirilib. İstifadə tarixi: 2014-05-26.
- ↑ Media Forum. "Aqşin Yeniseyin "Cənnətdə terror aksiyası" adlı nəsr kitabı çıxdı" (az.). kult.az. 26 noyabr 2009. İstifadə tarixi: 2014-05-26.[ölü keçid]
Xarici keçidlər
[redaktə | mənbəni redaktə et]- Aqşin Yenisey ədəbi düşüncələr — YouTube saytı
- "Aqşin Yeniseyin son şeirləri" (az.). kulis.az. 2014-09-25 tarixində orijinalından arxivləşdirilib. İstifadə tarixi: 2014-05-26.