Bakı Biznes və Kooperasiya Kolleci

Vikipediya, azad ensiklopediya
Jump to navigation Jump to search

Bakı Biznes və Kooperasiya Kolleci

Haqqında[redaktə | əsas redaktə]

80 illik tarixə malik indiki Bakı Biznes və Kooperasiya Kolleci 1939-cu ildən Bakı Kooperativ Texnikumu kimi fəaliyyətə başlamışdır.Ümummilli lider H.Əliyevin 30 avqust 2000-ci il tarixli 391 saylı fərmanına uyğun olaraq 2001-ci ildə Bakı Kooperativ Texnikumu daha geniş profilli orta ixtisas təhsilli kadrlar hazırlayan Bakı Biznes və Kooperasiya Kollecinə çevrilmişdir.Kollec geniş maddi texniki bazaya malikdir.Kollecdə ən müasir avadanlıqlarla təchiz olunmuş interaktiv elektron lövhə otaqları, sürətli internetlə təmin olunmuş kompüter laboratoriyaları, çox saylı kitab fonduna malik kitabxana, oxu zalı, yüksək ixtisaslı mütəxəssis yetişdirmək məqsədilə təcrübə keçmək üçün laboratoriya otaqları, idman zalı, yeməkxana, tibb məntəqəsi və akt zalı fəaliyyət göstərir.Hal-hazırda kollecdə 2100-ə yaxın tələbə təhsil alır.Onların keyfiyyətli mütəxəssis kimi hazırlanmasında 120 nəfər yüksək ixtisası və elmi dərəcəsi olan müəllimlər çalışır.[1]

Təhsil müəssisəsində böyük oxu zalı, zəngin kitabxana, akt zalı, günün tələblərinə cavab verən idman zalı, geniş və işıqlı fənn kabinetləri, elektron lövhə və kompüterlərlə təchiz edilmiş auditoriyalar tələbələrin ixtiyarındadır. Təbii ki, təhsil üçün yaradılmış şərait, müasir tələblərə cavab verən maddi-texniki baza tədrisin yüksək keyfiyyətinə etibarlı bir zəmanətdir.

Tədris korpusunda laboratoriyalar, kompyuter otaqları, 600 yerlik akt və örtülü idman zalı vardır. [2]

Kollecin verdiyi ixtisas dərəcəsi- Subbakalavr[redaktə | əsas redaktə]

“Təhsil haqqında” Azərbaycan Respublikasının Qanununa və AR Prezidentinin 24.10.2013-cü il tarixli Sərəncamı ilə təsdiq edilmiş “Azərbaycan Respublikasında təhsilin inkişafı üzrə Dövlət Strategiyası”na uyğun olaraq kollecdə orta ixtisas təhsilin subbakalavriat səviyyəsində hüquqi-normativ baza təkmilləşdirilir.

1997-ci ildə kollecdə orta ixtisas təhsilin subbakalavriat səviyyəsində ilk buraxılış olduqdan sonra ARNK-nın razılığı əsasında TN-nin 07.06.1997-ci il tarixli 412 nömrəli əmri ilə kollecdə orta ixtisas təhsilin səviyyəsinə qəbul keçirilməsinə icazə verilmiş və tələbə qəbulu aparılmışdır. BBKK-da 2005-ci ilə kimi orta ixtisas təhsilin səviyyəsinə tələbə qəbulu kollec tərəfindən həyata keçirilmişdir.

AR Prezidentinin 06.04.2005-ci il tarixli 219 nömrəli Fərmanı ilə “TGDK haqqında Əsasnamə”yə uyğun olaraq kollecin tələbə qəbulu TGDK (hazırda DİM) tərəfindən həyata keçirilir.

Tarixi[redaktə | əsas redaktə]

Yaranma tarixi[redaktə | əsas redaktə]

XX-ci əsrin Azərbaycan Mərkəzi İstehlak Cəmiyyətləri İttifaqı İdarə Heyətinin qərarı ilə 1922-ci ildə Bakının Balaxanı kəndində qısa müddətli tədris kursları kimi fəaliyyətə başlayıb. 1939-cu ilin mart ayında kurslarının bazasında Bakı Kooperativ Texnikumu yaradıldı.

