Atom orbitalı

s-orbitaldakı bir atomda tək elektronun ehtimal olunduğu yer

Atom orbitalı — verilmiş atom üçün Şrödinger tənliyini həll etməklə alınan birelektronlu $\psi$ dalğa funksiyası; hər bir orbitalın xarakteristikası $n$ baş, $l$ orbital, $m$ maqnit kvant ədədi ilə müəyyən olunur.

Baş kvant ədədinin eyni qiymətinə malik atom orbitalları çoxluğu vahid elektron təbəqəsini təşkil edir. Orbitallar elektron ehtiva edib-etməməsindən asılı olmayaraq mövcuddur; atom nömrələri, yəni nüvənin yükü və müvafiq olaraq elektronların sayı artdıqca onlar elektronlarla dolur.