Beliz 2008 Yay Olimpiya Oyunlarında

Vikipediya, açıq ensiklopediya
Jump to navigation Jump to search
Beliz Olimpiya Oyunlarında

Beliz bayrağı
BOK kodu  BIZ
MOK Beliz Olimpiya və Birlik Oyunları Assosiasiyası
2008 Yay Olimpiya Oyunları
Pekin
İştirakçılar 4 idmançı[1] (idman növü:2)
Bayraqdar Conatan Uilyams (Açılış)
Trisiya Flores (Bağlanış)
Medallar
Yer: 0
Qızıl
0
Gümüş
0
Bürünc
0
Ümumi
0
Olimpiya tarixi (yekun)
Yay Olimpiya Oyunları

1968*  • 1972*  • 1976  • 1980  • 1984  • 1988  • 1996  • 2000  • 2004  • 2008  • 2012  • 2016

* Britaniya Hondurası adı altında

Beliz, 2008-ci ildə Çin Xalq Respublikasının paytaxtı Pekin şəhərində keçirilmiş XXIX Yay Olimpiya Oyunlarında 4 idmançı ilə 2 idman növündə təmsil olunub. Bu olimpiada Belizin müstəqil ölkə kimi yarışlara qatıldığı sayca səkkizinci, ümumilikdə isə onuncu olimpiada idi. Beliz 1968-ci il Mexiko1972-ci il Münhen olimpiadaları zamanı Böyük Britaniyanın müstəmləkəsi olduğundan, yarışlarda "Britaniya Hondurası" adı altında çıxış etmişdir.

Tarixləri ərzində Yay Olimpiya Oyunlarında medal qazana bilməyən belizli idmançılar, bu oyunlarda da medal qazana bilmədilər. Kişilər arasında 400 metr məsafəyə maneələrlə qaçış yarışında iştirak edən atlet Conatan Uilyams ilkin mərhələni keçərək yarımfinala yüksəldi və bununla da olimpiya yarışlarında növbəti mərhələyə yüksələ bilən ilk belizli atlet oldu. Uilyams yarımfinal mərhələsində finala çıxa bilmək üçün lazım olan nəticəni əldə edə bilmədi və olimpiadada iştirakını dayandırdı. Kişilər arasında 200 metr məsafəyə qaçış yarışında iştirak edən Ceyson Cons ilə qadınlar arasında uzunluğa tullanma yarışlarında iştirak edən Trisiya Flores isə ilkin mərhələni keçə bilmədilər. Kişilər arasında 58 kq çəki dərəcəsində mübarizə aparan taekvondoçu Alfonso Martinez ilk görüşündəcə ispaniyalı rəqibinə uduzaraq mübarizəni dayandırdı.

Ümumi məlumat[redaktə | əsas redaktə]

Belizin Olimpiya Oyunlarında debütü 1968-ci ildə Mexiko şəhərində keçirilmiş XIX Yay Olimpiya Oyunlarında baş tutub. O vaxtdan Beliz 1980-ci il Moskva olimpiadası istisna olmaqla, bütün Yay Olimpiya Oyunlarında iştirak edib. Beliz Pekin olimpiadası da daxil olmaqla, ümumilikdə Yay Olimpiya Oyunlarında 46 idmançı ilə təmsil olunmuşdur.[2] Beliz 1968-ci il Mexiko1972-ci il Münhen olimpiadaları zamanı Böyük Britaniyanın müstəmləkəsi olduğundan, yarışlarda "Britaniya Hondurası" adı altında çıxış etmişdir.[3][4] Beliz 19682008-ci illər arasında Olimpiya Oyunlarında medal qazana bilməmişdi.

