Arin gölü
| Arin gölü | |
|---|---|
| Yerləşməsi | |
| 38°48′43″ şm. e. 42°59′21″ ş. u.HGYO | |
| Ölkə | |
  Arin gölü |
|
Arin gölü — Bitlis ilinin Adilcevaz ilçəsinin sərhədləri daxilində, Van gölünün şimal sahilində, Süfan (Sübhan) dağının ətəyində yerləşən göl.[1] Göl Van gölünün 5 metr daha yüksək olduğu dövrdən qalmadır (qalıq göldür). Van gölündən dalğa və axıntıların əmələ gətirdiyi 1000 metr genişlik və 4 metr yüksəklikdə sahil koridoru ilə ayrılır. Qlobal istiləşmə və nizamsız suvarma səbəbindən Arin gölü qurumaq üzrə olan göllər kateqoriyasına daxil edilib.[2][3] Ekspertlər göldə su səviyyəsinin 2005-ci ildən başlayaraq azaldığını qeyd edirlər.[4]
1657 hektar sahəsi olan göl dəniz səviyyəsindən 1650 metr yüksəklikdədir. Dünya miqyasında təhlükə altında olan dikquyruqların çoxalma sahəsi olan göl köçəri quşların önəmli köç yolları üzərindədir. Boz ördək və macar ördəyi də bu sahədə nəsil artırır. Gölün ornitoloji turizm baxımından çox böyük əhəmiyyəti var.[5][6]
Quş müşahidəciliyi
[redaktə | vikimətni redaktə et]Gölün ətrafında quş müşahidə məntəqələrinin qurulması üçün əlverişli bir neçə təpələr var.[7]
Natrium resursları
[redaktə | vikimətni redaktə et]Sübhan dağında yerləşən natrium resursları dərələrlə gölə daşındığından dolayı göl suları sodalıdır. Göl sahillərində Əsənqaya, Qarşıyaxa, Göldüzü kəndləri yerləşir. Çaylarla bəslənən gölün çıxışı yoxdur, yəni qapalı hövzədir. Dayaz olan göl yayda yarıya qədər quruyur. Soda gölündə heç bir balıq yaşamır və bitki örtüyü yalnız çayların gölə töküldüyü yerlərdə kiçik qruplarda mövcuddur. Arin gölündən 1.000.000 ton natrium karbonat istehsal oluna biləcəyi təxmin edilir.[8]
İstinadlar
[redaktə | vikimətni redaktə et]- ↑ Arin (Sodalı) Lake. Arxiv surəti 7 iyul 2026 tarixindən Wayback Machine saytında İstifadə tarixi: 6 iyul 2026.
- ↑ Çok sayıda kuş türüne ev sahipliği yapmasıyla bilinen, Bitlis’in Adilcevaz ilçesinde bulunan Arin Gölü’nün üçte biri kurudu. Arxiv surəti 13 iyul 2026 tarixindən Wayback Machine saytında İstifadə tarixi: 6 iyul 2026.
- ↑ Burası eskiden göldü! 200’e yakın kuş türüne ev sahipliği yapıyordu. Arxiv surəti 10 iyul 2026 tarixindən Wayback Machine saytında İstifadə tarixi: 6 iyul 2026.
- ↑ Arin Gölü'nün üçte biri kurudu. Arxiv surəti 13 iyul 2026 tarixindən Wayback Machine saytında İstifadə tarixi: 6 iyul 2026.
- ↑ Arin Lake, Turkiye, known as the “Bird Paradise,” has partially frozen.[ölü keçid] İstifadə tarixi: 6 iyul 2026.
- ↑ Flamingos in Lake Arin attract shutterbugs, birdwatchers. Arxiv surəti 14 iyul 2026 tarixindən Wayback Machine saytında İstifadə tarixi: 6 iyul 2026.
- ↑ Lake Arin. Arxiv surəti 14 iyul 2026 tarixindən Wayback Machine saytında İstifadə tarixi: 6 iyul 2026.
- ↑ ""Bilgiler ve Yorumlar". Soda. madencilik rehberi". 22 dekabr 2014 tarixində arxivləşdirilib. İstifadə tarixi: 17 noyabr 2021.