Barbados 4-2 Qrenada (1994)

Vikipediya, azad ensiklopediya
Jump to navigation Jump to search
əlavə vaxtda qızıl qoldan sonra
Tarix 27 yanvar 1994
Yer Barbados Milli Stadionu, Sent-Mişel, Barbados


Barbados 4-2 Qrenada oyunu – 27 yanvar 1994-cü ildə Karib Kubokunun seçmə mərhələsi çərçivəsində A qrupunda baş tutmuş oyun. Turnirdə istifadə olunan qeyri-adi qol sistemi və komandaların qrupdakı mövqeləri, oyunun sonlarında əvvəlcə Barbados millisinin, sonra isə Qrenada millisinin öz qapısına qol vurmağa cəhd etməsinə gətirib çıxarmışdır. Nəticə "futbol tarixinin ən qəribə oyunu" kimi tanınmışdır.[1][2]

Turnirin təşkilatçıları reqlamentdə yeni dəyişiklik etmişdilər. Qrupda hər bir oyunun heç-heçə başa çatması halında əlavə vaxt oynanılacaqdı. Əlavə vaxtda vurulan qızıl qol isə 1 qol yox, 2 qol kimi sayılacaqdı. Barbados millisinin növbəti mərhələyə keçməsi üçün 2 qol fərqi ilə qalib gəlməsi lazım idi. Oyunun sonlarında 2-1 hesabı ilə öndə olan Barbados oyunu əlavə vaxta daşıyıb 2 qol qaydasından yararlanmaq üçün öz qapısına qol vurmuşdur.[1] Həm bir qol fərqi ilə məğlubiyyət (2-3), həm də qələbə (3-2) Qrenada millisini növbəti mərhələyə çıxaracağından oyunun son 7 dəqiqəsində Qrenada millisi həm öz qapısına, həm də Barbadosun qapısına qol vurmağa cəhd etmişdir. Lakin Barbados hər iki qapını müdafiə edə bilmiş, əlavə vaxtda vurduğu qızıl qolla istədiyinə nail olmuşdur.

Arxaplan[redaktə | əsas redaktə]

1994 Karib Kuboku sayca 5-ci dəfə baş tutan Karib Kuboku idi və Trinidad və Tobaqoda keçirilirdi. Seçmə mərhələ 1994-cü ildə Karib adalarının müxtəlif yerlərində baş tuturdu.[3] Barbados, Qrenada və Puerto-Riko milliləri A qrupuna düşmüşdülər. Turnirin təşkilatçıları reqlamentə yenilik gətirmişdilər: oyunların heç-heçə başa çatması halında əlavə vaxt oynanmalı, əlavə vaxtda vurulan qızıl qol isə 2 qol kimi sayılmalı idi.[1] 23 yanvarda Barbados Puerto-Rikoya 0-1 hesabı ilə uduzdu. İki gün sonra Qrenada Puerto-Rikonu qızıl qol sayəsində əlavə vaxtda 2-0 uddu. Bu, Qrenada millisini 3 xal və +2 top fərqi ilə qrupun birincisi etdi.[3] Barbadosun növbəti mərhələyə çıxmaq üçün yeganə şansı Qrenadaya azı +2 top fərqi ilə qalib gəlmək idi.

Oyundan öncə qrupda vəziyyət belə idi:

Komanda O Q B M Vq Bq Tf X
 Qrenada 1 1 0 0 2 0 +2 3
 Puerto-Riko 2 1 0 1 1 2 −1 3
 Barbados 1 0 0 1 0 1 −1 0
23 yanvar 1994
Barbados  0 : 1  Puerto-Riko
Barbados Milli Stadionu, Sent-Mişel

25 yanvar 1994
 Qrenada 2 : 0  Puerto-Riko
Qrenada Milli Stadionu, Sent-Corces

Oyun[redaktə | əsas redaktə]

Oyun Sent-Mişel şəhərindəki Barbados Milli Stadionunda baş tuturdu.[2]

Oyunun əvvəllərində Barbados millisi ehtiyacı olduğu 2 qolu vura bildi. Lakin 83-cü dəqiqədə Qrenada millisi qol vuranda vəziyyət dəyişdi. Barbados millisi bir qol vurub hesabı 3-1 etmədiyi müddətcə, növbəti mərhələyə Qrenada millisi çıxırdı. Barbados bir neçə dəqiqə hücum edib qol vurmağa cəhd etsələr də, bacarmadılar. Bu zaman fərqli taktika seçdilər: heç-heçənin oyunu əlavə vaxta aparacağı və əlavə vaxta bir qolla istədikləri 2 topluq üstünlükləri əldə edə biləcəkdilər. 87-ci dəqiqədə Barbados hücum etməyi dayandırdı və hücumçu Terri Sili ilə qapıçı Horeys Stout aralarında paslaşmağa başladılar. Sonda isə Sili qəsdən öz qapısına qol vurdu.