Beliz nümayəndə heyəti Pekinə Amerika Birləşmiş Ştatlarının Los-Anceles şəhərindən gəlib. Nümayəndə heyətinin tərkibi 4 idmançıdan əlavə 8 vəzifəli şəxs və Belizi Olimpiya Gənclik Düşərgəsində təmsil edəcək 2 tələbədən ibarət idi.[5] "Pekin Milli Stadionu"nda keçirilən açılış mərasiminin rəsmi paradında Beliz nümayəndə heyəti sayca 100-cü sırada meydana çıxıb. Açılış mərasimində Beliz bayrağını atlet Conatan Uilyams,[6] bağlanış mərasimində isə digər atlet Trisiya Flores daşıyıb.[7]

Atletika[redaktə | əsas redaktə]

Kişilər[redaktə | əsas redaktə]

Yüngül atletika yarışlarının keçirildiyi "Pekin Milli Stadionu".

1977-ci ildə Almaniyada doğulan Florida Ştat Universitetinin futbol komandasının üzvü sprinter Ceyson Cons Belizi o vaxta qədər bir dəfə Yay Olimpiya Oyunlarında təmsil etmişdi. O, 2000-ci ildə Sidneydə təşkil olunmuş XXVII Yay Olimpiya Oyunlarında 200 metr məsafəyə qaçış yarışında mübarizə aparmışdı. Dörd il sonra Cons Afinada keçirilmiş XXVIII Yay Olimpiya Oyunlarına vəsiqə qazanmağı bacarmış, lakin aldığı zədə səbəbindən yarışlarda iştirak edə bilməmişdir. Pekin Yay Olimpiya Oyunları Consun karyerasında qatıldığı sayca ikinci olimpiada idi. O, Beliz nümayəndə heyəti üzvləri arasında daha öncə Olimpiada təcrübəsi yaşamış yeganə idmançı idi.[8] Avqustun 17-də "Pekin Milli Stadionu"nda keçirilən 200 metr məsafəyə qaçış yarışının təsnifat mərhələsində iştirak edən Cons, 21.54 saniyə göstəricisi ilə öz qaçışı nəticəsində 6-cı yerdə qərarlaşaraq yarışların ikinci mərhələsinə yüksələ bilmədi.[9] O, ümumi sıralamada 66 atlet arasında yalnız 53-cü ola bildi.[9]

1983-cü ildə ABŞ-ın Kaliforniya ştatının Los-Anceles şəhərində doğulan atlet Conatan Uilyams, Pekində Belizi 400 metr məsafəyə maneələrlə qaçış yarışında təmsil edib. O, Beliz vətəndaşlığını 2006-cı ildə alıb. Pekin olimpiadası idmançının qatıldığı ilk olimpiya oyunları idi.[10] Avqustun 17-də 400 metr məsafəyə maneələrlə qaçış yarışının birinci təsnifat mərhələsi keçirilib. Uilyams 49.61 saniyə göstəricisi ilə öz qaçışı nəticəsində 4-cü yerdə qərarlaşaraq yarışların ikinci mərhələsinə yüksəlib.[11] O, finişə beşinci gələn və ikinci mərhələyə yüksələ bilməyən yaponiyalı Kenci Narisakodan cəmi 0.02 saniyə üstün olub. Uilyams birinci təsnifat mərhələsinin ümumi sıralamasında 26 atlet arasında 16-cı olub. O, olimpiya yarışlarında növbəti mərhələyə yüksəlməyi bacaran ilk belizli idmançı kimi tarixə düşüb.[12] Uilyams avqustun 16-da aralarında amerikalı Kerron Klemt və yamaykalı Denni Makfarleynində olduğu ikinci yarımfinalda mübarizə aparıb. O, 49.64 saniyə göstəricisi ilə öz qaçışında 8 atlet arasında 6-cı, yarımfinalın ümumi sıralamasında isə 16 atlet arasında 13-cü olduğuna görə yarışların final mərhələsinə adlaya bilməyib.[11]

Qadınlar[redaktə | əsas redaktə]

