Avey — AzərbaycanAğstafa rayonunu təmsil edən keçmiş peşəkar futbol klubu. Komanda 1984-cü ildə Ağstafada yaranmışdır. İlk adı Kooperator Ağstafa olub. Müxtəlif vaxtlarda futbol üzrə Azərbaycan çempionatının elitasında iştirak etmişdir. 1988-ci ildə Avey Ağstafa komandası adı altında Azərbaycan çempionatında iştirak edib. 1990-cı ildə Azərbaycan çempionu adına layiq görülüb. 1991-cı ildə SSRİ çempionatının II dəstəsində (Azərbaycan zonası) çıxış edib. 1992-1993-cü illərdə Azərbaycan Milli Çempionatının güclülər dəstəsində çıxış edib. 1994-1996-cı illərdə Azərbaycan Milli çempionatının birinci dəstəsində çıxış edib. Daha sonra 1996-2010-cu illərdə Azərbaycan çempionatı altında (Həvəskarlar Liqası) çıxış edib. 2008-ci ildə Həvəskarlar Liqasının qalibi olub və həmin ildə Slovakiyanın Zenec şəhərində keçirilən UEFA-nın VI Regional kuboku yarışlarında iştirak edib. AFFA-nın təşkilatçılğı ilə keçirilən yeniyetmələr araslnda Ölkə birinciliyində (2005-2021-ci illər üzrə) Ağstafa Avey Futbol Klubu fasiləsiz olaraq bu günə qədər iştirak edir. Bunun nəticəsidir ki, klub Qəbələ və Sabah kimi Futbol Akademiyasına 20-dən çox gənc və perespektivli futbolçular vermişdir. Klubun yetirmələri Fərid Nəbiyev, Yusif Nəbiyev, Murad Qayalı və Emil Qasımov müxtəlif illərdə U-17, U-19 və U-21 Milli yığma komandalarının şərəfini qorumuşdular. Yusif Nəbiyev 2017-ci ildə Bakıda keçirilən İslam Həmrəylik Oyunlarında Milli yığma komandanın tərkibində Çempion adına layiq görülmüşdür. 2008-ci ildə Ağstafa Avey Futbol Komandası Həvəskar komandalar arasında X Ölkə birinciliyinin qalibi olmuş və Slovakiyanın Zeneç şəhərində keçirilən UEFA-nın VI Regional Kuboku yarışlarında 2-ci yeri tutmuşdur.
Məqsəd Yaqubəliyev – Göyəzən (SSRİ birinciliyi II dəstə) Turan Tovuz, Ümid Bakı. 1992-ci ildə Azərbaycan Milli yığma komandasına cəlb olunmuşdur.
Elçin Həsənov – Göyəzən Qazax (SSRİ birinciliyi II dəstə) Neftçi Bakı, (SSRİ çempionatı I dəstə) Turan Tovuz, Göyəzən Qazax Milli çempionat
Ülfət Mədədov – Göyəzən Qazax, Kəpəz Gəncə, Xəzri Buzovna, Şəmkir komandalarında çıxış edib 1996-cı ildə Azərbaycan Olimpiya Milli yığma komandasına cəlb edilmişdir. (Yaşı 23-ə qədər olan futbolçular).
Namiq Kərimov – Göyəzən Qazax, Kəpəz Gəncə, Xəzri Buzovna komandalarında çıxış edib.
Qoşqar Hacıyev - Göyəzən Qazax, Kəpəz Gəncə komandalarında çıxış edib.
Elxan Şəhniyarov - Göyəzən Qazax, Kəpəz Gəncə komandalarında çıxış edib
Elnur Zeynalov - Göyəzən Qazax, Kəpəz Gəncə komandalarında çıxış edib
Futbol klubu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.
