Belarus Metallurgiya Zavodu

Vikipediya, azad ensiklopediya
Jump to navigation Jump to search
Belarus Metallurgiya Zavodu
Tipi Açıq Səhmdar Cəmiyyəti
Yaranma tarixi 1984
Rəhbərlik Domatenko Fyodor Aleksandroviç[1]
Sənaye Metallurgiya
Məhsulu polad
İşçi sayı 11001 (2015-in ikinci rübü)[2]
Sayt www.belsteel.com

Belarus metallurgiya zavodu (belar. Беларускі металургічны завод; БМЗ) — Belarusun Jlobim şəhərində yerləşən qara metallurgiya zavodu. Müəssisədə ümumilikdə 11 min insan işləyir. Avropada öz təyinatına görə ən böyük müəssisə sayılır. "Belarus metallurgiya şirkəti" holdinqinin idarəedici şirkətidir.

Təşkilatlanma tarixi[redaktə | mənbəni redaktə et]

Metallurgiya zavodu "Voestalpine" (Avstriya) və "Danieli" (İtaliya) və digər şirkətlərin dəstəyi ilə təşkil edilmişdir. Zavodun ilk istehsal gücü illik 700 min ton polad təşkil edirdi. Müəssisə ilk istehsalını 15 oktyabr 1984-cü ildə gerçəkləşdirmişdir. Belarus Metallurgiya Zavodunun ilk direktoru Derojant Levonoviç Akopov olmuşdur.

İstehsal strukturu[redaktə | mənbəni redaktə et]

Belarus Metallurgiya Zavodu 4 strukturdan ibarətdir. Bura poladəritmə, prokat, boru və metal məmulatların istehsalı daxildir. Sex infrastrukturu istehsalın əsas özəyini təşkil edir. Boru istehsalı boru-prokat sexində gerçəkləşdirilir.

Müasir vəziyyət[redaktə | mənbəni redaktə et]

Belarus Metallurgiya Zavodu Avropa səviyyəli mini zavodlardan təşkil edilmiş Belarusun unikal metallurgiya müəssisəsidir. Artıq üç on illik ərzində uğurla fəaliyyətini davam etdirir. BMZ dövlətin milli sərvəti hesab edilir və yüksək texnoloji istehsalat müəssisələrinin reyestrinə daxil edilmişdir.

Dünya təcrübəsinə arxalanmaq və müasir texnologiyaların tətbiqi Jlobin şəhərində unikal bir istehsalat müəssisəsinin meydana gəlməsinə səbəb olmuşdur.

Məhsulların ixracı[redaktə | mənbəni redaktə et]

BMZ – ölkənin iqtisadi təhlükəsizliyinin təminatçısı rolunu oynayır. İstehsal olunan məhsulların 85%-dən çoxu ixrac olunur. Burada istehsal edilən məhsullar dünyanın 50 ölkəsinə ixrac edilir. Burada müxtəlif təyinatlı armatur, boru, fiber və prokat məhsullar istehsal edilir.

2006-cı il islahatı[redaktə | mənbəni redaktə et]

Belarus prezidentinin 60 saylı qərarına əsasən[3] müstəqil müəssisə olan "Belarus Metallurgiya Zavodu" respublika unitar müəssisəsi "Belarus Metallurgiya Zavodu" İstehsalat Birliyinin tərkibinə daxil edilmişdir.

2012-ci il islahatı[redaktə | mənbəni redaktə et]

2 yanvar 2012-ci ildə "Belarus Metallurgiya Zavodu" respublika unitar müəssisəsi "Belarus Metallurgiya Zavodu" Açıq Səhmdar Cəmiyyətinə çevrilmişdir.

24 avust 2012-ci ildən "BMZ" ASC "Belarus metallurgiya şirkəti" holdinqinin idarəedici şirkətidir.

Mənbə[redaktə | mənbəni redaktə et]

İstinadlar[redaktə | mənbəni redaktə et]