1939-64-cü illərdə Bakı Kooperativ Texnikumu Bakı Şəhərindəki Səməd Vurğun küçəsi 108 saylı ünvanda olan 3 mərtəbəli tədris binasında fəaliyyət göstərmişdir.

Təsis olunması[redaktə | əsas redaktə]

Azərbaycan Respublikasının Prezidenti, Ümummilli lider Heydər Əliyevin 2000-ci il 30 avqust tarixli, 391 nömrəli qərarı ilə Bakı Kooperativ Texnikumunun bazasında Bakı Biznes və Kooperasiya Kolleci Məhdud Məsuliyyətli Cəmiyyəti yaradılmışdır.[3]

BBKK-nın fəaliyyəti Azərbaycan Respublikasının mövcud qanunvericiliyinin tələblərinə uyğun olaraq ARNK-nın 1992-ci il 9 yanvar tarixli 08 nömrəli və Azərbaycan Mərkəzi İstehlak Cəmiyyətləri İttifaqı (Azərittifaq) İdarə Heyətinin (İH) 1993-cü il 19 mart tarixli 31 nömrəli qərarlarına əsasən “Bakı Biznes və Kooperasiya Kolleci” (BBKK) kimi 1993-cü ildə, “Azərittifaq” tərəfindən təsis edilmişdir.

Kollecin fəaliyyəti Azərbaycan Respublikasının Konstitusiyası, Azərbaycan Respublikasının tərəfdar çıxdığı beynəlxalq müqavilələr, Azərbaycan Respublikasının “Təhsil haqqında” Qanunu, Azərbaycan Respublikası Prezidentinin Fərman və Sərəncamlarını, ARNK-nin qərarlarına və ARTN-nin əmr və göstərişlərinə əsaslanır.

“Azərbaycan Respublikasında təhsil sisteminin təkmilləşdirilməsi haqqında” Azərbaycan Respublikası Prezidentinin 2000-ci il 13 iyun tarixli, 349 nömrəli “Fərmanı”na dəyişiklik edilməsi barədə Azərbaycan Respublikasının Prezidenti, Ümummilli lider, cənab H.Əliyevin 2000-ci il 30 avqust tarixli, 391 nömrəli “Fərmanı”nın icrası ilə əlaqədar olaraq ARNK-nın 27 aprel 2001-ci il tarixli, 17/17635-11 nömrəli və TN-nin 12 dekabr 2000-ci il tarixli, 40-11-365/14 saylı razılıq məktublarına əsasən Azərittifaqın İdarə Heyyətinin 03 may 2001-ci il tarixli, 60 nömrəli qərarı ilə Bakı Biznes və Kooperasiya Kolleci Məhdud Məsuliyyətli Cəmiyyətə (MMC) çevirilmiş və “Nizamnamə”si Azərbaycan Respublikasının Ədliyyə Nazirliyi (ARƏN) tərəfindən 08 may 2002-ci il tarixdə Dövlət qeydiyyatına alınaraq 46  nömrəli şəhadətnamə  verilmişdir. “Azərittifaq”ın  İH-nin  21.09.2011-ci il  tarixli  qərarı ilə  yeni  qəbul olunmuş  “Təhsil  haqqında” Azərbaycan  Respublikasının  Qanunu nəzərə  alınaraq  BBKK-nın təşkilati-hüquqi  forması  dəyişdirilərək  “Nizamnamə” də  bəzi  əlavə və  dəyişikliklər  edilmiş və  AR  ƏN-i  tərəfindən 07.12.2011-ci  il  tarixdə yeni  “Nizamnamə”si  Dövlət qeydiyyatına  alınmışdır.

“Nizamnamə”yə  əsasən BBKK təşkilat-hüquqi forması, özəl orta ixtisas təhsil müəssisəsi, mülkiyyət növü –xüsusi, fəaliyyət predmeti və məqsədi –orta ixtisas mütəxəssislərin hazırlanmasıdır.

