Bokkoni Universiteti

Vikipediya, açıq ensiklopediya
Keçid et: naviqasiya, axtar

Bokkoni Universiteti
it. Università Commerciale Luigi Bocconi

Universitetin emblemi
Yaranma tarixi 10 noyabr 1902
Tip Özəl
Rektor Andrea Sironi
Tələbə sayı 13.404 (7 yanvar 2015)[1]
Koordinat 45°27′1″N 9°11′23″E / 45.45028°N 9.18972°E / 45.45028; 9.18972Koordinatlar: 45°27′1″N 9°11′23″E / 45.45028°N 9.18972°E / 45.45028; 9.18972
Ünvan İtaliya, Milan şəhəri
Vebsayt www.unibocconi.eu

Bokkoni Universiteti və ya tam adı Luici Bakkoni adına Kommersiya Universiteti (it. Università Commerciale Luigi Bocconi) — İtaliyanın Milan şəhərində yerləşən ali təhsil müəssisəsi; biznes sahəsi üzrə ixtisaslaşan məşhur ali təhsil ocaqlarından biri.

Tarixi[redaktə | əsas redaktə]

Universitet 10 noyabr 1902-ci ildə fəaliyyətə başlamışdır.

Luici Bakkoni

Universitet məşhur biznesmen və xeyriyyəçi Ferdinand Bokkoninin oğlu Luici Bakkoninin şərəfinə belə adlandırılmışdır.[2] Həmçinin bu ali təhsil müəssisəsi həmin biznesmenin maliyyələşdirməsi sayəsində yaradılmışdır.[2] Sahibkar Birinci İtaliya-Həbəşistan müharibəsi zamanı 1 mart 1896-cı ildə Adua döyüşündə həlak olmuş oğlu Luicinin adını şərəfləndirmək və yaşatmaq qərarına gəlmişdi.[2] Bu döyüşlərdə İtaliya Həbəşistana tam məğlub olaraq 11 mindən çox insan itirmişdir.[2]

Bu ali məktəb İtaliyada məzunların iqtisadçı diplomu əldə etdiyi ilk təhsil müəssisəsi idi.[2]

Fəaliyyəti[redaktə | əsas redaktə]

Ferdinand Bokkoni tərəfindən yaradılan universitet italyan iqtisadiyyatını irəli çəkə bilən mütəxəssislərin yetişdirilməsi məqsədilə fəaliyyət göstərir.[2] Universitet həmçinin real dünya, innovasiyalar və intellektual azadlıq prinsipləri əsasında təşkil edilmişdir.[2]

Universitetdə iqtisadiyyat, menecment və digər ixtisaslar üzrə bakalavr, magistr və elmlər doktoru (PhD) dərəcəsi almaq mümkündür.[2] MBA diplomuna isə SDA Bokkoni Menecment məktəbində təhsil almaqla əldə edilə bilər.[2] Bundan əlavə, universitet ixtisasın artırılması və biznesin müxtəlif növləri üzrə yüzlərlə proqram təklif edir.[2]

Əcnəbi tələbələr üçün təhsil imkanları[redaktə | əsas redaktə]

Bokkoni Universitetinin əcnəbi tələbələr üçün əlavə cəlbedici cəhəti tək italyan dilində deyil, ingilis dilində də tədrisin aparılması, həmçinin təqaüdün əlçatan olmasıdır.[2]

Reytinqi[redaktə | əsas redaktə]

"Vol Strit" jurnalının (ing. "The Wall Street Journal") apardığı reytinq sıralamasına görə dünyada fəaliyyət göstərən 20 ən yaxşı biznes ali məktəbi sırasına daxil olub.[3]

Bokkoni Universiteti əsasən "İqtisadiyyat" və "Maliyyə" ixtisasları üzrə təqdim etdiyi diplomalara görə yüksək qiymətləndirilir.[2] SDA Bokkoni Menecment məktəbi isə Avropanın ən yaxşı biznes məktəblərinin onluğuna daxildir.[2]

Məşhur məzunları[redaktə | əsas redaktə]

Buranın məzunu olan məşhurlardan misal olaraq aşağıdakıların adlarını çəkmək olar:

Həmçinin bax[redaktə | əsas redaktə]

İstinadlar[redaktə | əsas redaktə]

  1. Anagrafe Nazionale Studenti  (ital.)
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 Bocconi universiteti. banker.az, 11.06.2015  (azərb.)
  3. Bəşarət Məmmədov, Dilrubə Bayramova, Dünya təhsili: İtaliyanın təhsil sistemi, "Azərbaycan müəllimi" qəzeti, 13.01.2012, № 02.  (azərb.)

Xarici keçidlər[redaktə | əsas redaktə]