Belarus Hərbi Hava Qüvvələri

Vikipediya, azad ensiklopediya
Jump to navigation Jump to search
Belarus Hərbi Hava Qüvvələri
Şəkil
Mövcud olduğu illər15 iyun 1992 - günümüzə
ÖlkəBelarus Belarus
TabeçilikBelarus Silahlı Qüvvələri
NövüHərbi Hava Qüvvələri
Fərqlənmə nişanlarıFlag of Belarusian Air Force.svg
Komandirləri
İndiki komandiriGeneral-mayor Oleq Dviqalev

Belarus Hərbi Hava və Hava Hücumundan Müdafiə Qüvvələri (belarusca: Ваенна-паветраныя сілы і войскі супрацьпаветранай абароны Рэспублікі Беларусь) Belarus Silahlı Qüvvələrinin tabeçiliyi altında fəaliyyət göstərən xüsusi hərbi birləşmədir. 1992-ci ildə Belarus ərazisində dislokasiya olunmuş Sovet Hərbi Hava Qüvvələrinin 26-cı Hava Ordusunun əsasında yaradılmışdır.[1]

5 may 1942-ci ildə Qərb cəbhəsinin hava qüvvələrinin əsasında 1-ci Hava Ordusu yaradılmışdır.[2] 10 yanvar 1949-cu ildə rəhbərliyin əmrinə əsasən bu ordunun adı dəyişdirilərək 26-cı Hava Ordusu adlandırılmışdır. 1 may 1988-ci il tarixində SSRİ Müdafiə Nazirliyinin 0018 saylı qərarına əsasən 26-cı Ordu Belarus Hərbi Dairəsinin Hava Qüvvələrinin tərkibinə verilmişdir. 15 may 1992-ci ildə Belarus Respublikası Müdafiə Nazirliyinin 05 saylı əmrinə əsasən 26-cı Hava Ordusu Belarus HHQ-nin tabeçiliyinə verilmişdir.

Belarus HHQ-nin Rusiya HHQ ilə çox yaxın əlaqələri var.[3][4][5]

Qəzalar[redaktə | əsas redaktə]

30 avqust 2009-cu ildə Polşanın Radom şəhərində Aviaşounun ikinci günü bir ədəd Su-27UBM döyüş təyyarəsi qəzaya uğramışdır.[6][7]

21 aprel 2010-cu ildə təlimlər zamanı iki ədəd MiQ-29 döyüş təyyarəsi toqquşmuşdur. Təyyarələrdən biri yerə təhlükəsiz şəkildə eniş edə bilsə də, digəri qəzaya uğramışdır.[8]

23 sentyabr 2010-cu ildə bir ədəd MiQ-29 qəzaya uğramışdır.[9]

29 noyabr 2011-ci ildə bir ədəd Mi-24 döyüş helikopteri Novye Zasimoviçi kəndi yaxınlığındakı meşəlik ərazidə qəzaya uğramış, nəticədə hər üç ekipaj üzvü həlak olmuşdur.[10][11]

12 iyun 2012-ci ildə bir ədəd Su-25 kiçik bir kəndin yaxınlığında qəzaya uğramışdır. Qəzanın baş vermə səbəbi pilot Nikolay Qridnyovun aşağı hündürlükdə manevr edərkən idarəetməni itirməsi olmuşdur.[12][13]

11 noyabr 2014-cü ildə bir ədəd MiQ-29 qəzaya uğramışdır.[14]

23 fevral 2017-ci ildə bir ədəd MiQ-29 havalanarkən mühərrikdə baş verən yanğın səbəbilə təyyarə qəzaya uğramış, pilot katapult edərək sağ qalmışdır.