BBKK-nın Nizamnaməsi “Təhsil haqqında” Azərbaycan Respublikasının Qanununa və “Orta ixtisas müəssisəsnin Nümunəvi Nizamnaməsi”nə uyğun olaraq hüquqi şəxs kimi Ədliyyə və Vergi orqanlarında qeydiyyatdan keçmişdir. ARTN-nin müvafiq qərarı əsasında məzunlara vahid sənədi diplom verilir:

Kollecin idarə olunması[redaktə | əsas redaktə]

Kollecdə kargüzarlıq və sənədlərlə iş, onların qeydiyyatı və saxlanması AR Əmək Məcəlləsin, AR Prezidentinin 14.07.2015-ci il tarixli 569 nömrəli Fərmanı ilə təsdiq edilmiş “Təlimata” uyğun həyata keçirilir.

Kollecin idarə olunması “Təhsil haqqında” Azərbaycan Respublikasının Qanununa, “Azərbaycan Respublikasında təhsilin inkişafı üzrə Dövlət Strategiyası”nın təsdiqi barədə Azərbaycan Respublikası Prezidentinin 2013-cü il 24 oktyabr tarixli 13 nömrəli Sərəncamı”na, “Tələbə-məzun” dövlət elektron-məlumat sistemi haqqında Əsasnamə”nin təsdiqi barədə Azərbaycan Respublikası Prezidentinin 2010-cu il 23 fevral tarixli 225 nömrəli Fərmanı”na, ARNK-nın və ARTN-nin normativ-hüquqi aktlarına, ARNK-nin 21.01.2011-ci il tarixli 9 nömrəli qərarı ilə təsdiq olunmuş “Orta ixtisas müəssisəsinin Nümunəvi “Nizamnaməsi”nə, 2013-cü il 24 dekabr tarixli 348 nömrəli qərarı ilə təsdiq edilmiş, “Orta ixtisas müəssisələrinin subbakalavriat səviyyəsində əsas (baza orta) tibb təshili və AMEA-nın magistratura səviyəsində kredit sistemi ilə tədrisin təşkili Qaydaları”, habelə bu “Qaydalar”da dəyişiklik edilməsi barədə 2017-ci il 14 iyun tarixli 257 nömrəli Qərarı və “Bakı Biznes və Kooperasiya Kollecinin Nizamnaməsi”nə uyğun olaraq həyata keçirilir.

Kollecdə idarə edilməsi “Nizamnamə”nin tələblərinə uyğun olaraq Elmi, Şura, direktor, prorektorlar, fakültə, kafedra və digər struktur bölmələr tərəfindən həyata keçirilir.

Kollecin Təhsil müəssisələrinin akkreditasiyası qaydalarının tələblərinə uyğunluğu[redaktə | əsas redaktə]

Kollecdə tədris sənədləri-ixtisasın (ixtisaslaşmanın) tədris planı, ixtisasın (ixtisaslaşmanın) tədris qrafiki, ixtisas üzrə (ixtisaslaşma) illik işçi tədris planı, tələbələrin fərdi tədris planı və müəllimlərin illik işçi tədris planı ARNK-nın 2013-cü il 24 dekabr tarixli 348 nömrəli qərarı ilə təsdiq edilmiş mövcud “Qaydalar”ın 3.12-ci bəndinə uyğun olaraq hazırlanmış və müvafiq qaydada təsdiq edilmişdir.

