Ağ Drin kanyonu
| Ağ Drin kanyonu | |
|---|---|
| alb. Gryka e Drinit të Bardhë, serb. Кањон Белог Дрима | |
 | |
| Ümumi məlumatlar | |
| Dərinliyi | 45 |
| Uzunluğu | 900 |
| Aid olduğu çay hövzəsi | Ağ Drin |
| Yerləşməsi | |
| 42°21′01″ şm. e. 20°32′35″ ş. u.HGYO | |
| ölkə |
 Kosovo |
|
|
|
 Vikianbarda əlaqəli mediafayllar | |
Ağ Drin kanyonu və ya Ağ drin dərəsi (alb. Gryka e Drinit të Bardhë; serb. Кањон Белог Дрима) — Qismən tanınmış Kosovo Respublikasının cənub-qərbində yerləşən kiçik kanyon. Kanyon ərazisindən Ağ Drin çayı axır. Kanyon elə də böyük deyildir. Onun uzunluğu 900 metr, hündürlüyü isə 45 metr təşkil edir. Kanyonun girəcəyində Osmanlı imperiyası dönəmindən qalma Şvan körpüsü yerləşir. Bu isə Balkan yarımadasından dalğıcları əraziyə cəlb edir. Kanyonun hidroloji və geomorfoloji əhəmiyyəti nəzərə alınaraq 1986-cı ildə dövlət tərəfindən təbiət abidəsi kimi qoruma altına alınmışdır.[1][2]
Coğrafiyası
[redaktə | vikimətni redaktə et]Ağ Drin kanyon Şvan körpüsünün qarşısında Zrze kəndinin yaxınlığında, Cakovis — Prizren yolunun üzərində yerləşir. Neogen dövründə formalaşmışdır. Onun formalaşması müxtəlif tektonik proseslərin təsiri ilə baş vermişdir. Dərəsi kanyonvari quruluşa malikdir.[3]
Turizm
[redaktə | vikimətni redaktə et]
Ağ Drinin uzun dövr ərzində hidroloji fəaliyyəti nəticəsində kanyon formalaşmışdır. Hazırda məkan turistlər və tətqiqatçıların marağına səbəb olur. Kanyon Cyakovis ilə Prizren arasında yerləşən yolun kənarındadır. Bu kanyonu istər yerli istərsə xarici turistlər ziyarət edir. Bir aşırımlı Şvan körpüsü bölgənin türistik əhəmiyyətini daha da artırır. Bu körpüdə suya atışlar üzrə yarışlar keçirilir. Bu yarışlarda region idmançıları iştirak edir. Körpü və kanyonun ərazisi 1986-cı ildən qoruma altındadır. Ümumi qoruq zonasının ərazisi 199 ha-dır. Onun 124,96 ha ərazisi Oraxovas, 73,86 ha ərazisi isə Cyakovis[4] rayonu ərazisinə daxildir. Kanyonun qutaracağında Ağ Drin çayından tutulan balıqların bişirildiyi restoran fəaliyyət göstərir.
İstinadlar
[redaktə | vikimətni redaktə et]- ↑ "Arxivlənmiş surət" (PDF). 2015-01-05 tarixində orijinalından (PDF) arxivləşdirilib. İstifadə tarixi: 2018-03-22.
- ↑ "Arxivlənmiş surət" (PDF). 2016-04-15 tarixində orijinalından (PDF) arxivləşdirilib. İstifadə tarixi: 2018-03-22.
- ↑ "Arxivlənmiş surət". 2016-05-09 tarixində orijinalından arxivləşdirilib. İstifadə tarixi: 2018-03-22.
- ↑ "Arxivlənmiş surət" (PDF). 2016-03-03 tarixində orijinalından (PDF) arxivləşdirilib. İstifadə tarixi: 2018-03-22.