Beliz Universitetinin keçmiş tələbəsi Trisiya Flores 2008 Yay Olimpiya Oyunlarında Belizi uzunluğa tullanma yarışlarında təmsil edib. O, bu olimpiya oyunlarında Belizi təmsil edən yeganə qadın idmançı idi.[13] Pekin olimpiadası idmançının qatıldığı ilk Olimpiya Oyunları idi. Flores avqustun 18-də aralarında braziliyalı Mauren Hiqa Maqqi, amerikalı Qreys Apşou və isveçli Karolina Klüftün də olduğu A qrupunda 21 idmançıya qarşı mübarizə aparıb. O, 5.25 metrlik dərəcə ilə A qrupunu 19-cu sırada tamamlayıb və final mərhələsinə yüksələ bilməyib. Ümumi sıralamada isə dərəcə ala bilməyən dörd atleti keçərək 42 idmançı arasında 38-ci yeri tutub.[14]

Açar söz
  • Qeyd–Yalnız idmançıların tutduğu yer haqqında məlumatlar verilir
  • Q = Növbəti mərhələyə vəsiqə qazanıb
  • q = Seçmə mərhələ üzrə ən sürətli məğlub kimi növbəti mərhələyə vəsiqə qazanıb
  • ÖR = Ölkə rekordu
  • N/A = Yarışlar üçün tətbiq olunmur
  • Bye = Atlet növbəti mərhələyə vəsiqə qazanmayıb
Kişilər
Atlet Yarış Təsnifat mərhələsi Dörddəbir final Yarımfinal Final Yer
Nəticə Yer Nəticə Yer Nəticə Yer Nəticə Yer
Ceyson Cons 200 m 21,54 6 Keçə bilməyib 53
Conatan Uilyams 400 m maneələrlə 49,61 4
bilinmir
49,64 6 Keçə bilməyib 13
Qadınlar
Atlet Yarış Təsnifat mərhələsi Final Yer
Nəticə Yer Nəticə Yer
Trisiya Flores Uzunluğa tullanma 5,25 38 Keçə bilməyib 38

Taekvondo[redaktə | əsas redaktə]

Alfonso Martinez 2008 Yay Olimpiya Oyunlarında Belizi taekvondo idman növündə təmsil edib. O, Olimpiya Oyunları tarixində Belizi təmsil edən ilk taekvondoçu kimi tarixə düşüb. −58 kq çəki dərəcəsində mübarizə aparan Martinez yarışa 1/16 finaldan start verib.[15] O, 20 avqust tarixində keçirilən görüşdə ikiqat dünya və Avropa çempionu olan ispaniyalı Xuan Antonio Ramosa 1-2 hesabı ilə məğlub olaraq turnirdə mübarizəni dayandırıb.[16]

İdmançı Yarış 1/16 final Dörddəbir final Yarımfinal Təsəlliverici qrup Bürünc Medal Final
Rəqib
Nəticə
Rəqib
Nəticə
Rəqib
Nəticə
Rəqib
Nəticə
Rəqib
Nəticə
Rəqib
Nəticə
Yer
Alfonso Martinez −58 kq
Flag of Spain.svg Ramos (İSP)
M 1:2
Keçə bilməyib

İstinadlar[redaktə | əsas redaktə]