Ixtisasların, şöbələrin, ixtisasların, fənlərin müəllimlərin və tələbələrin kodlaşdırılması üzrə tədris sənədləri “Qaydalar”ın 1.3.10-cu bəndinə əsasən tərtib edilərək direktorun 2016-cı il 28 sentyabr tarixli 186 saylı əmri ilə rəsmiləşdirilmişdir. “Təhsil proqramları” və tədris planları üzrə müəyyən edilmiş fənlərin aidiyyatı şöbələrə təyinatı aparılmışdır. Tələbələrin qeydiyyatı və dərsə davamiyyəti jurnalı, semestr imtahanları, Dövlət Attestasiyası, kurs işi və istehsalat təcrübəsinin keçirilməsinə aid zəruri sənədlər, o cümlədən akademik transkript, akademik təqvim və s. Avropa Kredit Transfer Sistemi (AKTS) təhsil proqramı ilə müəyyən edilmiş kompetensiyalar nəzərə alınmaqla hazırlanmışdır. Hər tədris ili üçün ixtisasın tədris qrafiki əsasında tələbənin fərdi tədris planı tərtib edilir. Müəllimlərin illik işçi tədris planı ixtisasın illik işçi tədris qrafiki və tələbələrin fərdi tədris planları əsasında hazırlanmışdır. Ümumiyyətlə, kollec “Nizamnamə”nin tələblərinə uyğun olaraq fəaliyyət göstərir. Kollecdə haırlanmış tədris sənədləri –ixtisasın tədris planı, tədris qrafiki, ixtisas üzrə illik işçi tədris planı, tələbələrin fərdi tədris planı, müəllimin illik işçi tədris planı, “Əsasnamə”, “Qayda” və digər sənədlər mövcud qanunvericiliyə və “Akkreditasiya” qaydalarına uyğun olaraq kollecin idarə edilməsini təmin edir.

Təsisçilər Şurası[redaktə | əsas redaktə]

Kollecin mülkiyyət, təsərrüfat, strukturlaşma, rəhbər kadrların təyin olunması məsələlərində ali idarəetmə orqanı Təsisçilər Şurasıdır. Kollecin idarə olunmasında “Təsisçilər Şurası” mühüm rol oynayır. Şura əsasən maliyyənin cəlb edilməsi, kollecin büdcəsinin idarə edilməsi kimi məsələlərin həllində kollecə yardım edir.

Rəhbərlik[redaktə | əsas redaktə]

  • Dierktor
  • Dierktorun 1-ci müavini
  • Direktorun Tədris İşləri üzrə müavini
  • Tədris şöbəsinin müdiri
  • İnsan resusrları şöbəsinin rəhbəri
  • Arxiv müdiri
  • Təsərrüfat şöbəsinin müdiri
  • Mühasibatlıq
  • Daxili Nəzarət və Monitorqin şöbəsinin rəhbəri

Kollecin direktorları[redaktə | əsas redaktə]

  • Məcid Məmmədov (1939-1940-cı illərdə rəhbərlik etmişdir)
  • Nəbi Xəlilov (1941-1946-cı illərdə rəhbərlik etmişdir)
  • Cəfər Bağırov (1947-1956-cı illərdə rəhbərlik etmişdir)
  • Murad Tabasaranski (1957-1964-cü illərdə rəhbərlik etmişdir)
  • Şamil Dadaşov (1965-1967-cı illərdə rəhbərlik etmişdir)
  • Yəhya Ağayev (1968-1970-ci illərdə rəhbərlik etmişdir)
  • Elmira Sadıqova (1972-1975-ci illərdə rəhbərlik etmişdir)
  • Əli Əliyev (1976-1977-ci illərdə rəhbərlik etmişdir)
  • Bahadur Babayev (1978-1981-ci illərdə rəhbərlik etmişdir)
  • Natiq Quliyev (1982-1992-ci illərdə rəhbərlik etmişdir)
  • Ramiz Paşayev (1992-2010-cu illərdə rəhbərlik etmişdir)
  • Fatimə Quliyeva (2011-rəhbərlik davam edir)

Direktor[redaktə | əsas redaktə]

  • Fatimə Ağayar qızı Quliyeva 1979-cu ildə Bakı şəhərində anadan olmuşdur. 2001-ci ildə Bakı Dövlət Universitetinin “Mexanika-riyaziyyat” fakültəsini fərqlənmə diplomu ilə bitirmişdir.[4]
  • 2003-cü ildən Azərbaycan Kooperasiya Universitetində müəllim, baş müəllim, 2008-ci ildən “Marketinq və menecment” fakültəsinin dekan müavini vəzifəsində çalışmışdır.
  • 2011-ci ildə “İki tərtibli operator dəstəsinin məxsusi və qoşma elementlərinin tamlığının tətqiqi” mövzusunda elmi işi müdafiə edərək riyaziyyat üzrə fəlsəfə doktoru adını almışdır.
  • 2011-ci ildən Bakı Biznes və Kooperasiya Kollecinin direktorudur.
  • 6 kitab və tədris proqramının müəllifidir və 30 elmi əsəri respublika və xarici ölkə jurnallarında dərc edilmişdir.
  • 2014-cü ildə “Tərəqqi” medalı ilə təltif olunmuşdur.
  • 2016-cı ildə Rusiya Təbiət Elmləri Akademiyası alimlərin, müəllimlərin və mütəxəssislərin beynəlxalq assosiasiyası tərəfindən “LABORE ET SCENTİA – Əməyi və biliyi ilə” ordeninə layiq görülmüşdür.

