Ayətxan Ziyad

Vikipediya, açıq ensiklopediya
Jump to navigation Jump to search
Ayetxan Ziyad
Ayətxan Ziyatxan oğlu İsgəndərov
Fotoqrafiya
İlk adı Ayətxan İsgəndərov
Doğum tarixi 15 oktyabr 1951 (1951-10-15) (67 yaş)
Doğum yeri Hacıqabul, Azərbaycan SSR,
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Milliyyəti azərbaycanlı

İsgəndərov Ayətxan Ziyatxan oğlu (D. 15 oktyabr 1951, Hacıqabul) — azərbaycanlı yazıçı-jurnalist, tədqiqatçı. SSRİ Jurnalistlər İttifaqının (1980), Azərbaycan Jurnalistlər Birliyinin (2010), Azərbaycan Yazıçılar Birliyinin (2015) üzvü.

Həyatı[redaktə | əsas redaktə]

Ayətxan Ziyad (İsgəndərov) 15 oktyabr 1951-ci ildə Hacıqabul şəhərində dünyaya gəlmişdir. 1959-69-cu illərdə Hacıqabul şəhəri Xilə yaşayış massivindəki 9 saylı dəmir yolu məktəbində təhsil almışdır. Ayətxan Ziyad (İsgəndərov) böyük jurnalistikaya 1969-cu ilin avqustunda (orta təhsilini başa çatdırdığı il) Əlibayramlı şəhər Partiya Komitəsinin orqanı olan “İşıq” qəzetində dərc etdirdiyi iki məqalə ilə fakültə olaraq ilk dəfə həmin il fəaliyyətə başlayan ADU-nun (indiki BDU-nun) jurnalistika fakültəsinə sənəd vermək hüququ qazanmış və adı çəkilən fakültənin tələbəsi olmuşdur.[1]

Fakültənin yaradıcısı Nurəddin Babayevdən, akademik Məmməd Cəfərdən, professor Mir Cəlal Paşayevdən, Təhsin Mütəllimov, Zinyət Əlizadə və Əli Fəhmidən, Nəsir İmanquluyev, Seyfulla Əliyev, Tofiq Rüstəmov, Şirməmməd Hüseynov, Famil Mehdi, Nəriman Zeynalov, Nüsrət Bağırov, Yalçın Əlizadə, Cahangir Məmmədli, Akif Rüstəmov, Mahmud Mahmudov və Əliş Nəbilidən dərs almışdır.

Tələbəlik illərində (1970-1975) Azərbaycan Dövlət Televiziya və Radio Verilişləri Komitəsinin (indi Qapalı Səhmdar Cəmiyyət) fəal ştatdankənar müxbirlərindən olmuşdur.

Azərbaycan Dövlət Televiziya və Radio Verilişləri Komitəsində çalışdığı dövrdə Qarabağ müharibəsinin ilk günlərindən ATƏŞKƏS-ə qədər hər ay bir, yaxud iki dəfə (hər dəfə bir həftə müddətinə) cəbhə bölgələrində ezamiyyətdə olmuş, dinləyicilərinə səngərlərdən əsgər həyatından reportajlar təqdim etmişdir. Hazırladığı verilişlər Dövlət Teleradiosunun Qızıl Fondunda və Müdafiə Nazirliyinin arxivində saxlanc edilmişdir. Ağdam, Füzuli, Tərtər, Şuşa, Xankəndi və Naxçıvan MR-də döyüş bölgələrindən hazırladığı verilişlər “Ədalət” qəzetinin keçirdiyi müsabiqədə xüsusi mükafata layiq görülmüşdür. Qanlı 20 Yanvar hadisələrinə həsr etdiyi, lakin səslənməsinə qadağa qoyulan “Xalqı da ağladarlarmış, Allah, Allah, Allah!” radio verilişinin mətni “Şahidlər” kitabına daxil edilmişdir. Bütövlükdə isə Qarabağ müharibəsi mövzusunda qələmə aldığı radio verilişlərinin müəyyən qisminin (bir hissəsi “Karvanqıran ulduzların gecələdiyi ünvan” adı ilə “Gənc müəllim” qəzetində dərc edilib) “Əzəli Azərbaycan torpaqlarına işğalçılıq və qarət qəsdləri” kitabında çapı gözlənilir.

Yaradıcılığı[redaktə | əsas redaktə]

Qələmə aldığı əsərlər əsasən Azərbaycan Dövlət Radiosunda (1970-1994-cü illərdə) səslənmiş, “Çinar pöhrələri. I cild” (1979-cu il), “Yeraltı səl¬tənət”, “Ölməzlik”, “Şahidlər” almanaxlarında, “Azərbaycan”, “Əbədi Şirvan”, “Kommunist Azerbaydjana”, “Dirçəliş – XXI əsr”, “Maarif işçisi”, “Təhsil”, “Azərbaycan məktəbi” jurnallarında, “Azərbaycan gəncləri”, “Bakı”, “Ədalət”, “Respublika”, “Azərbaycan”, “Xalq qəzeti”, “Panorama”, “Həftə içi”, “Paritet” və respublikanın bir çox qəzet, jurnal və toplularında nəşr edilmişdir.

Ədəbi-bədii əsərləri[redaktə | əsas redaktə]

  • “Sənsiz, yaxud Arifsizlikdə ötən ömür” (Bakı-2001, 400 səh.);
  • “Qazyanlı Mirhəbi ağa (ADPU-2010, 132 səh.);
  • “Qazyanlı Mirhəbi ağa” (təkrar nəşr, ULU-2010, 149 səh.).
  • “Hər hökmü zaman verir”, kiçik povestlər (Bakı-2010, 100 səh.).
  • “Məndən sonra... (I kitab)” ULU-2010, 616 səh.);
  • “Məndən sonra... (VII kitab)” “ADPU-da qalan izim” (Bakı-2014, 400 səh.);
  • “Məndən sonra... (X kitab)” “Ömrüm bir yaşıl yarpaq, rəngləri mənimkidi (hekayə, povest, kino-ssenari, poeziya, felyetonlar)”. Bakı-“Elm-təhsil”-2018, 486 səh.

Monoqrafiya və dərs vəsaitləri[redaktə | əsas redaktə]

  • “Məndən sonra... (VI kitab)”. “Şamaxının Kürdəmic kəndi. Tarix, publisistika, rəvayət” (Bakı-2014, 70x100 1/32, 536 səh.);
  • “Məndən sonra... (VIII kitab)”. “Heydər Əliyev: xalqının, dövlətinin qürur ünvanı”. Bakı-“Elm və təhsil”-2018 (154 səh.);
  • “Məndən sonra... (IX kitab)”. “Dədə Qorqud” ünvanında sözüm” (kitaba müəllifin mart 2015-2017-ci illərdə qələmə aldığı elmi məqalə və resenziyalarından müəyyən qismi daxil edilmişdir). Bakı-ADPU-2018;

Mükafatları[redaktə | əsas redaktə]

  • Azərbaycan LKGİ MK-nın Fəxri Fərmanı — 1980
  • «İlin alimi - İlin ziyalısı» diplomu («Əsrin ziyalıları» Xeyriyyə İctimai Birliyi) — 2012

İstinadlar[redaktə | əsas redaktə]

  1. Azərbaycan yazıçıları XX-XXI yüzillikdə (ensiklopedik məlumat kitabı). Bakı: Nurlar, 2011