  1. "Belize Sending 4 Athletes to Beijing Olympic" (İngiliscə). 7 News Belize. 6 Avqust 2008. Arxivləşdirilib: [1] saytından 16 Aprel 2014 tarixində. https://web.archive.org/web/20140416182153/http://www.7newsbelize.com/sstory.php?nid=11878.
  2. "Belize" (İngiliscə). Sports-reference.com. 2008. Arxivləşdirilib: [2] saytından 5 Sentyabr 2015 tarixində. http://web.archive.org/web/20150905223446/http://www.sports-reference.com/olympics/countries/BIZ/.
  3. "Official Report of the Organizing Committee for the Games of the XIX Olympiad" (İngiliscə). Beynəlxalq Olimpiya Komitəsi. 1968. Arxivləşdirilib: [3] saytından 29 Iyun 2012 tarixində. http://web.archive.org/web/20120629114811/http://www.la84foundation.org/6oic/OfficialReports/1968/1968v3pt1.pdf.
  4. "Official Report of the Organizing Committee for the Games of the XXth Olympiad". Beynəlxalq Olimpiya Komitəsi. 1972. pp. 550. Arxivləşdirilib: [4] saytından 16 İyul 2012 tarixində. http://web.archive.org/web/20120716082256/http://www.la84foundation.org/6oic/OfficialReports/1972/1972s3.pdf.
  5. Hernandez, Kim (26 Avqust 2008). "For the want of a Belizean flag" (İngiliscə). Los-Anceles. Arxivləşdirilib: [5] saytından 12 Dekabr 2014 tarixində. https://web.archive.org/web/20141212211030/http://amandala.com.bz/news/for-the-want-of-a-belizean-flag/.
  6. "List of Flagbearers Bejing 2008" (İngiliscə) (PDF). Beynəlxalq Olimpiya Komitəsi. 2008. Arxivləşdirilib: [6] saytından 22 Avqust 2011 tarixində. http://web.archive.org/web/20110822175804/http://multimedia.olympic.org/pdf/en_report_1344.pdf.
  7. ""List of Flagbearers Beijing 2008 - Closing Ceremony"". olympic.org. http://www.olympic.org/Documents/Reports/EN/en_report_1362.pdf.
  8. McVeigh, Alex (29 Avqust 2008). "On Your Mark: A Conversation With Olympic Sprinter Jayson Jones" (İngiliscə). Bleacher Report. Arxivləşdirilib: [7] saytından 16 Aprel 2014 tarixində. https://web.archive.org/web/20140416204439/http://bleacherreport.com/articles/52150-on-your-mark-a-conversation-with-olympic-sprinter-jayson-jones.
  9. 9,0 9,1 "2008 Summer Olympics Results - Track and Field - Men's 200m Results" (İngiliscə). ESPN. 2008. Arxivləşdirilib: [8] saytından 12 Avqust 2014 tarixində. https://web.archive.org/web/20140812103519/http://sports.espn.go.com/oly/summer08/results?eventId=207.
  10. "Jonathan Williams". Sports-reference.com. 2008. http://www.sports-reference.com/olympics/athletes/wi/jonathan-williams-1.html. İstifadə tarixi: 29 May 2012.
  11. 11,0 11,1 "2008 Summer Olympics Results - Track and Field - Men's 400m Hurdles Results". Beijing 2008. ESPN. 2008. http://sports.espn.go.com/oly/summer08/results?eventId=190. İstifadə tarixi: 29 May 2012.
  12. "Jonathon Williams Makes History for Belize in Beijing" (İngiliscэ). 7 News Belize. 15 Avqust 2008. Arxivləşdirilib: [9] saytından 16 Aprel 2014 tarixində. https://web.archive.org/web/20140416182713/http://7newsbelize.com/sstory.php?nid=11955.
  13. "Tricia Flores" (İngiliscə). Sports-reference.com. 2008. http://www.sports-reference.com/olympics/athletes/fl/tricia-flores-1.html.
  14. "2008 Summer Olympics Results - Track and Field - Women's Long Jump Results" (İngiliscə). ESPN. 2008. Arxivləşdirilib: [10] saytından 12 Avqust 2014 tarixində. https://web.archive.org/web/20140812044416/http://sports.espn.go.com/oly/summer08/results?eventId=352.
  15. "Belize Taekwondo at the 2008 Beijing Summer Games" (İngiliscə). Sports-reference.com. 2008. Arxivləşdirilib: [11] saytından 13 Dekabr 2014 tarixində. http://web.archive.org/web/20141213015126/http://www.sports-reference.com/olympics/countries/BIZ/summer/2008/TKW/.
  16. "2008 Summer Olympics Results - Taekwondo - Men's Under 58kg Results" (İngiliscə). ESPN. 2008. Arxivləşdirilib: [12] saytından 26 Sentyabr 2014 tarixində. https://web.archive.org/web/20080926145340/http://sports.espn.go.com/oly/summer08/results?eventId=319.

Xarici keçidlər[redaktə | əsas redaktə]