Blui

Blui
ing. Bluey
Rolları səsləndirənlər	Rouz Birn, Keyt Miller-Haydki, Eva Mendes, Natali Portman
Ölkə	Avstraliya
Dil	ingilis dili
Mövsümlərin sayı	3
Seriyaların sayı	154
Seriyanın müddəti	7 dəq
Telekanal	ABC Kids
IMDb	ID7678620
Rəsmi saytı

Blui (ing. Bluey) — 1 oktyabr 2018-ci ildən ABC Kids telekanalında yayımlanan Avstraliya istehsalı məktəbəqədər uşaqlar üçün cizgi serialı. Proqram Co Bramm tərəfindən yaradılıb. Animasiyası Kvinslenddə yerləşən "Ludo Studio" şirkəti tərəfindən hazırlanmışdır. Serial ilk olaraq ABŞ-də Disney Junior kanalında nümayiş etdirilib və hal-hazırda digər ölkələrdə Disney+ striminq platformasından izləmək mümkündür.

Altı yaşlı mavi çoban küçüyü olan Blui, həyat eşqi ilə dolu, xəyalları sərhəd tanımayan və dünyaya maraqla baxan bir balacadır. Balaca küçük atası Bandit, anası Çili və kiçik bacısı Binqo ilə birgə yaşayır. Binqo, bütün günü Blui ilə xəyali oyunlar qurub, macəra dolu anlara şərik olur. Serialda hər obrazın özünəməxsus xüsusiyyətləri var və müxtəlif it cinslərini təmsil edirlər. Serialın əsas qayəsi ailə dəyərləri, böyümə prosesi və Avstraliya mədəniyyətinin incəlikləridir. Kvinslend ştatında yaradılan serialın hadisələri paytaxt Brisbenin ab-havasını əks etdirir.