Arı qaş səhləbi

Vikipediya, açıq ensiklopediya
Jump to navigation Jump to search

Arı qaş səhləbi - (lat. Ophrys apifera Huds.) SəhləbkimilərOrchidaceae Juss. fəsiləsinə aid bitki növü.

Ophrys apifera aurita 040604.jpg

IUCN  Qırmızı Siyahısına görə növün kateqoriyası və statusu “Nəsli kəsilməyə həssas olanlar” kateqoriyasına aiddir – VU D2. Azərbaycanın nadir, endemik növüdür.[1]

Qısa morfoloji təsviri[redaktə | əsas redaktə]

Çoxillik ot bitkisidir. Gövdəsi 20-30 sm hündürlükdədir. Soğanaqları şarvari və ya xırda ellipsvaridir. Yarpaqları iti, uzunsov, lansetvaridir. Çiçək yanlığı lansetvari, yumurtalıqdan uzundur. Çiçək yanlığının kənar yarpaqları uzunsov, küt, parlaq və ya açıq- çəhrayı rəngli, 5 damarlıdır. Daxili yarpaqları yaşılımtıl-çəhrayı çalarlı, məxmərvari tüklü 3 damarlıdır. Dodaqcıq enli, oval, məxmərvari 3 dilimlidir [2]

Bioloji, ekoloji və fitosenoloji xüsusiyyətləri [redaktə | əsas redaktə]

Çiçəkləməsi aprel-may aylarına təsadüf edir. Aşağı dağ qurşağında meşə talalarında yayılmışdır. [2]

Yayılması[redaktə | əsas redaktə]

Böyük Qafqazın qərbi (Şəki rayonu Kiş kəndi), Lənkəranın dağlıq hissəsi. [2] [3] [4]

Sayı və tendensiyası[redaktə | əsas redaktə]

Yeganə lokaliteti müşahidə olunur,  azalma tendensiyası davam edir.[5]

Məhdudlaşdırıcı amillər[redaktə | əsas redaktə]

Antropogen amillər (dekorativ əhəmiyyətinə görə əhali tərəfindən intensiv toplanılması, otarma və tapdalanma). xüsusi yaşayış mühitinə təkləbkar olması.

Mühafizə tədbirləri[redaktə | əsas redaktə]

Yayıldığı ərazilərın nəzarətə götürulməsi və mütəmadi monitorinqlərin aparılması təklif olunur.

İstinadlar[redaktə | əsas redaktə]

  1. http://redbook.az/?options=project&id=Ar%C4%B1%20qa%C5%9F%20s%C9%99hl%C9%99bi
  2. 2,0 2,1 2,2 Флора Азербайджана,1952;  
  3. Əsgərov A.M., 2005
  4. Məmmədov Q., Yusifov E., Xəlilov M., Kərimov V., 2012
  5. Tərtibçinin məlumatı