Bebras müsabiqəsi
Bebras müsabiqəsi — bütün dünyada orta məktəb şagirdləri üçün informatika üzrə ildə bir dəfə keçirilən informatika müsabiqəsi. 2024-cü ildə 93 üzv ölkə və 2,5 milyondan çox tələbənin iştirak etdiyi müsabiqə kompüter elmləri üzrə dünyanın ən böyük yarışması sayılır.[1]
Tarixi
[redaktə | vikimətni redaktə et]Bebrasın ideyası ilk dəfə Litvada Vilnüs Universitetinin professoru Valentina Dagiene tərəfindən düşünülüb. Bebras Litva dilində "qunduz" deməkdir.
İlk Bebras müsabiqəsi Litvada 2004-cü ildə keçirilmişdir. Daha sonra digər ölkələrdə qoşulmuşdur. Hazırda dünyanın 50-dən çox ölkəsində hər il Bebras müsabiqəsi keçirilməkdədir.[2]
Müsabiqənin formatı
[redaktə | vikimətni redaktə et]Bebras müsabiqəsi zamanı şagirdlərə 15 tapşırıq verilir. Onlar 40–45 dəqiqə ərzində bu tapşırıqları yerinə yetirməlidirlər. Tapşırıqlar hər biri 5 ədəd olmaqda "asan", "orta" və "çətin" kateqoriyalarına bölünür. Əksər ölkələrdə müsabiqə hər bir iştirakçının işini avtomatik qiymətləndirən veb sistemi vasitəsilə idarə olunur.
Bebras tapşırıqları üzv ölkələr tərəfindən hazırlanır və Beynəlxalq "Bebras Tapşırıq Seminarı" zamanı razılaşdırılır.
Bebras Azərbaycanda
[redaktə | vikimətni redaktə et]"Bebras" İnformatika və Alqoritmik Düşüncə yarışması Azərbaycanda ilk dəfə 2014-cü ilin aprel ayında İsmayıllı şəhərində keçirilib[3]. Daha sonra Elm və Təhsil Nazirliyinin dəstəyi ilə 2014, 2015 və 2016-cı illərdə Bebras həftələri təşkil olunub[4] .
Bu müsabiqələrə Azərbaycanın fərqli bölgələrindən 5000-ə yaxın şagird qatılıb. Həmin bölgələr Bakı, Sumqayıt, Lerik, Gəncə, Mingəçevir, Qax, Xaçmaz, Lənkəran, Mingəçevir və digər şəhərləri əhatə edib.
2017-ci ilə qədər müsabiqə Azərbaycan ACM Bölməsi tərəfindən təşkil edililirdi. 2017-ci ildən sonra Azərbaycanda müsabiqənin fəaliyyəti dayandırılmışdır.
2022-ci ildə Azərbaycanın Bebras üzvlüyü bərpa edilmişdir. Hazırda Bebras müsabiqəsinin Azərbaycan üzrə nümayəndəsi ÖzünÖyrən[5] şirkətidir. 2023-cü ildə 61 şəhər və rayondan olmaqla, 242 məktəb qoşulmuş və 5395 şagird iştirak etmişdir. 2024-cü ildə bu müsabiqəyə 1000-dən çox məktəb qeydiyyatdan keçmişdir[6].
İstinadlar
[redaktə | vikimətni redaktə et]- ↑ "Computer scientists are country's top problem solvers". The Northern Echo (ingilis). 2022-12-26 tarixində arxivləşdirilib. İstifadə tarixi: 2022-08-13.
- ↑ Pluhár, Zsuzsa; Gellér, Barnabás. Auer, Michael E.; Guralnick, David; Simonics, Istvan (redaktorlar ). "International Informatic Challenge in Hungary". Teaching and Learning in a Digital World. Advances in Intelligent Systems and Computing (ingilis). Cham: Springer International Publishing. 716. 2018: 425–435. doi:10.1007/978-3-319-73204-6_47. ISBN 978-3-319-73204-6. 2022-12-26 tarixində arxivləşdirilib. İstifadə tarixi: 2022-12-26.
- ↑ Əliyev, Adil. "İsmayıllıda Bebras müsabiqəsi və ondan alınan təəssüratlar". Azərbaycan Müəllimi. 2 May 2014. 26 December 2022 tarixində arxivləşdirilib.
- ↑ Əliyev, Adil. ""Bebras müsabiqəsinin təşkili üçün müəyyən fond ayrılsın"". Xəbərlər.az. 28 Oktyabr 2015.
- ↑ "Structure of the Bebras Community". 30 Noyabr 2022. Archived from the original on 2023-01-04.
- ↑ ""Bebras İnformatika və Alqoritmik düşüncə müsabiqəsi"nin yarımfinal mərhələsi keçiriləcək". 27 Noyabr 2024.