Şöbələr[redaktə | əsas redaktə]

  • Qiyabi şöbə
  • Mühasibat uçotu və Maliyyə işi
  • Vergi və bank işi
  • Turizm və İnfromasiya Texnologiyaları
  • Biznes və İdarəetmə

Fənn birləşmələri[redaktə | əsas redaktə]

  • Biznes və İdarəedilməsi
  • Fizika, Riyaziyyat və İnformatika
  • Dil və ədəbiyyat
  • Humanitar
  • Təbiət elmləri
  • Fiziki tərbiyə və Gənclərin Çağırışaqədərki hazırlığı
  • Mühasibat uçotu və İqtisadiyyat və Maliyyə

Pedaqoji kadr potensialı[redaktə | əsas redaktə]

Kollecdə insan resursları siyasətinə, kadr məsələsinə, yəni təhsilverənlərin keyfiyyət göstəricilərinə xüsusi diqqət göstərilir. Pedaqoji kadr heyəti işə qəbul edilərkən onların öz fəaliyyətində innovativ təlim, informasiya –telekommunikasiya, müasir texnika, yeni təhsil və pedaqoji texnologiyalardan istifadə etmək bacarığı və vərdişləri ali təhsillə yanaşı müvafiq elmi dərəcə və elmi adlara malik olmaları, mütamadi olaraq öz elmi səviyyələrini artırmaq göstəriciləri nəzərə alınır. Kollecin pedaqoji kollektivində 10 fəlsəfə doktoru 43 magistr calışır. Pedaqoji kadrların düzgün keçilib yerləşdirilməsi, onların fəaliyyətlərinin düzgün istiqamətləndirilməsi, ixtisaslı kadr hazırlığı sahəsində bazar tələbinin düzgün proqnozlaşdırılması sayəsində kollec Respublikasının orta ixtisas təhsili müəssisələri arasında rəqabət qabiliyyətliliyini qoruyub saxlaya bilmiş, abituriyentlərin ən çox seçim etdiyi tədris müəssisəsi kimi nüfuz qazanmışdır.

Bu fəaliyyətin nəticəsi olaraq Azərbaycan Respublikası Prezidentinin 18 noyabr 2014-cü il tarixli 866 nömrəli sərəncamı ilə kollecin 1 əməkdaş “Əməkdar müəllimi” fəxri adın layiq görülmüş, 2 nəfər tərəqqi medalı ilə təltif olunmuşdur

Pedaqoji şura[redaktə | əsas redaktə]

Nizamnaməyə əsasən kollecin Ali idarəetmə orqanı pedaqoji şuradır. Kollecə rəhbərlik direktor tərəfindən həyata keçirilir. Direktor həm də Pedaqoji Şuranın sədridir. İdarəetmədə demokratiya, şəffaflığı, ictimai özünü idarəni gücləndirmək məqsədi ilə kollecdə aşağldakı şuralar fəaliyyət göstərir.

  • Metodiki Şura
  • Tələbə Gənclər Təşkilatı,
  • Həmkarlar komitəsi,
  • Appelyasiya komissiyası

Kollecin idarə edilməsi aşağıdakı struktur bölmələri aşağıdakı şöbələr ilə təsərrüfat şöbəsinin əlaqəli fəaliyyəti ilə aparılır.

