Azeri Brothers
"Azeri brothers" (azərb. Azəri qardaşları) — Azərbaycanlı pəhləvanlar – Hüseyn və Laçın Abdulhüseynov qardaşlarından ibarət qrup[1]. 9 qat rəsmi dünya rekordçularıdır[2].
Qardaşlar[redaktə | mənbəni redaktə et]
Abdulhüseynov qardaşları Quba rayonunda anadan olublar[1].
Onlar vaxtilə məşhur pəhləvan olmuş atalarının yolunu davam etdirirlər[1]. Ataları Əli və əmiləri Qəmbər qədim pəhləvanlıq sənəti ilə mesqul olmuş, bir çox ölkələrdə Azərbaycanı təmsil etmişlər. Əli pəhləvan 1992-ci ildə Qubada "Pəhləvan Əli" İdman Klubunu yaratmışdır. Uşaq vaxtlarından idmanla məşğul olmağa başlayan Hüseyn və Laçın qardaşlarda həmin klubda məşqlər etmiş, bir neçə idman növü ilə məşğul olmuşlar. 2000-ci illərdə qol güləşi üzrə keçirilmiş respublika çempionatlarında dəfələrlə qalib olmuşlar.
Abdulhüseynov qardaşları hazırda öz rayonlarında gələcəyin pəhləvanlarını yetişdirməklə məşğuldurlar. Onların hər ikisi "Pəhləvan Əli" İdman Klubunda məşqçi kimi fəaliyyət göstərirlər.
Onlar pəhləvan kimi 2 dəfə ABŞ-da, 3 dəfə Rusiyada, 1 dəfə İtaliyada, 2 dəfə Ukraynada, 6 dəfə Gürcustanda, 1 dəfə Türkiyədə, 1 dəfə Kolumbiyada, 1 dəfə də Rumaniyada çıxış ediblər. Onların bir çox nömrələri ekspertlər tərəfindən efir üçün təhlükəli olduğu bildirilir və efirə getmir[2].
Ukrayna Milli Reyestri tərəfindən hazırlanmış "Dünya Rekordları 2016" kitabında bu pəhləvan qardaşların da adı yer almışdır[3].
Hüseyn[redaktə | mənbəni redaktə et]
Hüseyn Pəhləvanoğlu 1983-cü ildə Möhüc kəndində anadan olmuşdur.
O, qol güləşi üzrə Dünya Çempionatının iştirakçısı olmuşdur. Bundan başqa Hüseyn Pəhləvanoğlu Rusiya çempionu, dəfələrlə Respublika çempionu və qeyri-adi istedadına görə dünya rekordçusudur[3].
Ailəlidir. İki oğlu var.
Laçın[redaktə | mənbəni redaktə et]
Laçın Pəhləvanoğlu 1986-cı ildə Möhüc kəndində anadan olmuşdur.
O, qol güləşi üzrə dəfələrlə Respublika çempionu, qeyri-adi istedadına görə isə ilk azərbaycanlı 4 qat dünya rekordçusu, "Pəhləvan Əli" İdman Klubunun baş məşqçisidir[3][4].
Ailəlidir. Bir qızı və bir oğlu var.
Şou-proqramlarda[redaktə | mənbəni redaktə et]
"Azeri brothers" qrupu Hüseyn və Laçın Abdulhüseynov qardaşları ilə birlikdə 4 nəfərdən ibarətdir. Qrupun rəhbəri Ziya Zamanov, mətbuat katibi isə Xanbaba Daşdidir.
Qubalı qardaşlar müxtəlif layihələrə qatılıblar[1]. Əvvəlcə onları Ukraynanın "Україна має талант" şousunda iştiraka dəvət etmişdilər. Onlar həmin layihədə ölümcül nömrə ilə çıxış edərək münsiflər heyətinin üzvlərini şoka salmışdılar.
2017-ci ildə qardaşlar "America's Got Talent" teleşousunda münsifləri və tamaşaçıları heyrətə gətirmişdilər[5]. Daha sonra Gürcüstanın televiziya istedad şousu olan "Georgia's Got Talent"in seçmə mərhələsində uğurlu çıxış etmişlər[1][6].
2018-ci ildə Kolumbiyanın "Karakal" telekanalında yayımlanan "Festival İnternational del humor 2018" proqramına qatılıblar[7]. Elə həmin il Rusiyanın "Birinci" kanalında efirə gedən "Ya moqu!" yarışmasında çıxış etmişlər[2].
İstinadlar[redaktə | mənbəni redaktə et]
- ↑ 1 2 3 4 5 Azərbaycanlı qardaşlar İtaliyada qladiator döyüşlərinə qatılacaqlar Arxivləşdirilib 2023-06-28 at the Wayback Machine. sputnik.az, 14.11.2017 (az.)
- ↑ 1 2 3 "Ginnesin Rekordlar Kitabı"na namizəd olan azərbaycanlılar Rusiya televiziyasında Arxivləşdirilib 2019-04-17 at the Wayback Machine. modern.az, 24.09.2018 (az.)
- ↑ 1 2 3 Azərbaycanlı pəhləvan qardaşların adı "Dünya Rekordları 2016" kitabında (FOTO) Arxivləşdirilib 2020-11-24 at the Wayback Machine. trend.az, 03.06.2016 (az.)
- ↑ Azərbaycanlı pəhləvanlar: Bütün dünyanı şoka salacağıq – FOTO Arxivləşdirilib 2015-10-23 at the Wayback Machine. oxu.az, 07.09.2015 (az.)
- ↑ Qubalı qardaşlar "America Got Talant"da münsifləri — Şoka saldı Arxivləşdirilib 2023-06-28 at the Wayback Machine. qafqazinfo.az, 07.06.2017 (az.)
- ↑ Azərbaycanlı qardaşlar münsifləri şoka saldı — VİDEO Arxivləşdirilib 2021-02-25 at the Wayback Machine. yenicag.az, 07.11.2017 (az.)
- ↑ Qubalı pəhləvan qardaşlar bu dəfə Kolumbiyada – VİDEO Arxivləşdirilib 2023-06-28 at the Wayback Machine. primetime.az, 21.09.2018 (az.)
Xarici keçidlər[redaktə | mənbəni redaktə et]
- Azeri Brothers — Twitter səhifəsi
- Azeri Brothers — Facebook səhifəsi