Gələcək planlar[redaktə | əsas redaktə]

Gələcək planlara görə, Belarus Rusiyadan 18 ədəd Su-30K və ya Su-30KN tipi döyüş təyyarəsi almağı hədəfləyir. Rusiya bu qırıcıların hər birini 5 milyon dollar qarşılığında modernizasiya edir. Belarus da bu modernizasiya proqramında iştirak edərək bir neçə Su-30KN döyüş təyyarəsi almaq niyyətindədir.[15]

Bundan başqa, Belarus və Rusiya 2015-ci ildə dörd ədəd Yak-130 yüngül hücum təyyarəsinin satın alınması haqqında müqavilə imzalamışdır.[16][17][18]

Təchizatı[redaktə | əsas redaktə]

Uçuş avadanlığı İstehsalçı ölkə Növü Variantı Sayı Əlavə məlumat
Döyüş təyyarəsi
MiQ-29 SSRİ SSRİ Çoxməqsədli qırıcı 43[19] 13-ü MiQ-29BM səviyyəsində modernizasiya olunmuşdur[20]
Su-25 SSRİ SSRİ Hücum təyyarəsi 68[19]
Su-30 Rusiya Rusiya Döyüş təyyarəsi 12 ədəd sifariş verilib[19][21]
Hərbi nəqliyyat təyyarəsi
İlyuşin İl-76 SSRİ SSRİ Hərbi nəqliyyat təyyarəsi 2[19]
Antonov An-26 SSRİ SSRİ/Ukrayna Ukrayna Nəqliyyat 3[19]
Helikopter
Mil Mi-8 SSRİ SSRİ/Rusiya Rusiya Hərbi-nəqliyyat 30 Əlavə 6 ədəd sifariş verilib[19]
Mi-24 SSRİ SSRİ Döyüş helikopteri 21[19]
Mi-26 SSRİ SSRİ Nəqliyyat 5[19]
Təlim təyyarəsi
Yak-130 Rusiya Rusiya Təlim/yüngül hücum təyyarəsi 8[19]
Aero L-39 Albatros Çexiya Çexiya Təlim 10[19]
Mi-2 Polşa Polşa Təlim 6[19]

Həmçinin bax[redaktə | əsas redaktə]

İstinadlar[redaktə | əsas redaktə]

  1. "The Military Balance 2014"., 5 fevral 2014.
  2. Belarusian Ministry of Defence, http://www.mod.mil.by/s37sprawka.html
  3. White October Ltd. "The Conventional Imbalance and Debate on Russian Non-Strategic Nuclear Weapons".
  4. "Defence Statistics 2013" 1 avqust 2013
  5. "Defence Statistics 2014" 15 may 2014
  6. "BelaPAN. In pictures: Funeral for two Air Force pilots in Baranavichy".
  7. "Belarus to modernize its fleet of Sukhoi Su-27 jet fighter" (28 avqust 2017).
  8. Harro Ranter. "ASN Aircraft accident 21-APR-2010 MiG-29 Fulcrum".
  9. Harro Ranter. "ASN Aircraft accident 23-SEP-2010 MiG-29UB 63".
  10. Harro Ranter. "ASN Aircraft accident 29-NOV-2011 Mil Mi-24 01 white".
  11. "Military helicopter crashes in Pruzhany killing crew - Charter'97 :: News from Belarus - Belarusian News - Republic of Belarus - Minsk".
  12. Harro Ranter. "ASN Aircraft accident 12-JUN-2012 Sukhoi Su-25".
  13. "Belarussian Su 25 crashes, pilot choses not to eject to save civilians". Indian Defence Forum.
  14. "Archived copy". 28 avqust 2017 tarixində arxivləşdirilib. İstifadə tarixi: 28 avqust 2017.
  15. http://en.rian.ru/mlitary_news/20110916/166882507.html
  16. "Russia to Deliver Four Warplanes to Belarus in 2015".
  17. "Belarusian army: between disarmament and optimisation". UDF.BY -.
  18. John Pike. "Belarus Air and Air Defense Force".
  19. 19,00 19,01 19,02 19,03 19,04 19,05 19,06 19,07 19,08 19,09 19,10 "World Air Forces 2017". Flightglobal Insight (2017).
  20. "Музей авиационной техники-Боровая". museum.ucoz.ru.
  21. http://www.belaruspartisan.org/politic/384748/

Xarici keçidlər[redaktə | əsas redaktə]

Vikianbarda Belarus Hərbi Hava Qüvvələri ilə əlaqəli mediafayllar var.