  • Daxili nəzarət və monitorinq şöbəsi
  • Mühasibatlıq
  • Kadrlar şöbəsi
  • 4 əyani şöbə
  • 1 qiyabi
  • Tədris şöbəsi
  • 7 Kafedra

Həmkərlar Təşkilatı Komitəsi[redaktə | əsas redaktə]

135 nəfər üzvü olan Hİ təşkilatı işçilərin sosial hüquqlarını müdafiə edən bir qrumdur. HT öz tərkibində müəllimləri və işçiləri birləşdirir. HT müəllim və işçilərin yubileylərini, Milli və Döxlət bayram günlərinin yüksək səviyyədə keçirilməsini təşkil edir.

Fakültələr[redaktə | əsas redaktə]

Bakı Biznes və Kooperasiya Kolleci bir cox ixtisas üzrə kadr hazırlığı aparır. Aparılan islahatların sayəsində bazar iqtisadiyyatının tələblərinə uyğun olaraq kollecdə hal hazırda tam və orta təhsil bazasından göstərilən ixtisaslar üzrə kadr hazırlığı aparılması mümkün olmuşdur.

  • Mühasibat uçotu
  • Maliyyə işi
  • Vergi və vergitutma
  • Bank işi
  • Sığorta işi
  • Menecment
  • Gömrük işi
  • Marketinq
  • Bələdiyyə təsərrüfatlarının təşkili
  • Kommersiya
  • Kompüter şəbəkələrinin və hesablama texnikasının təmiri və servis xidməti
  • İnformasiya texnologiyası sistemləri
  • Turizm və onun təşkili
  • Mehmanxana-turizm və sanatoriya-kurort komplekslərində iaşə və servis
  • İnformatika müəllimliyi
  • Turizm və onun təşkili kimi ixtisaslar üzrə mütəxəssislər

Kitabxana[redaktə | əsas redaktə]

Kollecdə 26 min 500 kitab fondu və sürətli İnternetə qoşulan 15 müasir kompyuterlə təchiz olunmuş kitabxana da fəaliyyət göstərir. Oxu zalını - müasir kompüterlər, dərsliklər, jurnal, qəzetlər təşkil edir.

Beynəlxalq əməkdaşlıq[redaktə | əsas redaktə]

Kollecin beynəlxalq əməkdaşlığı xarici ölkə orta ixtisas təhsili müəssisələri ilə ikitərəfli əməkdaşlığının təhsil problemlərinə həsr olunmuş konfranslarda, təlimlərdə iştirakı, kollecin məzunlarının xarici ölkə universitetlərində təhsillərini davam etdirməsini, kollecə əcnəbi tələbələrin cəlb edilməsini əhatə edir.

Son illərdə kollecdə beynəlxalq əlaqələrin yaranması istiqamətində müəyyən işlər görülmüşdür. Belə ki, Rusiya Federasiyası Moskva Vilayətinin Serpuxovo kolleci ilə, Rusiya Dövlət Humanitar-Texnoloji Universitetin nəzdində fəaliyyət göstərən Likino-Dulevo Politexnik kolleci ilə, Kalininqrad Texnoloji Kolleci ilə ikitərəfli əməkdaşlığa dair müqavilələr imzalanmışdır.

Bundan əlavə Türkiyə Respublikasının Antalya Turizm Akademiyasında tələbələrin yay məktəbinin təşkilinə dair razılaşma əldə olunmuşdur.

Kollecin məzunlarının xarici ölkə Ali təhsil müəssisələrində bakalavr pilləsində təhsillərini davam etdirməsi, onların diplomlarının tanınması istiqamətində Ukrayna Elm və Təhsil Nazirliyinin Beynəlxalq əməkdaşlıq və inteqrasiya idarəsi ilə sıx əməkdaşlığımız var. Son 5 ildə 30 nəfərdən çox məzunumuz Rusiya Federasiyası (3 nəfər) və Ukrayna Respublikasının (27 nəfər) Ali təhsil müəssisələrinin birbaşa 2-ci və ya 3-cü kursuna qəbul olunmaqla təhsillərini davam etdirmişdir.

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. tehsil-press.az
  2. http://bbkk.edu.az/home/az
  3. BBKK haqqında
  4. BBKK