Avdet (qəzet)
| "Avdet" | |
|---|---|
| Baş redaktor | Şövkət Qaybullayev |
| Yaranma tarixi | 1990 |
| Dil | Krımtatarca |
| Tiraj | 999 |
| avdet.org/ru/ | |
Avdet (krımtat. Avdet, Авдет — "Qayıdış") — müasir sosial-siyasi-mədəni xarakter daşıyan iki dilli qəzet. Qəzet 15 iyun 1990-cı ildən fəaliyyət göstərir. Bu Krım tatarlarının deportasiyası anından etibarən krımtatar dilində buraxılan ilk müstəqil mətbu orqandır.
Qəzet Krımtatar milli hərəkatı təşkilatına məxsusdur. Adının müəllifi isə Mustafa Cəmilyevdir. İlk redaksiya Bağçasaray yerləşirdi:Əvvəllər Sərvər Kərimovun, daha sonralar isə İlmi Ömərovun evində buraxılırdı. Qəzetin ilk nömrələri Riqada çap olunurdu. Qəzetləri oraya A. Süleymanov aparırdı. Sonradan isə qəzeti Bağçasarayda dərc etməyə başladılar. Bir müddət sonra isə redaksiya Ağməscid şəhərinə köçürülür. Hazırda Məclis binasında qərarlaşır.
İlk əvvəllər qəzet ayda iki dəfə, sonradan hər iki həftədən bir, indi isə hər həftə buraxılır. Krımtatar dilinin kiril əlifbasından istifadə edilir. Rəsmi sayt isə latıncadır.
Krımın Rusiya tərəfindən işğalından sonra Ukrayna hökuməti krımtatarlarının mətbələrinə verdiyi lisenziya 2015-ci ilin 1 aprel tarixində bitmişdir. Bundan sonra isə ruslar qəzetin buraxılmasına lizenziya vermədilər. 999 tiraj buraxıldıqdan sonra qəzet köşklərdən çıxarılmışdır. Daha buraxılışı həyata keçirilmir. Qəzetin həm də Ağməscid, Şmitd küçəsi, 2 ünvanında yerləşən binasından məhrum olmuşdur. Onun yerləşdiyi ünvanda "Krım Fondu " qəzetinin redaksiyası yerləşir.
Qəzetin əsas məqsədi Krım tatarlarının mənəviyyatı, ideologiyasını qoruyub saxlamaq, eləcə də bu xalqla bağlı digər məsələləri qabartmaqdır. Nəşr həmçinin Krım tatarlarının dövlətçiliyinin bərpası problemlərini nəzərdən keçirirdi.
Təsisci — İlmi Ömərov. Redaktorlar: R. Cəlilev, M. Cəmilev, R. Lyamanov, S. Kərimova, M. Ömərov, Liliya Bucurova, E. Karoliyev, Q. Kurtaliyeva, E. İslyamov, L. Fazilov, A. Terlekçiyeva.[1]
İstinadlar[redaktə | mənbəni redaktə et]
- ↑ Рух опору в Україні: 1960–1990 : енциклопедичний довідник / передм. Осипа Зінкевича, Олеся Обертаса. — К. : Смолоскип, 2010. — 804 с., 56 іл. — ISBN 978-966-2164-14-5. (ukr.)
Ədəbiyyat[redaktə | mənbəni redaktə et]
- Рух опору в Україні: 1960–1990 : енциклопедичний довідник / передм. Осипа Зінкевича, Олеся Обертаса. — К. : Смолоскип, 2010. — 804 с., 56 іл. — ISBN 978-966-2164-14-5. (ukr.)
Mənbə[redaktə | mənbəni redaktə et]
- Rəsmi sayt
- Avdet (Vətənə qayıdış) (ukr.)