Azərbaycan SSR Dövlət mükafatı

Vikipediya, azad ensiklopediya
Jump to navigation Jump to search
Azərbaycan SSR Dövlət mükafatı
State Prize of the Azerbaijan SSR.png
Mükafat laureatının döş nişanı

Ölkə Azərbaycan Azərbaycan SSR
Tip mükafat
Kimə verilir ədəbiyyat, incəsənət və arxitektura, elm və texnika xadimlərinə, istehsal qabaqcıllarına
Statistika
Təsis tarixi 10 sentyabr 1970
Birinci təltif 29 sentyabr 1970
Son təltif 26 may 1991 (1990-cı il üzrə)
Ardıcıllıq
Sonrakı (yüksək) SSRİ Dövlət mükafatı
Əvvəlki (aşağı) Azərbaycan SSR LKGİ mükafatı
Müvafiqdir

Azərbaycan SSR Dövlət mükafatı (azərb-kiril: Азәрбајҹан ССР Дөвләт мүкафаты) — Azərbaycan SSR-də ədəbiyyat, incəsənət və arxitektura, elm və texnika xadimlərinə və əmək nailiyyətlərinə görə istehsal qabaqcıllarına iki ildən bir verilən yüksək mükafat.

Respublikada elm və texnikanın, ədəbiyyat, incəsənət və arxitekturanın daha da inkişaf etdirilməsinə həvəs oyatmaq məqsədilə, dövlət tərəfindən bəyənilməyə layiq olan elmi işləri və yaradıcılıq işlərini layiqincə və geniş surətdə mükafatlandırmaq lüzumunu nəzərə alaraq, Azərbaycan KP MK və Azərbaycan SSR Nazirlər Soveti Azərbaycan SSR dövlət — mükafatlarının təsis olunması haqqında qərar qəbul etmişlər.[1]

Azərbaycan SSR dövlət mükafatları təsis edilmişdir: elm və texnika sahəsində — dörd mükafat (elm üzrə iki mükafat, texnika üzrə iki mükafat), ədəbiyyat, incəsənət və arxitektura sahəsində — üç mükafat, o cümlədən uşaqlardan ötrü yazılmış ədəbiyyat və incəsənət əsərləri üçün bir mükafat.[1]

Azərbaycan SSR dövlət mükafatlarının hər biri 2.500 manat miqdarında müəyyən edilmişdir.[1]

Mükafatlar Azərbaycan SSR dövlət mükafatları komitələrinin təqdimatı ilə iki ildə bir dəfə, Azərbaycanda Sovet hakimiyyəti qələbəsinin ildönümü günü verilir. Azərbaycan SSR dövlət mükafatlarına layiq görülən şəxslərə diplom və döş nişanı təqdim edilməklə "Azərbaycan SSR Dövlət mükafatı laureatı" adı verilir.[1]

Azərbaycan SSR dövlət mükafatları komitələrinin qərarları Azərbaycan KP MK və Azərbacan SSR Nazirlər Soveti tərəfindən təsdiq edilərək respublika mətbuatında dərc olunurdu.[1]

Azərbaycan SSR Nazirlər Sovetinin dövlət mükafatları komitələrinə tapşırılmışdır ki, Azərbaycan SSR dövlət mükafatları haqqında əsasnaməni, Azərbaycan SSR Dövlət mükafatı laureatının döş nişanı və diplomunun eskizlərini bir ay müddətində hazırlayıb respublika Nazirlər Sovetinin təsdiqinə versinlər.[1]

Həmçinin bax[redaktə | əsas redaktə]

İstinadlar[redaktə | əsas redaktə]