Beynəlxalq Sülh Bürosu
| Beynəlxalq Sülh Bürosu BSB | |
|---|---|
 Beynəlxalq Sülh Bürosunun loqosu | |
 | |
| Növü | Qeyri-hökumət təşkilatı |
| Təsis edilib | 13 noyabr 1981 |
| Baş ofisin yeri | |
| Qurucusu | Reiner Braun |
| Prezident | Lisa Klark |
| Mükafatları |
 |
| www.ipb.org | |
 Vikianbarda əlaqəli mediafayllar | |
Beynəlxalq Sülh Bürosu (ing. International Peace Bureau) — dünyanın ən qədim barışıq təşkilatı, 1891-ci ildə təsis edilmişdir.
Tarixi
[redaktə | vikimətni redaktə et]Təşkilat 1891-ci ildə Romada keçirilmiş Beynəlxalq Sülh Konqresinin yekunlarına əsasən yaradılmışdır.[2] Büronun təsisçilərindən biri, həmçinin onun ilk sədri danimarkalı siyasətçi Fredrik Bayer 1908-ci ildə Nobel Sülh Mükafatını aldı. Eli Dyukommen təşkilatın birinci baş katibi idi və 1902-ci ildə Nobel Sülh Mükafatına layiq görülmüşdü. 1906-cı ildə Dyukommen ölümünə qədər qurumun katibi olaraq işi davam etdirdi və yerinə İsveçrə hüquqşünası olan və Nobel Sülh Mükafatçısı Alber Qoba gəldi.
BSB-nun əsas vəzifələri
[redaktə | vikimətni redaktə et]Beynəlxalq Sülh Bürosunun əsas vəzifələri beynəlxalq konfransların təşkili və keçirilməsi, sülhün təbliği, həmçinin pasifist qrup və müəssisələrin arasında əlaqələrin saxlanması idi. Büro, beynəlxalq hüquq çərçivəsində 7 əsas prinsip tərtib etmişdir.[2]
- Xalqların/ölkələrin vəzifələri və mənəvi dəyərləri eyni insanların vəzifələri və mənəviyyatları olaraq qəbul edilir.
- Bir insanın başqalarını öz üzərində mühakimə etmək və icra etmək hüququ olmadığı kimi, bir dövlət də digərinə hökm edə və müharibə elan edə bilməz.
- Xalqlar arasında fikir ayrılıqları qanunlar çərçivəsində izah edilməlidir.
- Fərdlərin qanuni müdafiə hüququ olduğu kimi, xalqların da öz əmlaklarını başqalarından qorumaq hüququna malikdirlər.
- İşğal vasitəsilə hüquq elan edilə bilməz.
- Hər bir xalqın idarəetmə və azad olmaq üçün ayrılmaz və əvəzedilməz hüquqları vardır.
- Hər bir xalqın öz müqəddəratını təyinetmə hüququ toxunulmazdır.
İsveçrənin paytaxtı olan Bern şəhəri, qurumun qərargahı seçildi və ən yüksək səviyyəli qərar qəbuletmə konqresi illik iclaslarını orada keçirdi.[3]
Tərksilaha dair konfranslar təşkil etdiyinə görə hərəkat 1910-cu ildə Nobel Sülh Mükafatına layiq görülmüşdür.[4][5]
Birinci Dünya müharibəsi zamanı fəaliyyətini dayandıran təşkilat öz işini yenidən davam etdirək, qeyri-hökumət təşkilatlarının humanitar fəaliyyətinə diqqət yetirmişdir. Müharibədən sonra qurum sülh siyasətində həlledici rol oynaya bilmədi.
1924-cü ildə təşkilatın katibliyi Cenevrəyə köçdü, konfranslarda iştirak azaldı. İkinci Dünya müharibəsinin başlaması ilə Beynəlxalq Sülh Bürosu yenidən fəaliyyətini dayandırdı.[3][6]
İstinadlar
[redaktə | vikimətni redaktə et]- ↑ Internationales Friedensbureau. // 20th Century Press Archives.
- 1 2 "Over a Century of Peace-Making". International Peace Bureau. 15 aprel 2013 tarixində orijinalından arxivləşdirilib. İstifadə tarixi: 14 fevral 2012.
- 1 2 Lundestad, Geir. "The Nobel Peace Prize, 1901–2000". Nobel Foundation. 15 mart 2001. 19 dekabr 2008 tarixində arxivləşdirilib. İstifadə tarixi: 6 oktyabr 2011.
- ↑ "Award Ceremony Speech (1910)". Nobel Foundation. 6 oktyabr 2011 tarixində arxivləşdirilib. İstifadə tarixi: 6 oktyabr 2011.
- ↑ "The Nobel Peace Prize 1910". Nobel Foundation. 12 oktyabr 2008 tarixində arxivləşdirilib. İstifadə tarixi: 6 oktyabr 2011.
- ↑ "The Nobel Peace Prize 1913". Nobel Foundation. 19 oktyabr 2008 tarixində arxivləşdirilib. İstifadə tarixi: 6 oktyabr 2011.