Baudi Bakuyev

Vikipediya, azad ensiklopediya
Jump to navigation Jump to search
Baudi Bakuyev
Doğum tarixi 1966
Vəfat tarixi 10 oktyabr 2000(2000-10-10)
Vəfat yeri

Baudi Bakuyev (196610 oktyabr 2000, Şatoy rayonu, Çeçenistan) — Çeçen İçkeriya Respublikası milli ordusunun briqada generalı[1], hər iki Çeçenistan müharibəsinin fəal iştirakçısı, çeçen hərbi birləşmələrinin ən "barışmaz" səhra komandirlərindən biri, əsir götürülmüş rus əsgərlərinə xarşı xüssusilə amansızlığı ilə seçilən şəxs[2]. Baudi Bakuyev ÇİR Silahlı Qüvvələrinin Şimal-Qərb Cəbhəsinə[3] və İçkeriyanın Cənub Cəbhəsinə komandanlıq etmişdir[4]. 2000-ci ildə Çeçenistan Respublikasının Şatoy rayonunda öldürülmüşdür.

Bioqrafiya[redaktə | mənbəni redaktə et]

1966-cı ildə anadan olmuşdur. Hər iki Çeçenistan müharibəsində iştirak etmişdir. Müharibələr arası dövrdə Valentin Vlasov və Gennadi Şpiqun[5] da daxil olmaqla çox sayda insanın qaçırılmasının fəal təşkilatçısı olur. ÇİR Daxili İşlər Nazirinin müavini vəzifəsini tutur. Bu müddətdə Məkkəyə həcc ziyarətinə gedir.

İkinci Çeçenistan müharibəsi zamanı Çeçen İçkeriya Respublikası Silahlı Qüvvələrinin Şimal-Qərb Cəbhəsinə, daha sonra Qroznının Staropromıslovski rayonunun müdafiəsinə komandanlıq etmişdir. Fəal döyüşlərin sona çatması ilə Aslan Masxadov ona dağlıq İtum-Kali və Şatoy rayonlarında ÇİR Silahlı Qüvvələrinin Cənub Cəbhəsinə rəhbərlik etməyi tapşırır. Bakuyev silahlıların informasiya dəstəyində də fəal iştirak edir və separatçıların əsas ideoloqu Movladi Uduqova yaxınlaşır. Baudi Bakuyevin müxtəlif mövzulardakı çıxışları tez-tez Qafqaz xəbər saytında yer alır. O, respublikanın ən varlı adamlarından biri hesab olunurdu[6].

10 oktyabr 2000-ci ildə Şaro-Arqun (Çeçenistanın Şatoy rayonu) kəndinin yaxınlığında keçirilən xüsusi əməliyyat zamanı öldürülür[7].

Ailəsi[redaktə | mənbəni redaktə et]

Bakuevlər Qroznıdan 18 kilometr şərqdə yerləşən İlyinovskaya kəndində yaşayırdılar. Müharibədən əvvəl burada çeçenlər və ruslar birlikdə yaşayırdı. 2000-ci ildə Baudinin ölümündən sonra qardaşları Aslan və İdris, eləcə də Zareta adlı bacısının əri öldürülür. Tezliklə Zareta özü infarktdan ölür. Baudinin kiçik qardaşı, 15 yaşlı Daud, Qroznı şəhərinin şimal kənarında mina qurarkən federal qüvvələr və Çeçenistan çevik qüvvət polisi tərəfindən öldürülür. Daudun cəsədi yaxınlarına təhvil verilmir və üstəlik müsəlman adətlərinə görə də dəfn edilir. 2002-ci ildə, bir qrup yaraqlı ilə Bakuevin bacısı Luiza (media nəşrlərində ona Aişat və ya Elina da deyilirdi)Moskvanın Dubrovka teatr mərkəzinə hücum zamanı Federal Təhlükəsizlik Qüvvələrinin xüsusi təyinatlıları tərəfindən güllələnir.

Media nəşrlərində 2003–2004-ci illərdə 1968-ci il təvəllüdlü Luiza Alavdinovnanın adının Dubrovkada törədilmiş terror aktının araşdırılması ilə bağlı cinayət işində tez-tez hallandırılır[8][9].

İstinadlar[redaktə | mənbəni redaktə et]

  1. Кавказский Узел. "В Чечне задержан подозреваемый в участии в отряде боевиков". Кавказский Узел. 2021-10-20 tarixində arxivləşdirilib. İstifadə tarixi: 2020-12-22.
  2. "Ретро-досье на бандглаварей начала 2000-х. Часть 2". Operline (rus). 2014-01-23. 2021-01-10 tarixində orijinalından arxivləşdirilib. İstifadə tarixi: 2021-01-07.
  3. "Новость из прошлого: 21 января 2000 года — Чеченцы заявляют, что взяли в плен генерала Малофеева - ПОЛИТ.РУ". polit.ru. 2021-10-20 tarixində arxivləşdirilib. İstifadə tarixi: 2020-12-21.
  4. "Сегодня из Чечни пришло известие о гибели известного полевого командира Баутдина Бакуева. Новости. Первый канал" (rus). 2021-10-20 tarixində arxivləşdirilib. İstifadə tarixi: 2020-12-22.
  5. "Тайна "Атолла". Часть III". Московский комсомолец. 22 июня 2006. 2018-01-04 tarixində arxivləşdirilib. İstifadə tarixi: 2021-10-20.
  6. "Газета "Коммерсантъ" № 189 от 10.10.2000, стр. 3 Олег Стулов. Убит похититель генерала Шпигуна". 2019-04-15 tarixində arxivləşdirilib. İstifadə tarixi: 2021-10-20.
  7. Вадим Удманцев. "Горячие дни в холодном ущелье". Независимое военное обозрение. 8 декабря 2000. 2014-02-01 tarixində arxivləşdirilib. İstifadə tarixi: 2021-10-20.
  8. "Комсомольская правда" 09.06.2003 Ульяна Скойбеда "Найден мент, пустивший террористов в "Норд-Ост""". 2019-04-15 tarixində arxivləşdirilib. İstifadə tarixi: 2021-10-20.
  9. "Известия. 20.02.2004 Роман Кириллов. Милиционер Игорь Алямкин получил 7 лет за регистрацию террористки, захватившей "Норд-Ост"". 2021-10-20 tarixində arxivləşdirilib. İstifadə tarixi: 2021-10-20.

Mənbə[redaktə | mənbəni redaktə et]