Aysrizenvelt mağarası
| Aysrizenvelt | |
|---|---|
| alb. Eisriesenwelt | |
 | |
| Ümumi məlumatlar | |
| Dərinliyi | 407 m |
| Uzunluğu | 42 000 m |
| Kəşf tarixi | 1879 |
| Giriş sayı | 1 |
| İşıqlandırma | var |
| Yerləşməsi | |
| 47°30′10″ şm. e. 13°11′23″ ş. u. | |
| Ölkə |
 Avstriya |
| eisriesenwelt.at/de/ | |
|
|
|
 Vikianbarda əlaqəli mediafayllar | |
Ayserizenvelt — Avstriyada buz mağarası. Mağara Zalsburq torpağında, Verfen yaşayış mənətəqəsi yaxınlığında yerləşir. Mağaranın yerləşdiyi ərazi Alp dağlarının Tennen dağları ərazisidir.
Ümumi məlumat
[redaktə | mənbəni redaktə et]Ayserizenvelt dünyanın ən böyük buz mağarasıdır[1]. Buz mağarasında buz il boyu qala bilir. Mağara dördüncü dövrün əvvəli, Pleystosen buzlaşması zamanı yaranmışdır.
Mağaranın ümumi uzunluğu 42 km-dir[2][3]. Dərinlik — 407 metrdir[4]. Qədimdən ovçulara məlum olan bu mağara rəsmən 1879-cu ildə kəşf olunub. Mağaranı Zalsburq şəhərindən olan təbiətşünas Anton fon Posselet aşkar etmişdir. O mağaranın ilk 200 metrlik hissəsini tədqiq etmişdir. Mağranı ən geniş tədqiq edən isə avstriyalı speleoloq Aleksandr fon Merom olmuşdur. 1912-ci ildən 1914-cü ilə kimi mağarada araşdırma aparan Aleksandr Merkom Birinci dünya müharibəsində həlak olmuşdur. Onun külü mağaranın daxilində yerləşdirilmişdir. Mağaraya ilk rəsmi ekskursiya isə 1920-ci ildə həyata keçirilmişdir.
Müasir dövrdə mağara Avstriyanın populyar istirahət mərkəzlərindən biridir. Ərazidə inşa edilmiş kanat yolu ziyarətçiləri gün ərzində mağaranın girişinə yaxın olan kiçik Dr.-Friedrich-Oedl-Haus sığınacağına çatdırır. Kanat gün ərzində 2500 qonağı mağaraya çatdıra bilir. İl ərzində Ayserizenvelt mağarasını təxminən 200 min turist ziyarət edir[1]. Mağarada turistlərə kalsium karbidli lampaları verilir. Mağaradakı 5 buz fiqur isə maqnezium işıqlanırması ilə işıqlandırılır. Mağaraya ziyarət 1 may-26 oktyabr aralığına mümkündür. Mağaranın uzunluğu 42 km olsa da turistlərə ancaq 1 km-lik hissəni ziyarət etməyə icazə verilir. Mağara daxilində temperatur 0 ° C olduğuna görə turistlərə daha isti geyinməyi məsləhət görülür[5]. Qış aylarında mağara qar uçqunları səbəbindən bağlı olur.
Şəkillər
[redaktə | mənbəni redaktə et]-
-
-
-
. -
İstinadlar
[redaktə | mənbəni redaktə et]- ↑ 1 2 Jochen Duckeck. "Showcaves of Austria: Eisriesenwelt". 2005-10-04. 2006-10-19 tarixində orijinalından arxivləşdirilib. İstifadə tarixi: 2006-07-31.
- ↑ "WORLDS LONGEST CAVES Compiled by: Bob Gulden" (ingilis). 2016-02-03 tarixində arxivləşdirilib. İstifadə tarixi: 2012-07-04.
- ↑ "Eisriesenwelt. The World of the Ice Giants" (ingilis). 2006-10-19 tarixində arxivləşdirilib. İstifadə tarixi: 2012-07-04.
- ↑ "Die tiefsten Höhlen Österreichs" (PDF) (alman). 2013-11-07 tarixində arxivləşdirilib (PDF). (Глубочайшие пещеры Австрии).
- ↑ "Victoria Brooks' Greatest Escapes Travel Webzine". www.greatestescapes.com. 2016-03-03 tarixində arxivləşdirilib. İstifadə tarixi: 2024-05-25.