Hesab 2-2 idi və oyunun başa çatmasına 3 dəqiqə qalırdı. Qrenada oyunçuları barbadosluların taktikasını anladılar və hər iki qapıya qol vuracaqları təqdirdə növbəti mərhələyə keçəcəklərini anladılar. Nəticədə, meydanda qeyri-adi mənzərə yarandı: Qrenada millisi hər iki qapıya vurmağa çalışır, Barbados millisi isə hər iki qapını müdafiə etməyə çalışırdı. Barbados oyunçuları hər iki qapını müdafiə edə bildilər. Oyun 2-2 hesabı ilə başa çatdı və əlavə vaxt a getdi. Əlavə vaxtda Torn qızıl qol vurdu və Barbados millisi 4-2 hesabı ilə qalib gələrək növbəti mərhələyə çıxdı.[2]

Qrupda son vəziyyət bu cür idi:

Komanda O Q B M Vq Bq Tf X
 Barbados 2 1 0 1 4 3 +1 3
 Qrenada 2 1 0 1 4 4 0 3
 Puerto-Riko 2 1 0 1 1 2 −1 3

Cavab[redaktə | əsas redaktə]

Oyun haqqında Böyük Britaniyada "The Guardian"[4] və "The Times"[5] jurnallarında yazılar çap olunsa da, çox diqqət cəlb etməmişdir. Hekayə 2005-ci ildə "İdman qanunu" kitabından sonra danışılmağa başladı.[2] Oyuna diqqət dərhal olmadığından oyunun şəhər əfsanəsi fikri olduğu ortaya çıxdı.[1]

Oyunsonrası mətbuat konfransında Qrenada baş məşqçisi Ceyms Klarkson bu fikirləri səsləndirdi:

" Özümü aldadılmış hiss edirəm. Bu qaydaları qoyan şəxsi dəlixanaya aparmaq lazımdı. Oyun meydanın öz hissəsini səhv salan oyunçularla oynanmamalıdır. Bizim oyunçularımız hətta bilmirdilər ki, hansı istiqamətdə hücum etsinlər: bizim qapıya və ya onların qapısına. Belə şeyi heç vaxt görməmişəm. Futbolda qalib gəlmək üçün sən rəqibə qarşı fərqlənməlisən, rəqib üçün yox.[2] "

Qızıl qol qaydası 1994-cü il Karib Kuboku seçmə mərhələsində 5 dəfə istifadə olundu və növbəti turnirlərdə bir daha tətbiq edilmədi.[3]

Oyundan sonra[redaktə | əsas redaktə]

Karib Kubokunda A qrupuna düşən Barbados Dominika və Qvadelupa ilə heç-heçə oynadı, ev sahibi və turnirin qalibi Triniad və Tobaqoya isə uduzdu. Qrupu 3-cü yerdə başa vurdu və mübarizəni dayandırdı.[3]

Komanda O Q B M Vq Bq Tf X
 Trinidad və Tobaqo 3 2 1 0 7 0 +7 7
 Qvadelupa 3 1 2 0 7 2 +5 5
 Barbados 3 0 2 1 3 5 −2 2
 Dominika 3 0 1 2 1 11 −10 1
7 aprel 1994
 Barbados 1 : 1  Dominika

9 aprel 1994
 Trinidad və Tobaqo 2 : 0  Barbados

11 aprel 1994
 Qvadelupa 2 : 2  Barbados

İstinadlar[redaktə | əsas redaktə]

  1. 1 2 3 4 "Who are the greatest runners up?". The Guardian. May 24, 2011. İstifadə tarixi: March 22, 2012.
  2. 1 2 3 4 5 Gardiner, Simon (2005). Sports Law. London: Routledge Cavendish. 73–74. ISBN 1-85941-894-5.
  3. 1 2 3 4 "Shell Caribbean Cup 1994". Rec.Sport.Soccer Statistics Foundation. July 24, 2003. March 2, 2012 tarixində orijinalından arxivləşdirilib. İstifadə tarixi: January 13, 2012.
  4. "Sixth Column". The Guardian. February 5, 1994.
  5. Andrew Longmore (February 1, 1994). "Absurd Cup Rule Obscures Football's Final Goal". The Times.

Həmçinin bax[redaktə | əsas redaktə]