Baş Müfti

Məqalələr seriyasından
Fiqh üsulu
Fiqh Təqlid İctihad İcma Məzhəb Qiyas Adət-ənənə Bidət Mədrəsə İcazət İstihlal İstihsan İstislah
Əhkam Savab Halal Fərz İstishab Mübah Müstəhəb Məkruh Haram Müfsid Batil Səhih İslamda böyük günah
Dini unvanlar Xilafət Üləma Fiqh Əl-Əzhar Böyük İmamı Baş Müfti Mərceyi-təqlid Dai Hüccət Hüccətülislam Hakim İmam Hafiz Xətib Mövlanə Mövləvi Əllamə Ayətullah Müfəssir Müfti Mühəddis Mücəddid Müctəhid Qazi Rəiül-üləma Şeyx Şeyxülislam Ustad

Baş Müfti — bir dövlətin bölgə müftilərinin başçısıdır. Məqam erkən müasir dövrdə Osmanlı İmperiyasında meydana gəlib və sonralar bir sıra müasir ölkələrdə qəbul edilib. Baş Müfti adətən dövlət tərəfindən təyin olunan şəxsdir. Baxmayaraq ki, bəzi müasir ölkələrdə o, kollektiv və ya seçkili vəzifə tutur.

Müftilər İslam hüququna (şəriətə) dair məcburi olmayan rəy (fətva) vermək səlahiyyətinə malik olan İslam hüquqşünaslarıdır. Osmanlı İmperiyasında 15-ci əsrdə əvvəllər müstəqil alim kimi fəaliyyət göstərən müftilər dini qurumların və alimlərin ierarxik bürokratiyasına inteqrasiya etməyə başlamışlar. XVI əsrin sonlarında hökumətin təyin etdiyi İstanbul müftisi şeyxülislam titulu ilə bu iyerarxiyaya cavabdeh olan baş müfti kimi tanınırdı. Şeyxülislam dini məsələlərdə sultana məsləhət vermək, dövlət siyasətini qanuniləşdirmək, hakimlər təyin etmək kimi bir sıra funksiyaları yerinə yetirirdi. Osmanlı İmperatorluğunun dağılmasından sonra müsəlman dünyasının bir çox ölkəsində baş müftilik vəzifəsi qəbul edilmiş və əksər hallarda hökumət siyasətlərinə dini dəstək vermək rolunu oynayır.