Azərbaycan SSR əməkdar səmərələşdiricisi

Vikipediya, azad ensiklopediya
Jump to navigation Jump to search
Azərbaycan SSR əməkdar səmərələşdiricisi
Азәрбајҹан ССР әмәкдар сәмәрәләшдириҹиси
Honored rationalizer of the Azerbaijan SSR.png
Fəxri adın döş nişanı

Ölkə Azərbaycan Azərbaycan SSR
Tip fəxri ad
Kimə verilir səmərələşdirmə təkliflərinin müəlliflərinə və səmərələşdirmə hərəkatının inkişafında xidməti olan şəxslərə
Status verilmir
Statistika
Təsis tarixi 9 oktyabr 1959
Ləğv tarixi 5 fevral 1991

Azərbaycan SSR əməkdar səmərələşdiricisi (azərb-kiril: Азәрбајҹан ССР әмәкдар сәмәрәләшдириҹиси) — 9 oktyabr 1959-cu ildə təsis edilmiş fəxri ad. Azərbaycan SSR-də istehsalatın təkmilləşdirilməsində ciddi rol oynamış olan, respublikanın xalq təsərrüfatında geniş tətbiq edilən həyata keçirilmiş səmərələşdirmə təkliflərinin müəlliflərinə, habelə istehsalat səmərələşdiriciləri hərəkatının inkişafında və səmərələşdirmə təkliflərinin həyata keçirilməsində böyük xidmətləri olan şəxslərə verilirdi.[1]

Əsasnaməsi[redaktə | mənbəni redaktə et]

Fəxri ad Azərbaycan SSR xalq təsərrüfatının bütün sahələrində və ölkənin müdafiəsi uğrunda texnikanın tərəqqisində böyük əhəmiyyəti olan səmərələşdiricilər hərəkatını genişləndirmək məqsədilə müəyyən edilmişdir.[a] Fəxri ada layiq görülən şəxslərə gümüş döş nişanı verilirdi.[b]

Döş nişanı[redaktə | mənbəni redaktə et]

Fəxri adın döş nişanının nümunə və təsviri Azərbaycan SSR Ali Soveti Rəyasət Heyətinin 10 may 1960-cı il tarixli qərarı ilə təsdiq edilmişdir. Qərarda döş nişanının təsviri aşağıdakı kimi verilmişdir:[c]

"Azərbaycan SSR əməkdar səmərələşdiricisi" döş nişanı diametri 26 mm düzgün dairə şəklindədir, nişanın o biri üzünün səthi hamardır. Döş nişanının üz tərəfi 0,6 mm enində nazik haşiyə ilə haşiyələnmişdir.

"Azərbaycan SSR əməkdar səmərələşdiricisi" sözləri qabarıq hərflərlə yazılmışdır. Nişanın sol tərəfində sallanmış dəfnə budağına dalğalı lent sarılmışdır. Budaq və lent qabarıq təsvir olunmuşdur. Döş nişanı qulp və halqa vasitəsi ilə 26 mm eni olan düzbucaqlı çərçivəyə birləşdirilir. Çərçivəyə eni 21 mm, hündürlüyü 11 mm olan muar lent çəkilmişdir. Lentin yanlarında 3,5 mm eni olan iki ağ zolaq vardır. Göy rəngli lentin ortasından uzununa 3,5 mm enində mavi zolaq keçir, ondan 1,5 mm aralı 0,2 mm enində iki nazik mavi zolaq keçir.

Döş nişanı neyzilberdəndir, gümüş suyuna çəkilmişdir.[d]

Döş nişanı paltara sancaq vasitəsilə vurulur.

İstinadlar[redaktə | mənbəni redaktə et]

Sənədlər
  1. "Azərbaycan SSR əməkdar ixtiraçısı" və "Azərbaycan SSR əməkdar səmərələşdiricisi" fəxri adlarının müəyyən edilməsi haqqında Azərbaycan SSR Ali Soveti Rəyasət Heyətinin 1959-cu il 9 oktyabr tarixli Fərmanı[2]
  2. 1961-ci il 1 aprel tarixli Fərmanla edilmiş dəyişikliklərlə əlavə edilmişdir.[2]
  3. "Azərbaycan SSR əməkdar ixtiraçısı" və "Azərbaycan SSR əməkdar səmərələşdiricisi" döş nişanlarının nümunə və təsvirinin təsdiq edilməsi haqqında Azərbaycan SSR Ali Soveti Rəyasət Heyətinin 1960-ci il 10 may tarixli Qərarı[3]
  4. 1961-ci il 1 aprel tarixli Fərmanla edilmiş redaktədə verilmişdir.[3]

Ədəbiyyat[redaktə | mənbəni redaktə et]

  • Азәрбајҹан ССР ганунлары вә Азәрбајҹан ССР Али Совети Рәјасәт Һеј'әтинин фәрманлары мәҹмуәси. 1938—1963-ҹү илләр (az.). Б.: Азәрбајҹан ССР Али Советинин нәшри. 1963. 558 сәһ.

Həmçinin bax[redaktə | mənbəni redaktə et]