Azərbaycan Milli Məclisi sədrliyinə seçki (2015)

Vikipediya, azad ensiklopediya
Naviqasiyaya keçin Axtarışa keçin
← 2010  Azərbaycan  2020 →
Azərbaycan Milli Məclisi sədrliyinə seçki (2015)
24 noyabr 2015
Namizəd Oqtay Əsədov
Partiya Yeni Azərbaycan Partiyası
Səslər 124

Nəticə Oqtay Əsədov Azərbaycan Respublikasının Milli Məclisinin sədri seçildi.

Azərbaycan Milli Məclisi sədrliyinə seçki (2015) — 24 noyabr 2015-ci il tarixində V çağırış Azərbaycan Respublikasının Milli Məclisinin sədrinin seçilməsi üçün keçirilmiş seçki. Seçkidə bir namizəd — Yeni Azərbaycan Partiyasının namizədi Oqtay Əsədov iştirak etmiş və birinci turda 124 lehinə səslə sədr seçilmişdir.

Seçki qaydası[redaktə | mənbəni redaktə et]

  • Milli Məclisin Sədri Milli Məclisin deputatları sırasından gizli (elektron sistemindən istifadə etməklə) səsvermə yolu ilə seçilir. Elektron sistemindən istifadə zamanı nasazlıq yarandıqda gizli səsvermə bülletenlər vasitəsilə keçirilir.[1]
  • Milli Məclisin Sədri vəzifəsinə namizədliyi Milli Məclisin deputatları irəli sürə bilərlər. Hər deputat yalnız bir namizəd göstərə bilər.[1]
  • Öz namizədliyinə etiraz müzakirəsiz və səsvermə keçirilmədən qəbul edilir.[1]
  • Səsverməyə azı 10 deputatın tərəfdar çıxdığı namizədlər buraxılır. Namizədlər çıxış edə və deputatların suallarına cavab verə bilərlər. Namizədlər üzrə müzakirələr keçirilir. Milli Məclisin sədrliyinə hər namizəd Hesablayıcı komissiyanın tərkibinə əlavə bir deputat daxil edə bilər.[1]
  • Gizli səsvermə nəticəsində azı 63 deputatın səsini almış namizəd Milli Məclisin Sədri seçilir.[1]
  • Namizədlərin heç biri azı 63 səs almadıqda, bu Daxili Nizamnamənin 27-ci maddəsində nəzərdə tutulmuş qaydada səsvermənin ikinci dövrəsi keçirilir. İkinci dövrədə heç bir namizəd 63 səs ala bilməzsə, Milli Məclisin Sədrinin birinci müavininin seçkiləri keçirilir.[1]
  • Milli Məclisin Sədrinin seçilməsi Milli Məclisin qərarı ilə rəsmiləşdirilir. Bu qərarı Milli Məclisin iclasına sədrlik edən imzalayır.[1]

Nəticələr[redaktə | mənbəni redaktə et]

Namizəd Siyasi partiya Topladığı səs
İlk dövrə
(24 noyabr 2015)
Lehinə Əleyhinə Bitərəf
Oqtay Əsədov Yeni Azərbaycan Partiyası 124 0 0
Boş
Etibarsız
İştirak edən 124
İştirak etməyən 1[a]
Mənbə: [2]

Qeydlər[redaktə | mənbəni redaktə et]

  1. 2015-ci il parlament seçkilərinin nəticələrinə əsasən 1 seçki dairəsindən deputat seçilməmiş, seçki nəticələri ləğv olunmuşdur.

İstinadlar[redaktə | mənbəni redaktə et]

  1. 1,0 1,1 1,2 1,3 1,4 1,5 1,6 "Azərbaycan Respublikası Milli Məclisinin DAXİLİ NİZAMNAMƏSİ". 2022-06-17 tarixində arxivləşdirilib. İstifadə tarixi: 2023-06-07.
  2. "BEŞİNCİ ÇAĞIRIŞ AZƏRBAYCAN RESPUBLİKASI MİLLİ MƏCLİSİNİN I SESSİYASI İCLASININ PROTOKOLU No 1". 2023-06-29 tarixində arxivləşdirilib. İstifadə tarixi: 2023-06-07.